Vivo tab: మొదటిసారిగా వివో ట్యాబ్లేట్…ఫీచర్లు ఎలా ఉన్నాయంటే..!
వివో ట్యాబ్లేట్ Snapdragon 870 తో వస్తున్నట్లు లీక్స్ వెల్లడి
TUV Rheinland సర్టిఫికేషన్ వెబ్సైట్ లో కూడా కనిపించినట్లు తెలుస్తోంది
వివో ట్యాబ్లేట్ వేగంగా పనిచేయగాల సత్తాతో వస్తుంది
ఈ సంవత్సరం ప్రారంభంలోనే వివో కంపెనీ యూరోపియన్ యూనియన్ ఇంటెలెక్చువల్ ప్రాపర్టీ ఆఫీస్ (EUIPO)తో Vivo Pad ని ట్రేడ్ మార్క్ చేసింది. అలాగే, కంపెనీ దృవీకరించినట్లుగా 2022 సంవత్సరం అర్ధభాగంలో ఈ వివో ట్యాబ్లేట్ మార్కెట్లో అడుగుపెడుతుంది. అయితే, ఇప్పటి వరకూ ఈ ట్యాబ్ గురించి ఎటువంటి వివరాలు తెలియనప్పటికీ ఇప్పుడు కొత్తగా వచ్చిన ఒక లీక్ ఈ టాబ్లెట్ Qualcomm చిప్సెట్ శక్తితో పనిచేస్తుందని చెబుతోంది.
Vivo Pad: స్పెక్స్
ప్రముఖ టిప్ స్టర్ డిజిటల్ స్టేషన్ అప్ కమింగ్ వివో ట్యాబ్లేట్ Snapdragon 870 ప్రోసెసర్ తో వస్తుందని వెల్లడించింది. ఈ ప్రోసెసర్ తో X60 ప్రో మరియు iQOO 7 వంటి కొన్ని ప్రీమియం స్మార్ట్ ఫోన్లను ఇప్పటికే వివో మార్కెట్లోకి తీసుకువచ్చింది. ఇదే కనుక నిజమైతే వివో ట్యాబ్లేట్ చాల వేగంగా పని చెయ్యగలదని ఖచ్చితంగా చెప్పొచ్చు.
మరిన్ని లీక్డ్ వివరాల్లోకి వెళితే, ఈ అప్ కమింగ్ వివో ట్యాబ్లేట్ TUV Rheinland సర్టిఫికేషన్ వెబ్సైట్ లో కూడా కనిపించినట్లు తెలుస్తోంది. అంతేకాదు, 8040mAh హెవీ బ్యాటరీని కూడా కలిగి ఉన్నట్లు వెల్లడించింది.