Poco F7 5G: స్టన్నింగ్ ఫీచర్స్ తో విడుదలైన పోకో ఎఫ్ 7 ధర మరియు ఫీచర్స్ తెలుసుకోండి.!

Poco F7 5G: పోకో ఈరోజు ఇండియా మార్కెట్లో లేటెస్ట్ స్మార్ట్ ఫోన్ విడుదల చేసింది. అదే, పోకో ఎఫ్ 7 5జి స్మార్ట్ ఫోన్ మరియు ఈ ఫోన్ ను స్టన్నింగ్ ఫీచర్లతో ఇండియాలో విడుదల చేసింది. ఈ స్మార్ట్ ఫోన్ Snapdragon 7s Gen 4 చిప్ సెట్ తో లాంచ్ అయ్యింది. పోకో ఈరోజే సరికొత్తగా విడుదల చేసిన ఈ లేటెస్ట్ స్మార్ట్ ఫోన్ ధర, స్పెక్స్ మరియు ఫీచర్స్ తెలుసుకుందామా.

Survey

Poco F7 5G: ప్రైస్

పోకో ఎఫ్ 7 5జి స్మార్ట్ ఫోన్ బేసిక్ వేరియంట్ రూ. 31,999 రూపాయల ధరతో లాంచ్ అయ్యింది. ఈ ఫోన్ 12 జీబీ + 256 జీబీ వేరియంట్ ను ఈ ధరతో లాంచ్ చేసింది. ఈ ఫోన్ హై ఎండ్ వేరియంట్ 12 జీబీ + 512 జీబీ వేరియంట్ ని రూ. 33,999 రూపాయల ధరతో లాంచ్ చేసింది. ఈ ఫోన్ పై గొప్ప లాంచ్ ఆఫర్స్ కూడా అందించింది. జూలై 1వ తేదీ మధ్యాహ్నం 12 గంటల నుంచి సేల్ కి అందుబాటులోకి వస్తుంది.

ఆఫర్లు

పోకో ఎఫ్ 7 5జి స్మార్ట్ ఫోన్ పై గొప్ప బ్యాంక్ డిస్కౌంట్ అఫర్ అందించింది. ఈ ఫోన్ ను HDFC, SBI మరియు ICICI బ్యాంక్ కార్డ్స్ తో కొనుగోలు చేసే వారికి రూ. 2,000 రూపాయల అధనపు డిస్కౌంట్ లభిస్తుంది లేదా ఈ ఫోన్ పై రూ. 2,000 రూపాయల ఎక్స్ చేంజ్ బోనస్ అందుకోవచ్చు. ఈ ఆఫర్ తో ఈ స్మార్ట్ ఫోన్ కేవలం రూ. 29,999 ప్రారంభ ఆఫర్ ధరలో లభిస్తుంది.

Poco F7 5G: ఫీచర్స్

పోకో ఎఫ్ 7 స్మార్ట్ ఫోన్ ను 6.8 ఇంచ్ OLED స్క్రీన్ తో లాంచ్ చేసింది. ఇది ఇన్ డిస్ప్లే ఫింగర్ ప్రింట్ సెన్సార్ తో పాటు గొరిల్లా గ్లాస్ 7i రక్షణ కలిగిన డిస్ప్లే మరియు ఇది 1.5K రిజల్యూషన్ కలిగి ఉంటుంది. ఈ స్క్రీన్ 120Hz రిఫ్రెష్ రేట్, HDR10+ సపోర్ట్ మరియు 3200 నిట్స్ పీక్ బ్రైట్నెస్ కలిగి ఉంటుంది.

పోకో ఈ స్మార్ట్ ఫోన్ ను క్వాల్కమ్ Snapdragon 8s Gen 4 చిప్ సెట్ తో లాంచ్ చేసింది. ఈ ఫాస్ట్ ప్రోసెసర్ కి మరింత వేగం అందించే 12GB LPDDR5X ఫిజికల్ ర్యామ్, 24 జీబీ టర్బో ర్యామ్ మరియు 256 జీబీ (UFS4.1) ఇంటర్నల్ స్టోరేజ్ ను కూడా అందించింది. ఈ స్మార్ట్ ఫోన్ HyperOS సాఫ్ట్ వేర్ తో ఆండ్రాయిడ్ 15 ఆపరేటింగ్ సిస్టంతో వస్తుంది.

కెమెరా పరంగా, F7 5జి స్మార్ట్ ఫోన్ 50MP Sony IMX 882 మెయిన్ కెమెరా కలిగిన డ్యూయల్ రియర్ కెమెరా కలిగి ఉంటుంది. అంతేకాదు, ఈ ఫోన్ లో ముందు 20MP సెల్ఫీ కెమెరా కూడా ఉంటుంది. ఈ ఫోన్ AI కెమెరా ఫీచర్స్ మరియు 4K వీడియో రియార్డింగ్ సపోర్ట్ కలిగి ఉంటుంది. ఈ ఫోన్ లో 7550 mAh హెవీ బ్యాటరీ ఉంటుంది మరియు ఈ బ్యాటరీని మరింత వేగంగా ఛార్జ్ చేసే 90W ఫాస్ట్ ఛార్జ్ సపోర్ట్ ని కూడా పోకో ఈ ఫోన్ లో అందించింది. అదనంగా, ఈ ఫోన్ లో చాల వేగంగా రివర్స్ ఛార్జ్ చేసే 22.5 W రివర్స్ ఛార్జ్ సపోర్ట్ ను కోడోత్ ఈ ఫోన్ లో జత చేసింది.

Also Read: vivo T4 Lite 5G : వివో అతి చవక 5G స్మార్ట్ ఫోన్ లాంచ్ అయ్యింది.!

ఇక ఈ ఫోన్ మరిన్ని ఫీచర్స్ వివరాల్లోకి వెళితే, ఈ ఫోన్ IP66, IP68 మరియు IP69 రేటింగ్ తో డస్ట్ మరియు వాటర్ రెసిస్టెంట్ గా ఉంటుంది. ఇందులో దుల్ స్టీరియో స్పీకర్లు ఉన్నాయి మరియు 6000mm² వేపర్ ఛాంబర్ కూలింగ్ సెటప్ కూడా కలిగి ఉంటుంది.

Raja Pullagura

Raja Pullagura is the chief copy editor at Digit, he is known for producing engaging and informative content in regional languages, especially Telugu. With a growing interest in technology journalism, he has been actively creating articles covering smartphones, gadgets, telecom updates, and trending tech news. He has developed a strong inclination toward simplifying complex tech concepts for everyday readers. View Full Profile