Samsung Galaxy M47 5G launched with stunning features at midrange price segment
Samsung Galaxy M47 5G స్మార్ట్ ఫోన్ లాంచ్ కోసం చాలా రోజులుగా టీజింగ్ చేసిన శాంసంగ్, ఈ ఫోన్ ను చెప్పిన దానికంటే ముందుగా ఈ ఫోన్ ప్రైస్ అండ్ కంప్లీట్ ఫీచర్స్ రివీల్ చేసింది. అదరగొట్టే ఫీచర్స్ తో ఆకట్టుకునే ధరలో లాంచ్ అయ్యింది. ఈ ఫోన్ మంచి స్లీక్ డిజైన్, లాంగ్ బ్యాటరీ మరియు మంచి పర్ఫార్మెన్స్ అందించే చిప్ సెట్ తో ఇండియన్ మార్కెట్ లో ప్రవేశపెట్టబడింది. సరికొత్తగా విడుదలైన ఈ లేటెస్ట్ ఫోన్ ప్రైస్ అండ్ ఫీచర్స్ ఎలా ఉన్నాయో ఒక లుక్కేద్దామా.
శాంసంగ్ ఈ ఫోన్ బేసిక్ వేరియంట్ ను అన్ని ఆఫర్స్ తో కలిపి కేవలం రూ. 22,999 రూపాయల ఆఫర్ ధరలో లాంచ్ చేసింది. జూలై 4 నుంచి ఈ ఫోన్ సేల్ ప్రారంభం అవుతుంది. అంటే, అమెజాన్ ప్రైమ్ డే సేల్ నుంచి ఈ ఫోన్ సేల్ ప్రారంభం అవుతుంది. కాబట్టి, ఈ ఫోన్ పై భారీ డీల్స్ మరియు డిస్కౌంట్ ఆఫర్స్ అందుకునే అవకాశం అమెజాన్ అందిస్తుంది. ఈ ఫోన్ ను రోగ్ రెడ్ మరియు బ్లేజ్ బ్లూ కలర్ ఆప్షన్స్ లో రిలీజ్ చేసింది.
శాంసంగ్ గెలాక్సీ ఎం 47 5జి ఫోన్ పెద్ద 6.7 ఇంచ్ సూపర్ AMOLED డిస్ప్లే కలిగి ఉంది. ఈ స్క్రీన్, 4x స్క్రాచ్ రెసిస్టెంట్ కలిగిన గొరిల్లా గ్లాస్ విక్టస్ ప్లస్ ప్రొటెక్షన్ మరియు 120Hz రిఫ్రెష్ రేట్ తో వంటి ప్రీమియం ఫీచర్స్ కలిగి ఉంటుంది. 2 మీటర్ డ్రాప్ ను కూడా తట్టుకునేలా ఈ ఫోన్ ను డిజైన్ చేసినట్లు శాంసంగ్ పేర్కొంది. ఈ ఫోన్ డిజైన్ పరంగా కూడా ఛాయా స్లీక్ గా మరియు ఆకట్టుకునేలా ఉంటుంది.
పెర్ఫార్మన్స్ పరంగా, ఈ ఫోన్ Snapdragon 6 Gen 3 చిప్ సెట్ తో లాంచ్ అయ్యింది. ఈ చిప్ సెట్ తో జతగా LPDDR5X ర్యామ్ మరియు UFS 3.1 స్టోరేజ్ సపోర్ట్ అందించింది. ఈ ఫీచర్స్ తో ఈ ఫోన్ గేమింగ్ మరియు మల్టీ టాస్కింగ్ ను కూడా చక్కగా నిర్వహిస్తుంది. ఈ ఫోన్ స్లీక్ డిజైన్ తో ఉన్నా కూడా 6000 mAh బిగ్ బ్యాటరీ మరియు ఈ ఫోన్ ను వేగంగా ఛార్జ్ చేసే 45W ఫాస్ట్ ఛార్జ్ సపోర్ట్ తో వస్తుంది. అంతేకాదు, ఈ ఫోన్ లో బైపాస్ ఛార్జ్ సపోర్ట్ ను కూడా అందించింది.
కెమెరా పరంగా, ఈ ఫోన్ 50MP (OIS) ప్రధాన కెమెరా జతగా 5MP అల్ట్రా వైడ్ సెన్సార్ తో పాటు 2MP మ్యాక్రో సెన్సార్ తో ట్రిపుల్ రియర్ కెమెరా కలిగి ఉంది. 12MP HDR సెల్ఫీ కెమెరా కూడా ఈ ఫోన్ ముందు భాగంలో ఉంటుంది. ఇది 4K వీడియో రికార్డింగ్, AI కెమెరా ఫీచర్స్ మరియు శాంసంగ్ యొక్క ప్రత్యేకమైన కెమెరా ఫీచర్స్ కూడా కలిగి ఉంది.
Also Read: ప్రైమ్ డే బిగ్ డీల్ గా Samsung Galaxy S25 Ultra ఫోన్ ని ప్రకటించిన అమెజాన్.!
ఈ ఫోన్ లేటెస్ట్ One UI సాఫ్ట్ వేర్ తో జతగా ఆండ్రాయిడ్ 16 OS తో వస్తుంది. అయితే, ఈ ఫోన్ 6 సంవత్సరాల OS అప్గ్రేడ్ మరియు సెక్యూరిటీ అప్డేట్స్ అందుకుంటుంది. ఈ ఫోన్ డస్ట్ అండ్ వాటర్ రెసిస్టెంట్ సపోర్ట్ కూడా కలిగి ఉంటుంది.