బడ్జెట్ ధరలో బెస్ట్ ఫీచర్లతో వచ్చిన Infinix Note 11 ఫస్ట్ సేల్..!

ఇటివల, infinix తన బడ్జెట్ స్మార్ట్ ఫోన్ Infinix Note 11 ను ఇండియాలో విడుదల చేసింది. ఈ ఫోన్ బడ్జెట్ ధరలో 33W ఫాస్ట్ ఛార్జింగ్,  AMOLED డిస్ప్లే వంటి చాలా లేటెస్ట్ బెస్ట్ ఫీచర్లతో విడుదల చేసింది. ఈ ఫోన్ కేవలం రూ.11,999 రుపాయల ధరలో ఆకట్టుకునే ఫీచర్లను కలిగి ఉంటుంది. అంతేకాదు, ఈ స్మార్ట్ ఫోన్ చాలా మంచి స్టైలిష్ డిజైన్ తో కూడా లాంచ్ చెయ్యబడింది.

Survey

Infinix Note 11 : ధర

Infinix Note 11 స్మార్ట్ ఫోన్ 4జీబీ ర్యామ్ మరియు 64 జీబీ స్టోరేజ్ తో రూ.11,999 ధరతో ప్రవేశపెట్టింది. ఈ ఫోన్ యొక్క మొదటి సేల్ డిసెంబర్ 23 మధ్యాహ్నం 12 గంటలకి Flipkart నుండి జరుగుతుంది.

Infinix Note 11 : స్పెక్స్

Infinix Note 11 స్మార్ట్ ఫోన్ పెద్ద 6.7-అంగుళాల FHD + రిజల్యూషన్ గల AMOLED డిస్ప్లే తో వుంటుంది మరియు ఇది గరిష్టంగా 750 నిట్స్ బ్రైట్నెస్ అందించగలదు. ఈ ఫోన్ మీడియా టెక్  హీలియో G88 ఆక్టా కోర్ ప్రాసెసర్ శక్తితో వస్తుంది మరియు ఇది  4GB RAM మరియు 64GB స్టోరేజ్ ఎంపికతో జత చేయబడుతుంది.  అలాగే, ఇది XOS  10 ఆధారితంగా ఆండ్రాయిడ్ 11 తో వస్తుంది.

ఇక కెమెరాల విషయంలో, ఈ ఇన్ఫినిక్స్ నోట్ 11 వెనుక భాగంలో ట్రిపుల్-కెమెరా సెటప్ తో వస్తుంది. దీనిలో, ప్రధాన కెమెరాని 50MP సెన్సార్ తో అందించింది. దీనికి మరొక రెండు సెన్సార్ లను మరియు క్వాడ్ LED ఫ్లాష్ ను కూడా జతచేసింది. ముందు భాగంలో, 16MP AI సెల్ఫీ కెమెరాని కూడా అందించింది. ఈ ఫోన్ పెద్ద 5,000 ఎమ్ఏహెచ్ బ్యాటరీని 33W ఫాస్ట్ ఛార్జింగ్ సపోర్ట్ తో కలిగివుంటుంది.  ఆడియో పరంగా కూడా ఇందులో DTS Surround సౌండ్ ని కూడా అందించింది. ఓవరాల్ గా చెప్పాలంటే తక్కువ ధరలో మంచి ఫోన్ అందుకోవచ్చు.                        

Raja Pullagura

Raja Pullagura is the chief copy editor at Digit, he is known for producing engaging and informative content in regional languages, especially Telugu. With a growing interest in technology journalism, he has been actively creating articles covering smartphones, gadgets, telecom updates, and trending tech news. He has developed a strong inclination toward simplifying complex tech concepts for everyday readers. View Full Profile