జియో ఫోన్ 2 సేల్ మరొకసారి మొదలయ్యింది, నెలకు Rs.141 రూపాయలు కట్టినా ఫోన్ మీ సొంతం

ఇండియాలో 4G సేవలను అందరికంటే ముందుగా తీసుకొచ్చిన రిలయన్స్ జియో, అదే స్పీడ్ సర్వీస్ ను అందరికి అందించాలనే ఉదేశ్యంతో తీసుకొచ్చిన Jio Phone 2 గత కొన్ని నెలలుగా స్టాక్ లేని కారణంగా సేల్ కి అందుబాటులోకి రాలేదు. అయితే, ఇప్పుడు ఈ ఫీచర్ ఫోన్ యొక్క సేల్ మళ్లి మొదలయ్యింది. అంతేకాదు, నెలకు కేవలం 141 రూపాయల EMI కట్టినా కూడా ఈ ఫోన్ మీ సొంతం చేసుకునే అవకాశాన్ని కూడా జియో అందిస్తోంది. ఈ ఫోన్ ఫీచర్ అయినా కూడా స్మార్ట్ ఫోనుకు ఏ మాత్రం తీసిపోని విధంగా, మంచి ఫీచర్లతో వస్తుంది.

జియో ఫోన్ 2  ఫీచర్స్

 జియో ఫోన్ 2 ఫీచర్ ఫోన్ కి తగిన వీడియో వీక్షణను అందించే 2.4-అంగుళాల QVGA డిస్ప్లే మరియు డ్యూయల్ – సిమ్ మద్దతు తో వస్తుంది. అంతేకాదు,  ఇందులో 4G VoLTE స్లాట్ లో జియో సిమ్ ని మాత్రమే వాడాల్సి వుంటుంది, దీనితో పాటుగా 2జి స్లాట్ తో ఇతర ఆపరేటర్ సిమ్ ని వాడుకోవచ్చు.

ఈ ఫోన్,  512ఎంబీ ర్యామ్ మరియు 4జీబీ  అంతర్గత స్టోరేజ్ తో వస్తుంది, మీకు ఎక్కువ స్టోరేజి అప్షన్ ఇవ్వడం కోసం మైక్రో SD కార్డు స్లాట్ కూడా వుంది,  దీనితో  128జీబీ వరకు స్టోరేజి విస్తరించే వీలుంది. . జియో ఫోన్ మాదిరిగానే, జియో ఫోన్ 2 కూడా KAI OS పై నడుస్తుంది మరియు ఇది 2,000 mAh శక్తిగల బ్యాటరీని కూడా కలిగి వుంది. ఈ ఫోన్ 1GHz డ్యూయల్-కోర్ ప్రొసెసర్ తో పనిచేస్తుంది మరియు 2MP  రియర్ కెమేరా వెనుక మరియు 0.3 ముందు కెమెరాని ఈ డివైజ్ కలిగివుంటుంది.     

జియో ఫోన్ 2  ప్లాన్స్

రిలయన్స్ జీయో నుంచి ఈ జియో ఫోన్ మరియు జియో ఫోన్ 2 పైన మంచి ప్లాన్స్ ప్రకటించింది. వీటిలో, రూ . 49 ప్లాన్ వినియోగదారులకు 1జీబీ  డేటా, 50 ఉచిత ఎస్ఎంఎస్, జియో నుండి జియో కి ఉచిత అన్లిమిటెడ్ కాలింగ్ (నాన్ జియో మినిట్స్ ) మరియు జీయో యాప్స్ 28 రోజులు చెల్లబాటునిస్తుంది. అలాగే, రూ .99 ప్లాన్, 14 జీబి డేటా, ఫ్రీ కాలింగ్, 300 ఎస్ఎంఎస్, నాన్ జియో కాలింగ్ మినిట్స్,  జీయో యాక్సెస్ కి 28 రోజులు అందుబాటులో ఉంటుంది.

చివరగా, జియో నుండి రూ .153 ప్లాన్ ద్వారా, 42జీబీ డేటా, ఉచిత కాలింగ్, జీయో యాప్స్  కి యాక్సెస్, మరియు ఉచిత అపరిమిత ఎస్ఎంఎస్, 28 రోజులు విశ్వసనీయ చెల్లుబాటుతో వస్తుంది.

Follow Us

Raja Pullagura

Crazy about tech...Cool in nature... View Full Profile