Wobble Smartphone: మేడ్ ఇన్ ఇండియా స్మార్ట్ ఫోన్ లాంచ్ చేస్తున్న ఇండియన్ బ్రాండ్.!

Wobble Smartphone: స్మార్ట్ టీవీ మరియు డిస్ప్లేలు తయారు చేసే ప్రముఖ ఇండియన్ కన్స్యూమర్ టెక్ బ్రాండ్ ఇండ్ కల్ టెక్నాలజీస్ ఇప్పుడు కొత్తగా స్మార్ట్ ఫోన్ రంగంలోకి కూడా అడుగుపెట్టింది. ఈ కంపెనీ ఇండియాలో వబుల్ స్మార్ట్ ఫోన్ లాంచ్ చేస్తున్నట్లు అనౌన్స్ చేసింది. ఈ ఫోన్ కోసం ముందుగా కేవలం టీజింగ్ మాత్రమే మొదలు పెట్టిన కంపెనీ, ఇప్పుడు ఈ అప్ కమింగ్ స్మార్ట్ ఫోన్ లాంచ్ డేట్ రివీల్ చేసింది.

Survey

Wobble Smartphone: లాంచ్ డేట్?

ఇండియన్ కన్స్యూమర్ టెక్ బ్రాండ్ ఇండ్కల్ టెక్నాలజీస్ తన వబుల్ స్మార్ట్ ఫోన్ లాంచ్ చేస్తున్నట్లు అనౌన్స్ చేసింది. ఈ బ్రాండింగ్ తో ఇప్పటికే ఇండియన్ మార్కెట్ లో చాలా స్మార్ట్ టీవీలను లాంచ్ చేసింది. అయితే, ఇప్పుడు స్మార్ట్ ఫోన్ రంగంలోకి కూడా అడుగుపెట్టింది. ఈ కంపెనీ లాంచ్ చేస్తున్న స్మార్ట్ ఫోన్ నవంబర్ 19వ తేదీ ఇండియాలో లాంచ్ చేస్తుంది. ఈ ఫోన్ ను అమెజాన్ స్పెషల్ గా లాంచ్ చేస్తోంది. అంటే, ఈ ఫోన్ అమెజాన్ ఇండియా నుంచి ప్రత్యేకంగా సేల్ అవుతుంది.

Wobble Smartphone: ఫీచర్స్

ఈ ఫోన్ కోసం అమెజాన్ ఇండియా అందించిన మైక్రో సైట్ టీజర్ పేజీ నుంచి ఈ ఫోన్ ఫీచర్స్ తో టీజింగ్ చేస్తోంది. ఈ ఫోన్ ఇండియాలో డిజైన్ చేయబడిన మేడ్ ఇన్ ఇండియా ఫోన్ గా చెప్పబడుతోంది. అంతేకాదు, ఈ ఫోన్ ప్రీమియం ఫీచర్స్ తో వచ్చే ఫోన్ గా కంపెనీ టీజర్ చెబుతోంది. అయితే, ఈ ఫోన్ పేరును ఇంకా కంపెనీ అనౌన్స్ చేయలేదు. కానీ, ఈ ఫోన్ వబుల్ 1 పేరుతో వచ్చే అవకాశం ఉందని చెబుతున్నారు.

ఇక ఫీచర్స్ విషయానికి వస్తే, ఈ ఫోన్ రౌండ్ కార్నర్స్ మరియు స్లీక్ డిజైన్ తో ఉన్నట్లు కనిపిస్తోంది. ఇందులో వెనుక AI ఇంటెలిజెన్స్ సపోర్ట్ కలిగిన కెమెరా సెటప్ ఇందులో ఉంటుంది. ఈ ఫోన్ రియర్ కెమెరా పెద్ద కెమెరా బంప్ డిజైన్ కలిగిన కెమెరా సెటప్ కలిగి ఉంటుంది. ఇది గొప్ప కెమెరా ఫీచర్స్ మరియు డీటెయిల్స్ కలిగి ఉంటుందని కంపెనీ చెబుతోంది. అంతేకాదు, ఈ ఫోన్ లో ప్రీమియం సెల్ఫీ కెమెరా ఉంటుందని కూడా కంపెనీ చెబుతోంది.

ఈ ఫోన్ ను Dolby సౌండ్ సపోర్ట్ తో అందిస్తున్నట్లు కంపెనీ తెలిపింది. ఈ ఫోన్ లో గొప్ప విజువల్స్ అందించే స్క్రీన్ ఉంటుందని కూడా వబుల్ చెబుతోంది. ఈ ఫోన్ కోసం కంపెనీ అందించిన టీజర్ ఇమేజెస్ దారి ఈ వివరాలు వెల్లడించింది. అయితే, ఈ ఫోన్ గురించి కొన్ని అంచనా స్పెక్స్ ఇప్పటికే ఆన్లైన్ లో చక్కర్లు కొడుతున్నాయి.

Also Read: ZEBRONICS Dolby సౌండ్ బార్ ఈరోజు కేవలం రూ. 4,999 ధరలో లభిస్తోంది.!

ఏమిటా అంచనా స్పెక్స్?

ఈ అప్ కమింగ్ వబుల్ స్మార్ట్ ఫోన్ మీడియాటెక్ Dimensity 7400 5G చిప్ సెట్ తో లాంచ్ అవుతుందని అంచనా వేసి చెబుతున్నారు. అంతేకాదు, ఇందులో 8 జీబీ ర్యామ్ మరియు బిగ్ స్టోరేజ్ ఉంటుందట. ఇది మాత్రమే కాదు ఈ ఫోన్ ఆండ్రాయిడ్ 15 OS తో లాంచ్ అవుతుందని కూడా అంచనా వేస్తున్నారు. ఈ ఫోన్ లాంచ్ డేట్ జస్ట్ ఇప్పుడే కదా అనౌన్స్ చేసింది, టీజర్ లో భాగంగా ఈ ఫోన్ కీలక ఫీచర్స్ కూడా కంపెనీ అనౌన్స్ చేసే అవకాశం ఉంటుంది. ఈ ఫోన్ కొత్త అప్డేట్ తో మళ్ళి కలుద్దాం.

Raja Pullagura

Raja Pullagura is the chief copy editor at Digit, he is known for producing engaging and informative content in regional languages, especially Telugu. With a growing interest in technology journalism, he has been actively creating articles covering smartphones, gadgets, telecom updates, and trending tech news. He has developed a strong inclination toward simplifying complex tech concepts for everyday readers. View Full Profile