Nokia 5.4 : సినిమాటిక్ కెమెరా ఫీచర్ తో వచ్చిన నోకియా 5.4

By Raja Pullagura | Updated on 10-Feb-2021

Raja Pullagura

10 Feb 2021 17:08

HIGHLIGHTS

Nokia 5. సినిమా మోడ్ కెమెరాతో లాంచ్.

నోకియా 5.4 ఆండ్రాయిడ్ 11 అప్డేట్ కోసం రెడీగా వుంటుంది.

మంచి డిజైనుతో ఆకట్టుకుంటున్న Nokia 5.4

HMD గ్లోబల్ ఇండియాలో తన Nokia 5.4 స్మార్ట్ ఫోన్ ను విడుదల చేసింది. నోకియా 5.4 స్మార్ట్ ఫోన్ ను లేటెస్ట్ ప్రొసెసర్ 48MP క్వాడ్ కెమెరాతో వచ్చింది. ఈ నోకియా స్మార్ట్ ఫోన్ ఆండ్రాయిడ్ 10 తో వచ్చిన కూడా వెంటనే ఆండ్రాయిడ్ 11 అప్డేట్ అందుకుంటుందని సంస్థ తెలిపింది. ఈ నోకియా 5.4 స్మార్ట్ ఫోనులో సరికొత్త సినిమా కెమెరా ఫీచర్ ను కూడా అందించింది. మరి ఈ ఫోన్ గురించి మనం తెలుసుకోవాల్సిన పూర్తి విశేషాలు ఏమిటో చూసేద్దాం..

నోకియా 5.4 ఫోన్ ధర

నోకియా 5.5 ఫోన్ యొక్క స్టార్టింగ్ వేరియంట్ 4GB ర్యామ్ మరియు 64GB స్టోరేజ్ వేరియంట్ ను Rs.13,999 ధరతో, మరొక వేరియంట్ 6GB ర్యామ్ మరియు 64GB స్టోరేజ్ వేరియంట్ ను Rs.15,499 ధరతో విడుదల చేసింది.

నోకియా 5.4 యొక్క మొదటి సేల్ ఫిబ్రవరి 17 న మధ్యాహ్నం 12 గంటలకి Flipkart మరియు nokia.com నుండి మొదలవుతుంది

NOKIA 5.4 స్పెషిఫికేషన్స్

NOKIA 5.4 స్మార్ట్ ఫోన్ పంచ్ హోల్ డిజైన్ కలిగిన 6.93 అంగుళాల HD+ డిస్ప్లేని కలిగివుంది. ఈ డిస్ప్లే19.5:9 ఎస్పెక్ట్ రేషియో మరియు పంచ్ హోల్ కెమెరాతో వస్తుంది. ఈ స్మార్ట్ ఫోన్ క్వాల్కమ్ యొక్క లేటెస్ట్ స్నాప్ డ్రాగన్ 662 ఆక్టా కోర్ ప్రొసెసర్ ని కలిగి వుంది. ఇది Adreno 610 GPU తో వస్తుంది మరియు 4GB/6GB ర్యామ్ మరియు 64GB GB స్టోరేజ్ అప్షన్లతో వస్తుంది. స్టోరేజ్ ను మరింతగా పెంచుకోవడానికి SD కార్డు అప్షన్ కూడా ఇవ్వబడింది.

ఇక నోకియా 4.3 లోని కెమెరాల విషయానికి వస్తే, ఈ స్మార్ట్ ఫోన్ కెమెరా పరంగా గొప్పఫీచర్లనే కలిగి ఉన్నట్లు కంపెనీ చెబుతోంది. వెనుక భాగంలో క్వాడ్ కెమెరా సెటప్ వుంది. ఈ క్వాడ్ కెమెరా సెటప్ లో 48MP ప్రధాన కెమెరాకి జతగా 5MP అల్ట్రా వైడ్ కెమెరా, 2MP డెప్త్ సెన్సార్ మరియు 2MP మ్యాక్రో సెన్సార్ వున్నాయి. ఈ ఫోన్ ముందుభాగంలో సెల్ఫీల కోసం సెల్ఫీ కెమెరాని పంచ్ హోల్ లో అందించింది. ఇందులో, 16MP సెన్సార్ ని ఉంచింది.

ఈ కెమెరా కోసం కొత్తగా 'Cinema Mode' ను అందించింది. దీనితో, 24fps అంటే సెకనుకు 24 ఫ్రేమ్స్ తో వీడియో లను చిత్రీకరించవచ్చు. అంటే, మనం సాధారణంగా చూసే సినిమా మాదిరిగా కనిపిస్తుందన్న మాట. Nokia 5.4 స్మార్ట్ ఫోన్ మొత్తానికి పవర్ అందించడాని 4,000 mAh బ్యాటరీని 10W సాధారణ ఛార్జింగ్ సపోర్టుతో అందించింది. ఆడియో విషయంలో కూడా సంస్థ యొక్క OZO Audio తో వస్తుంది.

Raja Pullagura

Crazy about tech...Cool in nature... View Full Profile