Samsung Galaxy Z Flip 7: ఎడ్జ్ టు ఎడ్జ్ ఫ్లెక్స్ విండో మరియు AI సపోర్ట్ తో లాంచ్ అయ్యింది.!

Samsung Galaxy Z Flip 7: శామ్సంగ్ లేటెస్ట్ ఫ్లిప్ ఫోన్ ఈరోజు ప్రపంచవ్యాప్తంగా లాంచ్ అయ్యింది. ఈ ఫ్లిప్ ఫోన్ ను ఎడ్జ్ టు ఎడ్జ్ ఫ్లెక్స్ విండో మరియు AI సపోర్ట్ తో శామ్సంగ్ లాంచ్ చేసింది. ఈ ఫోన్ ను AI పవర్ హౌస్ అని శామ్సంగ్ ముద్దుగా పిలుస్తోంది. అంటే, అర్ధం చేసుకోవచ్చు ఈ ఫోన్ ఎటువంటి Ai ఫీచర్స్ కలిగి ఉంటుందని. ఈ ఫోన్ స్పెక్స్ మరియు ఫీచర్స్ పై ఒక లుక్కేద్దాం పదండి.

Survey

Samsung Galaxy Z Flip 7: ఫీచర్స్

శామ్సంగ్ గెలాక్సీ Z ఫ్లిప్ 7 ఫోన్ ను అబ్బురపరిచే ఫ్లెక్స్ విండో డిస్ప్లే తో అందించింది. ఇందులో మధ్యకు మడత పెట్టగలిగే 6.9 ఇంచ్ Dynamic AMOLED 2X స్క్రీన్ మరియు వెలుపల 4.1 ఇంచ్ సూపర్ AMOLED ఫ్లెక్స్ విండో డిస్ప్లే ఉంటాయి. ఈ రెండు స్క్రీన్స్ కూడా 120Hz రిఫ్రెష్ రేట్ మరియు FHD+ రిజల్యూషన్ కలిగి ఉంటాయి. ఈ ఫోన్ మడత పెట్టినప్పుడు 13.7mm మరియు మడత విప్పినప్పుడు కేవలం 6.5mm మందంతో మాత్రమే ఉండేలా స్లీక్ డిజైన్ అందించింది. ఈ ఫోన్ ను అల్యూమినియం ఫ్రేమ్ మరియు గొరిల్లా గ్లాస్ విక్టస్ 2 రక్షణతో అందించింది.

శామ్సంగ్ గెలాక్సీ Z ఫ్లిప్ 7 ఫోన్ శామ్సంగ్ లేటెస్ట్ 3nm చిప్ సెట్ Exynos 2500 తో లాంచ్ అయ్యింది. ఈ చిప్ సెట్ కి జతగా ఈ ఫోన్ లో 12 జీబీ ర్యామ్ మరియు 512 జీబీ ఇంటర్నల్ స్టోరేజ్ సపోర్ట్ కూడా అందించింది. ఈ ఫోన్ లేటెస్ట్ OneUI 8 సాఫ్ట్ వేర్ తో లేటెస్ట్ ఆండ్రాయిడ్ 16 OS పై నడుస్తుంది. ఈ ఫోన్ IP54 వాటర్ రెసిస్టెంట్ గా ఉంటుంది.

ఈ లేటెస్ట్ ఫ్లిప్ ఫోన్ 50MP వైడ్ యాంగిల్ మరియు 12MP అల్ట్రా వైడ్ యాంగిల్ కెమెరాలు కలిగిన డ్యూయల్ రియర్ కెమెరా మరియు ముందు 10Mp సెల్ఫీ కెమెరా కలిగి ఉంటుంది. ఈ ఫోన్ AI కెమెరా ఫీచర్స్ తో పాటు చాలా కెమెరా ఫిల్టర్స్ మరియు మరిన్ని ఫీచర్స్ కలిగి ఉంటుంది. ఈ ఫోన్ 4300 mAh బిగ్ బ్యాటరీ తో వచ్చింది. ఈ ఫ్లిప్ ఫోన్ 25W ఫాస్ట్ వైర్డ్ ఛార్జ్, ఫాస్ట్ వైర్లెస్ ఛార్జింగ్ 2.0 మరియు వైర్లెస్ పవర్ షేరింగ్ సపోర్ట్ కూడా కలిగి ఉంటుంది.

Also Read: Samsung Galaxy Z Fold 7: జబర్దస్త్ ఫీచర్స్ మరియు స్లిమ్ డిజైన్ తో లాంచ్ అయ్యింది.!

Samsung Galaxy Z Flip 7 : ప్రైస్

శామ్సంగ్ ఈ కొత్త ఫ్లిప్ ఫోన్ ను రెండు వేరియంట్స్ లో లాంచ్ చేసింది. శామ్సంగ్ గెలాక్సీ ఫ్లిప్ ఫోల్డ్ 7 (12 జీబీ + 256 జీబీ) వేరియంట్ ను రూ. 1,09,999 ప్రైస్ ట్యాగ్ తో మరియ (12 జీబీ + 512 జీబీ) వేరియంట్ ను రూ. 1,21,999 రూపాయల ప్రైస్ ట్యాగ్ తో లాంచ్ చేసింది. ఈ ఫోన్ ప్రీ- ఆర్డర్ కూడా ఈరోజు నుంచి ప్రారంభించింది. ఈ ఫోన్ జూలై 12వ తేదీ నుంచి ఈ ఫోన్ సేల్ కి కూడా అందుబాటులోకి వస్తుంది.

ఈరోజు నుంచి 12వ వరకు ఈ ఫోన్ ప్రీ ఆర్డర్ చేసే యూజర్లకు బేసిక్ వేరియంట్ దగ్గరకు 12 జీబీ + 512 జీబీ వేరియంట్ అందిస్తుందని, శామ్సంగ్ ప్రకటించింది.

Raja Pullagura

Raja Pullagura is the chief copy editor at Digit, he is known for producing engaging and informative content in regional languages, especially Telugu. With a growing interest in technology journalism, he has been actively creating articles covering smartphones, gadgets, telecom updates, and trending tech news. He has developed a strong inclination toward simplifying complex tech concepts for everyday readers. View Full Profile