OPPO Reno 15 Pro మరియు 15 Pro Mini 5G ప్రైస్ అండ్ కంప్లీట్ ఫీచర్స్ తెలుసుకోండి.!

OPPO Reno 15 Pro మరియు 15 Pro Mini 5G స్మార్ట్ ఫోన్లు ఇండియాలో ఇండియాలో లాంచ్ అయ్యాయి. ఈ సిరీస్ నుంచి మొత్తం మూడు ఫోన్లు లాంచ్ చేసింది. అయితే, ఈ రెండు ఫోనులు కూడా ప్రీమియం ఫీచర్స్ కలిగి ఉంటాయి. కానీ ఈ ఫోన్స్ లో 15 ప్రో మినీ ఫోన్ కాంపాక్ట్ సైజులో ఉంటుంది. ఈరోజే సరికొత్తగా ఇండియాలో విడుదలైన ఈ లేటెస్ట్ ఒప్పో స్మార్ట్ ఫోన్స్ ప్రైస్ అండ్ కంప్లీట్ ఫీచర్స్ తెలుసుకోండి.

OPPO Reno 15 Pro : ప్రైస్ & ఆఫర్స్

ఒప్పో ఈ ఫోన్ ను రెండు వేరియంట్స్ లో అందించింది. ఈ రెండు ప్రైస్ క్రింద చూడవచ్చు.

• ఒప్పో రెనో 15 ప్రో (12 జీబీ + 256 జీబీ) వేరియంట్ ధర : రూ. 67,999
• ఒప్పో రెనో 15 ప్రో (12 జీబీ + 512 జీబీ) వేరియంట్ ధర : రూ. 72,999

ఈ ఫోన్ కోకావా బ్రౌన్ మరియు సన్ సెట్ గోల్డ్ రెండు రంగుల్లో లభిస్తుంది. ఈ ఫోన్ పై రూ. ఎక్స్ చేంజ్ బోనస్ మరియు బ్యాంక్ కార్డ్ పై 10% అదనపు డిస్కౌంట్ ఆఫర్స్ అందించింది.

OPPO Reno 15 Pro Mini 5G : ప్రైస్

ఒప్పో ఈ ఫోన్ ను కూడా రెండు వేరియంట్స్ లో అందించింది. ఈ రెండు ధరలు క్రింద చూడవచ్చు.

• ఒప్పో రెనో 15 ప్రో మినీ (12 జీబీ + 256 జీబీ) వేరియంట్ ధర : రూ. 59,999
• ఒప్పో రెనో 15 ప్రో మినీ (12 జీబీ + 512 జీబీ) వేరియంట్ ధర : రూ. 64,999

ఈ ఫోన్ పై కూడా రూ. 2,000 ఎక్స్ చేంజ్ బోనస్ మరియు 10% బ్యాంక్ కార్డ్ పై అదనపు డిస్కౌంట్ ఆఫర్స్ అందించింది. ఇది కాకుండా ఒప్పో ఎన్కో బడ్స్ 3 ప్రో పై 50% అదనపు డిస్కౌంట్ ఆఫర్ కూడా అందించింది.

ఒప్పో రెనో 15 ప్రో మరియు ఒప్పో రెనో 15 ప్రో మినీ రెండు ఫోన్లు కూడా ఈరోజు నుంచి ప్రీ ఆర్డర్స్ కి అందుబాటులోకి వచ్చాయి. జనవరి 13వ తేదీ నుంచి ఈ ఫోన్ సేల్ మొదలవుతుంది.

Also Read: POCO M8 5G ఫోన్ M సిరీస్ ప్రీమియం ఫోన్ గా లాంచ్ అయ్యింది.!

OPPO Reno 15 Pro మరియు 15 Pro Mini 5G: ఫీచర్స్

ఈ రెండు ఫోన్లు కూడా ఒకే ఫీచర్స్ కలిగి ఉంటాయి, బట్ ఈ ఫోన్స్ సైజు మరియు బ్యాటరీలో మాత్రం మార్పు ఉంటుంది. ఈ రెండు మోడల్స్ కూడా మీడియాటెక్ Dimensity 8450 5G చిప్‌ సెట్‌తో పని చేస్తాయి. అంతేకాదు, ఈ రెండు ఫోన్లు కూడా ఆండ్రాయిడ్ 16 ఆధారిత ColorOS 16 తో లాంచ్ అయ్యాయి. ఈ రెండు మోడల్స్ కూడా 12GB LPDDR5X ర్యామ్ మరియు 512GB (UFS 3.1) స్టోరేజ్ కలిగి ఉంటాయి. అంతేకాదు, ఈ రెండు ఫోన్లు కూడా 5G, Wi-Fi 6, Bluetooth 5.4, NFC వంటి కనెక్టివిటీ సపోర్ట్ కలిగి ఉంటాయి.

కెమెరా పరంగా కూడా ఈ రెండు మోడల్స్ ఒకేలా ఉంటాయి. ఈ రెండు ఫోన్లు కూడా వెనుక ట్రిపుల్ రియర్ కెమెరా సెటప్ కలిగి ఉంటాయి. ఈ సెటప్ లో 200MP మెయిన్ సెన్సార్ (OIS), 50MP అల్ట్రా వైడ్ మరియు 50MP (3.5x) పెరిస్కోప్ టెలిఫోటో కెమెరా ఉంటాయి. అలాగే, ముందు 50MP సెల్ఫీ కెమెరా కూడా ఉంటుంది. ఈ ఫోన్ కలిగిన అన్ని కెమెరాలతో 60FPS 4K వీడియో రికార్డ్ చేస్తుంది. అంతేకాదు. ఈ ఫోన్ గొప్ప AI కెమెరా ఫీచర్స్ తో పాటు ఒప్పో యొక్క ప్రత్యేకమైన ఫిల్టర్లు కూడా కలిగి ఉంటుంది.

ఇక ఈ రెండు ఫోన్లు కలిగిన మార్పుల విషయానికి వస్తే, రెనో 15 ప్రో 6.78 ఇంచ్ LTPO AMOLED కలిగి ఉంటే రెనో 15 ప్రో మినీ మాత్రం 6.32 ఇంచ్ AMOLED స్క్రీన్ కలిగి ఉంటుంది. ఈ ఫోన్లు బ్యాటరీ వివరాల్లో కూడా పెద్ద మార్పు ఉంటుంది. అదేమిటంటే, రెనో 15 ప్రో 6,500 mAh బ్యాటరీ కలిగి ఉంటే రెనో 15 ప్రో మినీ లో 6,200 mAh బ్యాటరీ ఉంటుంది. ఈ రెండు ఫోన్లు కూడా 80W SuperVOOC వైర్డ్ ఫాస్ట్ ఛార్జింగ్ సపోర్ట్ కలిగి ఉంటాయి. అయితే, రెనో 15 ప్రో మాత్రం 50W వైర్లెస్ ఛార్జింగ్ సపోర్ట్ కూడా కలిగి ఉంటుంది.

ఇక ఈ ఫోన్లు కలిగిన అదనపు ఫీచర్స్ విషయానికి వస్తే, ఈ ఫోన్లు ఇన్ డిస్ప్లే ఆప్టికల్ ఫింగర్‌ ప్రింట్ సెన్సార్, X-Axis లీనియర్ హ్యాప్టిక్స్ మరియు డ్యూయల్ స్టీరియో స్పీకర్లు కలిగి ఉంటాయి. ఈ రెండు ఫోన్లు కూడా IP66, IP68 మరియి IP69 మూడు రకాల రేటింగ్ తో మంచి డస్ట్ అండ్ వాటర్ రెసిస్టెంట్ ఫోన్లుగా ఉంటాయి.