OnePlus Pad 4 with premium features launched in india
OnePlus Pad 4: వన్ ప్లస్ ఇండియన్ మార్కెట్లో ఈరోజు తన లేటెస్ట్ టాబ్లెట్ ని విడుదల చేసింది. అదే, వన్ ప్లస్ పాడ్ 4 మరియు ఈ టాబ్లెట్ ను ల్యాప్ టాప్ వంటి గొప్ప ప్రొడక్టివిటీ అందించే ఫీచర్స్ తో అందించడం విశేషం. వన్ ప్లస్ లేటెస్ట్ గా విడుదల చేసిన ఈ పవర్ ఫుల్ టాబ్లెట్ ప్రైస్ అండ్ ఫీచర్స్ ఎలా ఉన్నాయో ఒక లుక్కేద్దాం పదండి.
ఈ లేటెస్ట్ పాడ్ ను వన్ ప్లస్ రెండు వేరియంట్స్ లో లాంచ్ చేసింది. ఈ పాడ్ (8GB + 256GB) బేసిక్ వేరియంట్ ను రూ. 59,999 ప్రైస్ ట్యాగ్ తో లాంచ్ చేసింది. ఈ పాడ్ రెండో మరియు హై ఎండ్ వేరియంట్ (12GB + 512GB) వేరియంట్ ను రూ. 64,999 రూపాయల ప్రీమియం ప్రైస్ ట్యాగ్ తో లాంచ్ చేసింది. ఈ పాడ్ డూన్ గ్లో మరియు సెజ్ మిస్ట్ రెండు రంగుల్లో లభిస్తుంది.
వన్ ప్లస్ కొత్తగా లాంచ్ చేసిన ఈ లేటెస్ట్ పాడ్ మే 5వ తేదీ మధ్యాహ్నం 12 గంటల నుంచి సేల్ కి అందుబాటులోకి వస్తుంది. ఈ పాడ్ పై భారీ బ్యాంక్ డిస్కౌంట్ కూడా అందించింది. ఈ పాడ్ ను HDFC క్రెడిట్ కార్డు తో కొనుగోలు చేసే వారికి రూ. 5,000 రూపాయల అదనపు బ్యాంకు డిస్కౌంట్ ఆఫర్ ని వన్ ప్లస్ ఈ పాడ్ తో అందించింది.
వన్ ప్లస్ ఈ కొత్త పాడ్ ను 13.2 అంగుళాల పెద్ద LCD డిస్ప్లే తో అందించింది. ఈ స్క్రీన్ 12-bit (8+4-bit) స్క్రీన్ మరియు 89.4% స్క్రీన్ టు బాడీ రేషియో కలిగి ఉంటుంది, ఇక ఈ డిస్ప్లే అదనపు ఫీచర్స్ విషయానికి వస్తే, ఇది 3.4K రిజల్యూషన్, 144Hz అడాప్టివ్ రిఫ్రెష్ రేట్ కలిగి ఉండటమే కాకుండా HDR మరియు Dolby Vision సపోర్ట్ కలిగి ఉంటుంది. ఇది గేమింగ్ మరియు ఎంటర్టైన్మెంట్ కోసం కూడా అద్భుతంగా ఉంటుంది.
ఈ పాడ్ ను క్వాల్కమ్ యొక్క లేటెస్ట్ పవర్ ఫుల్ మొబైల్ చిప్ సెట్ Snapdragon 8 Elite Gen 5 తో లాంచ్ చేసింది. ఈ పవర్ ఫుల్ చిప్ సెట్ కి జతగా 12GB RAM మరియు 512GB హెవీ స్టోరేజ్ కూడా అందించింది. ఇది PC లాంటి ప్రొడక్టివిటీ అందిస్తుందని వన్ ప్లస్ తెలిపింది. ఈ పాడ్ లో వెనుక 13MP రియర్ మరియు ముందు 8MP సెల్ఫీ కెమెరా ఉంటాయి. ఈ పాడ్ 4K వీడియో రికార్డింగ్ సపోర్ట్ కలిగి ఉంటుంది.
ఇక ఈ పాడ్ బ్యాటరీ విషయానికి వస్తే, ఇందులో 13,380mAh భారీ బ్యాటరీ ని వన్ ప్లస్ అందించింది. ఈ బిగ్ బ్యాటరీ కలిగిన ఈ పాడ్ ను వేగంగా ఛార్జ్ చేసే 80W ఫాస్ట్ ఛార్జింగ్ సపోర్ట్ కలిగి ఉంటుంది. ఇది ఇప్పటి వరకు వన్ ప్లస్ అందించిన టాబ్లెట్ లో అతిపెద్ద బ్యాటరీ కలిగిన టాబ్లెట్ గా నిలిచింది. ఇది సపోర్ట్ ఇది Wi-Fi పై మాత్రమే పని చేసే టాబ్లెట్.
Also Read: Samsung 5.1 Dolby సౌండ్ బార్ ఫ్లిప్ కార్ట్ సేల్ నుంచి ఆల్ టైమ్ చవక ధరలో లభిస్తోంది.!
సౌండ్ పరంగా, ఇందులో మొత్తం 8 స్పీకర్లు ఉంటాయి. 4 వీటిలో బాస్ స్పీకర్లు మరియు 4 ట్వీటర్ లు ఉంటాయి. అంతేకాదు, హై రిజల్యూషన్ సౌండ్ సపోర్ట్ కూడా కలిగి ఉంటుంది. ఇది వన్ ప్లస్ స్టయిల్ మరియు కీ ప్యాడ్ సపోర్ట్ కూడా కలిగి ఉంటుంది. ఈ టాబ్లెట్ లో బిగ్ బ్యాటరీ మరియు పవర్ ఫుల్ ఫీచర్స్ తో కేవలం 5.94mm మందంతో అల్ట్రా స్లీక్ డిజైన్ తో అందించడం విశేషం.