ఈరోజు నుండి ONEPLUS 7 PRO 12GB ర్యామ్ వేరియంట్ అమ్మకాలు మొదలు
Follow UsONEPLUS ప్రియలు ఎప్పుడెప్పుడా అని ఎదురు చూస్తున్న Oneplus 7 Pro 12GB ర్యామ్ నెబ్యులా కలర్ వేరియంట్ ఈ రోజు నుండి సేల్ కి సిద్ధమైంది.
ONEPLUS ప్రియలు ఎప్పుడెప్పుడా అని ఎదురు చూస్తున్న Oneplus 7 Pro 12GB ర్యామ్ నెబ్యులా కలర్ వేరియంట్ ఈ రోజు నుండి సేల్ కి సిద్ధమైంది. వన్ ప్లస్ సంస్థ తన Oneplus 7 Pro స్మార్ట్ ఫోన్ను గొప్ప కెమేరాలు, అత్యంత వేగవంతమైన ప్రాసెసర్ మరియు బెస్ట్ డిస్ప్లేతో ఇండియాలో విడుదల చేసింది. ఈ స్మార్ట్ ఫోన్ను ఒక స్నాప్ డ్రాగన్ 855 SoC తో తీసుకొచ్చింది మరియు ఇది 7nm చిప్సెట్ కావడంతో అత్యంతవేగంగా పనిచేస్తుంది. ఈ వేగవంతమైన ప్రాసెసరుకు జతగా, 6GB/8GB/12GB ర్యామ్ ఎంపికలతో తీసుకొచ్చింది. అయితే, లాంచ్ సమయంలో ముందుగా ప్రకటించినట్లుగా మరొక ప్రత్యేక కలర్ వేరియంట్ అయినటువంటి, నెబ్యులా బ్లూ కలర్ వేరియంట్, సరికొత్తగా అమెజాన్ నుండి ఈరోజు నుండి అమ్మకానికి సిద్దమయ్యింది.
SurveyOnePlus 7 Pro ధర
OnePlus 7 Pro – 6GB + 128GB – Rs. 48,999
OnePlus 7 Pro – 8GB + 256GB – Rs. 52,999
OnePlus 7 Pro – 12GB + 256GB – Rs. 57,999
OnePlus 7 Pro లాంచ్ ఆఫర్లు
OnePlus 7 ప్రో స్మార్ట్ ఫోనుతో పాటుగా జియో యొక్క 9300 రూపాయల బెనిఫిట్స్ అందుకోవచ్చు. ఇక బ్యాంక్ ఆఫర్ల విషయానికి వస్తే, SBI కార్డుతో ఈ ఫోన్ను కొనుగోలు చేసేవారికి 2,000 రూపాయల వరకూ తక్షణ డిస్కౌంట్ అందిస్తోంది. అలాగే, 6 నెలల EMI ఎంపికతో కొనుగోలు చేసేవారికి ఎటువంటి వడ్డీ లేకుండా No Cost EMI ని కూడా అందిస్తోంది.
OnePlus 7 Pro ప్రత్యేకతలు
ఈ స్మార్ట్ ఫోన్ 3120 x 1440 పిక్సెళ్ళ రిజల్యూషన్ అందిచగల ఒక 6.67 అంగుళాల QHD + ఫ్లూయిడ్ AMOLED డిస్ప్లేతో అందించింది. ఈ డిస్ప్లేలో ఎటువంటి నోచ్ లేకుండా పూర్తి స్క్రీన్ అందించింది మరియు ఒక 19.5:9 ఆస్పెక్ట్ రేషియాతో వస్తుంది. ఈ ఫోన్ ఇండియాలో మొదటిసారిగా అత్యంత వేగవంతమైన క్వాల్కామ్ స్నాప్ డ్రాగన్ 855 ఆక్టా కోర్ 7nm ప్రాసెస్సరుతో తీసుకొచ్చింది. ఈ వేగవంతమైన ప్రాసెసరుకు జతగా, 6GB/8GB/12GB ర్యామ్ ఎంపికలతో తీసుకొచ్చింది. ఈ ఫోన్ యొక్క డిస్ప్లేలో ఒక అంతర్గత ఫింగర్ ప్రింట్ సెన్సార్ ని కూడా అందించింది. కేవలం వేగం ఒక్కటే కాకుండా, స్టైల్ మరియు ట్రెండ్ రెండింటిని జత చేసినట్లు చెప్పొచ్చు.
ఇక కెమేరా విభాగానికి వస్తే, ఈ స్మార్ట్ ఫోన్ యొక్క వెనుక భాగంలో f/1.6 అపర్చరు కలిగిన 48MP SonyIMX586 సెన్సర్ ని ప్రధాన కెమెరాగా అందించింది. దీనికి జతగా మరొక f/2.2 అపర్చరు కలిగిన 16MP అల్ట్రా వైడ్ యాంగిల్ కెమేరా మరియు f/2.4 అపర్చరు కలిగిన 8MP కెమేరాలను కలిపి ఒక ట్రిపుల్ రియర్ కెమేరాగా అందించింది. ఈ కెమేరాతో 4K రిజల్యూషన్ తో 30/60fps వద్ద వీడియోలను తీసుకోవచ్చు. ఇక సెల్ఫీ కెమేరా విషయానికి వస్తే, ఇందులో పాప్ అప్ సెల్ఫీ కెమేరాని తీసుకొచ్చింది వన్ ప్లస్ సంస్థ, ఇది ఒక SonyIMX 471 సెన్సార్ గల 16MP కెమేరాని అందించి. ఈ ఫోనులో రియర్ కెమెరాతో 3X ఆప్టికల్ జూ కూడా చేసుకోవచ్చు.
