EPF Advance: ఏ అవసరానికి మరియు ఎలా అప్లై చెయ్యాలో తెలుసుకోండి

బై Raja Pullagura | పబ్లిష్ చేయబడింది 23 Feb 2021
HIGHLIGHTS

ఉద్యోగి తన EPF నుండి అడ్వాన్స్ కోసం అభ్యర్ధన చేసుకోవచ్చు

కొన్ని ప్రత్యేకమైన పరిస్థితుల్లో మాత్రమే అప్లై చేయవచ్చు.

ఎలా చెయ్యాలో, ఎప్పుడు చెయ్యొచ్చునో తెలుసుకోండి

EPF Advance:  ఏ అవసరానికి మరియు ఎలా అప్లై చెయ్యాలో తెలుసుకోండి
EPF Advance: ఏ అవసరానికి మరియు ఎలా అప్లై చెయ్యాలో తెలుసుకోండి

EPF Advance: ఉద్యోగి కొన్ని ప్రత్యేక మరియు తప్పనిసరి పరిస్థితులలో వారి EPF అకౌంట్ నుండి అడ్వాన్స్ కోసం అప్ప్లై చేయవచ్చు. అటువంటి వాటిలో ముఖ్యంగా, వైద్య సహాయం, పెళ్లి కోసం, ఇల్లు కట్టుకోవడానికి లేదా ప్రాపర్టీ కొనుగోలు చేయడానికి, సొంత ఇంటి లోన్ తిరిగి చెల్లించడానికి, చదువు కోసం, వంటి కొన్ని ప్రత్యేక పరిస్థితుల్లో, ఉద్యోగి తన EPF నుండి అడ్వాన్స్ కోసం అభ్యర్ధన చేసుకోవచ్చు. దీనిని ఎలాగా చేయాలో చూద్దాం.    

ముందుగా EPFO యొక్క అధికారక వెబ్సైట్ లోకి ప్రవేశించి, మీ యొక్క UAN (యూనివర్సల్ అకౌంట్ నంబర్) ని యాక్టీవేట్ చేసుకోవాలి( ఇప్పటి వరకు చేయనివారికోసం). వెబ్సైట్ కోసం EPFO  పైన క్లిక్ చేయండి.    

EPF నుండి అడ్వాన్స్ కోసం ఎదురుస్తున్నవారు, వారి అభ్యర్థనను ఆన్లైన్లో EPFO వెబ్సైట్ ద్వారా సమర్పించవచ్చు. మీ UAN మరియు రిజిస్టర్డ్ మొబైల్ నంబరుతో ఇక్కడ  మేము సూచించిన విధంగా చేయండి.

1. మొదట మీరు www.epfindia.gov.in వెబ్సైటుకు వెళ్లి ఇక్కడ చూపిన విధంగా క్లిక్ చేయండి .

2.  తర్వాత మీరు UAN / ఆన్లైన్ సర్వీస్ (OCS / OTP) యొక్క సభ్యునికి దాని సర్వీసు పేజీకి మళ్ళించబడతారు.

3. సర్వీసుల కింద సభ్యుని UAN / ఆన్లైన్ సర్వీస్ (OCS / OTP) పై క్లిక్ చేసిన తర్వాత మీరు మీ UAN మరియు పాస్ వర్డ్ ను ఎంటర్ చేయాలి. ఇక్కడ ఇచ్చిన పట్టికలో టైప్ చేయండి.

4. మీ UAN మరియు పాస్ వర్డు టైప్ చేసి  ఎంటర్ చేసిన తర్వాత, మీరు Manage పైన నొక్కండి. ఆ తర్వాత దానిలో కనిపించే 4 విభాగాలలో KYC పైన క్లిక్ చేయండి.

5. ఈ KYC లో మీ యొక్క ఆధార్, PAN మరియు బ్యాంకు వివరాలను నమోదుచేసి ఎంటర్ చేయండి. (ఈ వివరాలను ఇప్పటి వరకు నమోదు చేయని వారికోసం) ఇవి మీకు అప్డేట్ అవడానికి కొంత సమయం పడుతుంది.

6. ఇప్పుడు పైన కనిపించే, Online Services పైన నొక్కడం ద్వారా లోనికి ప్రవేశించి, అందులోని Claim ఎంచుకోండి. ఇక్కడ బ్యాంక్ అకౌంట్ యొక్క చివరి 4 అంకెలను నమోదు చేసి ఎంటర్ చేయండి.

7.  ఇక్కడ మీ వివరాలతో పాటుగా 'I  Want To Apply For' అని కనిపిస్తుంది. ఇందులోకి వెళ్లి PF Advance (Form-31) ఎంచుకొని మీరు ఎటువంటి అవసరం కోసం మీరు  మీ PF నుండి అడ్వాన్స్ కోసం అప్ప్లై చేస్తున్నారో ఎంచుకొవాల్సివుంటుంది.

8. ఇక్కడ మీ పూర్తి చిరునామా నమోదు  చేసిన తరువాత సబ్మిట్ చేయాలి.

9. ఆన్లైన్ అవకాశం లేనివారు EPF ఆఫీసునందు Form - 31 పూర్తి వివరాలను వ్రాసి సమర్పించవచ్చు.

ముఖ్య గమనిక :మీరు మీ (బ్యాంకు) వివరాలను ఎంటర్ చేసి సబ్మిట్ చేసే ముందు వివరాలు సరైనవేనని పూర్తిగా నిర్ధారించుకున్న తరువాతే ముందుకు వెళ్ళండి.  ఎందుకంటే, మీ బ్యాంకు వివరాలు తప్పుగా ఎంటర్ చేస్తే మీ డబ్బు ఆ అకౌంటుకు వెళుతుంది.

ముఖ్యమైన అభ్యర్ధన :

మీరు అత్యవసర సమయంలో ఉన్నప్పుడు, మీకు ఎటువంటి దారిలేనప్పుడు మరియు తప్పని పరిస్థితుల్లో తప్ప, మీ PF అడ్వాన్స్ ని వాడుకోకండి. ఎందుకంటే, ఇది మీకు మీ రిటైర్మెంట్ తరువాత ఉపయోగపడే ఒకే ఒక ఆధారం.          

logo
Raja Pullagura

Web Title: do you know when you can apply for epf advance and how to apply
Tags:
epf advance how apply for epf pf epf rules new epf rules april 1 epf new rules
Advertisements

ట్రెండింగ్ ఆర్టికల్స్

Advertisements
Advertisements

Digit caters to the largest community of tech buyers, users and enthusiasts in India. The all new Digit in continues the legacy of Thinkdigit.com as one of the largest portals in India committed to technology users and buyers. Digit is also one of the most trusted names when it comes to technology reviews and buying advice and is home to the Digit Test Lab, India's most proficient center for testing and reviewing technology products.

మేము -9.9 వంటి నాయకత్వం గురించి! భారతదేశం నుండి ఒక ప్రముఖ మీడియా సంస్థను నిర్మించడం. మరియు, ఈ మంచి పరిశ్రమ కోసం నూతన నాయకులను తయారుచేయడానికి.

DMCA.com Protection Status