டெலிகிராம் யின் புதிய சாதனை டவுன்லோடில் 1 பில்லியனை தொட்டது.

சென்சார் டவர் வழியாக வெளியான ஒரு அறிக்கையின்படி, டெலிகிராம் ஆப் உலகளாவிய ரீதியில் ஒரு பில்லியன் டவுன்லோட்களை கடந்த சமீபத்திய செயலியாக மாறியுள்ளது.

Survey

கடந்த 2013 ஆம் ஆண்டின் பிற்பகுதியில் இருந்து இந்த இன்ஸ்டன்ட் மெசேஜிங் ஆப் ஆனது வாட்ஸ்அப் மற்றும் பேஸ்புக்கின் மெசஞ்சருக்கு எதிராக போட்டியிடுகிறது.

Add As A Trusted Source For Google.

Add as a preferred source on Google

வாட்ஸ்அப்பின் சமீபத்திய தனியுரிமைக் கொள்கை அப்டேட்டிற்கு மக்கள் மத்தியில் கடும் எதிர்ப்பு கிளம்பியது, அது டெலிகிராம் நிறுவனத்திற்கு சாதகமாக மாறியது.

சூழ்நிலையை இன்னும் நன்றாக பயன்படுத்திக்கொள்ள விரும்பிய டெலிகிராம் நிறுவனம் க்ரூப் வீடியோ கால்ஸ், ஸ்க்ரீன் ஷேரிங் வித் சவுண்ட் மற்றும் புதுப்பிக்கப்பட்ட வாய்ஸ் சாட் அனுபவம் உள்ளிட்ட புதிய அம்சங்களையும் அறிமுகப்படுத்தியது.

1 பில்லியனை தொட்டது!

இதற்கிடையில், டெலிகிராம் ஆப் கடந்த வாரம் உலகளவில் ஒரு பில்லியன் பதிவிறக்கங்கள் என்கிற மைல்கல்லை தாண்டியதாக சென்சார் டவரில் இருந்து ஒரு அறிக்கை வெளியாகியுள்ளது.

பட்டியலில் உள்ள மற்ற ஆப்களில் டெலிகிராமின் பரம எதிரியான வாட்ஸ்அப் மற்றும் மெசஞ்சர், பேஸ்புக், இன்ஸ்டாகிராம், ஸ்னாப்சாட், ஸ்பாட்ஃபை மற்றும் நெட்பிளிக்ஸ் போன்றவைகளும் உள்ளன.

வெளியான சென்சார் டவர் அறிக்கையின்படி, டெலிகிராமின் மிகப்பெரிய இணையச் சந்தையாக – இந்தியா உருவெடுத்துள்ளது, மொத்த நிறுவல்களில் சுமார் 22 சதவிகிதம் இந்தியர்களால் நிகழ்த்தப்பட்டுள்ளது.

இந்தியாவைத் தொடர்ந்து, ரஷ்யா மற்றும் இந்தோனேசியா ஆகிய நாடுகள் மொத்த நிறுவல்களில் முறையே 10 சதவிகிதம் மற்றும் 8 சதவிகிதத்தைப் பெற்றுள்ளன.

2021 ஆம் ஆண்டின் முதல் பாதியில் டெலிகிராம் ஆப் 214.7 மில்லியன் நிறுவல்களை எட்டியது, இது 2020 ஆம் ஆண்டின் அதே காலகட்டத்தில் பதிவான 133 மில்லியனில் இருந்து ஆண்டுக்கு 61 சதவீதம் என்கிற அதிகரிப்பைக் காட்டுகிறது.

சென்சார் டவர் அறிவித்த நிறுவல்களின் எண்ணிக்கை ஆப்பின் ஆக்டிவ் யூஸர்கள் தளத்தை பிரதிநிதித்துவப்படுத்தவில்லை என்பதை கவனத்தில் கொள்ள வேண்டும். இருப்பினும், டெலிகிராம் கடந்த ஆண்டு சுமார் 500 மில்லியன் மாதாந்திர ஆக்டிவ் பயனர்களைக் கொண்டிருப்பதாகக் கூறி உள்ளது.

இந்த மாத தொடக்கத்தில், வணிக பத்திரிகையான நிக்கி ஆசியா, பகுப்பாய்வு தளமான ஆப் அன்னியின் தரவை மேற்கோள் காட்டி, டெலிகிராம் ஆப் – 2020 ஆம் ஆண்டில் உலகளவில் அதிகம் பதிவிறக்கம் செய்யப்பட்ட ஏழாவது பயன்பாடாகும் என்று அறிக்கை வெளியிட்டு இருந்ததும் இங்கே குறிப்பிடத்தக்கது.

டெலிகிராம் ஆப் – கடந்த சில மாதங்களில் இவ்வளவு பெரிய வெற்றியை பெற முக்கிய காரணங்களில் ஒன்று வாட்ஸ்அப் மீதான பயனர்களின் எதிர்மறை உணர்வே ஆகும்.

டெலிகிராம் ஆப்பால் – அதன் போட்டியாளர் சிக்னல் ஆப்புடன் சேர்ந்து – வாட்ஸ்அப்பின் தனியுரிமை பிரச்சனையை மையமாக வைத்து மில்லியன் கணக்கான புதிய பயனர்களைச் சேர்க்க முடிந்தது.

வாட்ஸ்அப் அதன் தனியுரிமைக் கொள்கை அப்டேட்டை அறிமுகப்படுத்தியதுமே டெலிகிராம் புதிய உச்சங்களை எட்டியது.

WhatsApp அதன் தனியுரிமைக் கொள்கை புதுப்பிப்பை அறிவித்த மூன்று நாட்களில் – டெலிகிராம் நிறுவனர் பாவெல் துரோவ் அளித்த தகவலின்படி – டெலிகிராம் ஆப்பில் 25 மில்லியன் புதிய பயனர்கள் சேர்ந்தனர்

Follow Us

Sakunthala

சகுந்தலா இவள் டிஜிட் தமிழின் தொழில்நுட்ப செய்தி, பீச்சர், டிப்ஸ் & ட்ரிக்ஸ், போன்ற வற்றை கவர் செய்து வருகிறார், இவள் தொழில் நுட்ப செய்தி என்று சொன்னால் இவள் கேட்ஜெட் அதாவது ஸ்மார்ட்போன், TV மற்றும் பல கேட்ஜெட் எழுதி வருகிறார் இதை தவிர Canva மூலம் பிக்ஜர் உருவாக்குவது மற்றும் இதை தவிர இவள் சோசியல் மீடியா போஸ்ட் பேஸ்புக் போஸ்ட் , பேஸ்புக் இன்ஸ்டாகிராம், ட்விட்டர் யூடுப் போன்றவற்றையும் மேனேஜ் செய்து வருகிறாள். View Full Profile