REDMI 7A : షావోమి నుండి మరొక బడ్జెట్ ఫోన్
Follow Usఈ స్మార్ట్ ఫోన్ యొక్క బాడీ పాలికార్బోనేట్ తో ఇవ్వబడింది మరియు ఇది P2i నానో-కోటింగ్ తో అందించడం వలన స్ప్లాష్ ప్రూఫ్ గా పనిచేస్తుంది.
మొబైల్ రంగంలో అతితక్కువ ధరకే స్మార్ట్ ఫోన్లను అందిస్తూ దూసుకుపోతున్న, షావోమి సంస్థ ఇప్పుడు మరొక బడ్జెట్ స్మార్ట్ ఫోన్ను విడుదల చేసింది. ఈ సంవత్సరం మొదటి నుండే తన హావ కొనసాగిచడం మొదలు పెట్టిందని చెప్పొచ్చు. ఇటీవల కాలంలో, తన 7 సిరిస్ పైన ఎక్కువ స్మార్ట్ ఫోన్లను తీసుకొచ్చింది. ముందుగా, రెడ్మి నోట్ 7, రెడ్మి నోట్ 7 ప్రో, రెడ్మి 7, రెడ్మి నోట్ 7S వంటి స్మార్ట్ ఫోన్లను తీసుకురాగా, ఇప్పుడు రెడ్మి 7A ని కూడా ఈ సిరీస్ లో భాగంగా తీసుకొచ్చింది. ఈ స్మార్ట్ ఫోన్, రెడ్మి 6A యొక్క తరువాతి తరం ఫోనుగా ఉండనుండి. అయితే, ఈ స్మార్ట్ ఫోన్ను విడుదల చేసింది మాత్రం చైనాలో. కాని, షావోమి యొక్క అంచనా ప్రకారంగా చూస్తే, ఈ ఫోన్నుఅతి త్వరలోనే ఇండియాలో విడుదలచేసే అవకాశాలు మెండుగా కనిపిస్తుంది.
Surveyషావోమి రెడ్మి 7A ప్రత్యేకతలు
ఈ స్మార్ట్ ఫోన్ యొక్క బాడీ పాలికార్బోనేట్ తో ఇవ్వబడింది మరియు ఇది P2i నానో-కోటింగ్ తో అందించడం వలన స్ప్లాష్ ప్రూఫ్ గా పనిచేస్తుంది. Xiaomi రెడ్మి 7A ఆండ్రాయిడ్ 9 పై మీద ఆధారంగా MIUI 10 తో ప్రారంభించబడింది. ఈ ఫోనులో ఒక 5.45 అంగుళాల IPS LCD డిస్ప్లే అందించారు మరియు ఇది ఒక 18: 9 ఆస్పెక్ట్ రేషియోని కలిగి ఉంది మరియు ఇది HD + రిజల్యూషన్ అందిచే డిస్ప్లే.
ఈ Radmi 7A ఒక స్నాప్ డ్రాగన్ 439 ఆక్టా – కోర్ చిప్సెట్ తో ప్రారంభించబడింది. ఇది 1.95 గిగాహెడ్జ్ వద్ద క్లాక్ చెయ్యబడింది. ఈ ఫోన్ ఒక ప్రత్యేకమైన మైక్రో SD కార్డ్ స్లాట్ కలిగివున్నట్లు తెలియచేసినప్పటికీ, దీని యొక్క RAM మరియు స్టోరేజి ఎంపికల వివరాలను ఇంకా వెల్లడించలేదు.
ఈ ఫోనులో అత్యదికంగా 10W ఛార్జింగ్ కి మద్దతును అందించే ఒక 4,000 mAh బ్యాటరీని అందించడం గొప్ప విషయంగా చెప్పొచ్చు. ఇక కెమెరా విభాగానికి వస్తే, ఈ స్మార్ట్ ఫోన్ ఒక LED ఫ్లాష్ తో కూడిన సింగిల్ 13 మెగాపిక్సెల్ వెనుక కెమెరా కలిగి ఉంది. అలాగే, సెల్ఫీల కోసం, ఈ ఫోన్లో 5 మెగా పిక్సల్ సెల్ఫీ కెమెరాని కలిగివుంటుంది. సెక్యూరిటీ విభగానికి వస్తే, ఫింగర్ ప్రింట్ సెన్సార్ హ్యాండ్ సెట్ యొక్క వెనుక భాగంలో అందించబడింది మరియు AI ఆధారిత పేస్ అన్లాక్కు కూడా మద్దతు ఇస్తుంది. ఈ ఫోన్ డ్యూయల్ సిమ్, 4 జీ వోల్టి, వై-ఫై, బ్లూటూత్ 4.2, జీపీఎస్, మైక్రో యూఎస్బీ పోర్ట్, 3.5 మిమీ హెడ్ఫోన్ జాక్ వాటి వాటిని కలిగివుంటుంది.
