మోటరోలా తన అప్ కమింగ్ స్మార్ట్ ఫోన్ Moto Edge 30 యొక్క ఇండియా లాంచ్ డేట్ ను ప్రకటించింది. అంతేకాదు, ఈ ఫోన్ యొక్క కీలకమైన వివరాలను కూడా టీజర్ ద్వారా వెల్లడించింది. 144Hz రిఫ్రెష్ రేట్ కలిగిన 10-బిట్ pOLED డిస్ప్లే మరియు వేగవంతమైన క్వాల్కామ్ స్నాప్ డ్రాగన్ 778G+ ప్రాసెసర్ వంటి భారీ స్పెక్స్ తో ఈ ఫోన్ ను తీసుకువస్తునట్లు మోటరోలా చెబుతోంది. ఈ మోటో ఎడ్జ్ 30 స్మార్ట్ ఫోన్ ను మోటరోలా మే 12న భారతీయ మార్కెట్లో ఆవిష్కరించబోతోంది. మరి ఈ అప్ కమింగ్ స్మార్ట్ ఫోన్ ఎటువంటి ఫీచర్లతో ఇండియన్ మార్కెట్లో అడుగుపెట్టబోతోందో ఓకే లుక్ వేద్దాం.
ఈ స్మార్ట్ ఫోన్ టీజర్ ద్వారా కంపెనీ ఇప్పటికే కొన్ని కీలకమైన వివరాలను వెల్లడించింది. టీజర్ ద్వారా, కేవలం 6.9mm మందంతో మోటో ఎడ్జ్ 30 స్మార్ట్ ఫోన్ ప్రపంచంలో అత్యంత నాజూకైన 5G ఫోన్ గా పిలవబడుతుంది. ఈ ఫోన్ వేగవంతమైన క్వాల్కామ్ స్నాప్ డ్రాగన్ 778G+ ప్రాసెసర్ తో పనిచేస్తుంది మరియు ఆండ్రాయిడ్ 12-ఆధారిత MyUX సాఫ్ట్‌వేర్‌ను పొందవచ్చు.
ఇక గేమర్స్ మరియు OTT కంటెంట్ ను మంచి డెప్త్ తో ఆస్వాదించడానికి వీలైన 144Hz రిఫ్రెష్ రేట్, FHD+ రిజల్యూషన్ మరియు 1 బిలియన్ కలర్ కవరేజీని కలిగిన pOLED డిస్ప్లే ఈ ఫోన్ లో వుంది. ఈ ఫోన్ 33W టర్బోపవర్ ఛార్జింగ్‌ సపోర్ట్ తో 4,020 mAh బ్యాటరీని కలిగి ఉంటుంది, గరిష్టంగా 8GB RAM మరియు 256GB వరకు ఆన్‌బోర్డ్ స్టోరేజ్ కూడా ఉంటుంది.
ఈ ఫోన్ వెనుక కెమెరా ప్యానెల్‌లో 50MP ప్రధాన సెన్సార్, 50MP అల్ట్రావైడ్ సెన్సార్ మరియు 2MP డెప్త్ సెన్సార్ ఉన్నాయి. ముందు కెమెరా 32MP సెన్సార్ ఉండవచ్చు.