HMD Vibe 2 5G budget phone with 6000mAh battery 50MP AI camera launched in India
HMD Vibe 2 5G: గత కొంత కాలంగా కొత్త స్మార్ట్ ఫోన్ లాంచ్ చేయకుండా నిమ్మళంగా ఉన్న HMD ఎట్టకేలకు ఈరోజు కొత్త 5జి స్మార్ట్ ఫోన్ వైబ్ 2 ను ఇండియన్ మార్కెట్లో విడుదల చేసింది. మరింత మంచి విషయం ఏమిటంటే, ఈ స్మార్ట్ ఫోన్ ను కేవలం బడ్జెట్ ధరలో బిగ్ బ్యాటరీ మరియు బిల్ట్ AI తో రిలీజ్ చేసింది. ఈ లేటెస్ట్ స్మార్ట్ ఫోన్ ప్రైస్ అండ్ ఫీచర్స్ ఏమిటో ఒక లుక్కేద్దామా.
హెచ్ఎండి వైబ్ 2 స్మార్ట్ ఫోన్ ను కేవలం రూ. 10,999 రూపాయల ప్రారంభ ధరతో విడుదల చేసింది. ఈ ఫోన్ బేసిక్ 4GB + 64GB వేరియంట్ ను ఈ ధరతో లాంచ్ చేసింది. అలాగే, ఈ ఫోన్ 4GB + 128GB వేరియంట్ ను రూ. 11,999 ధరతో లాంచ్ చేసింది. ఈ ఫోన్ కాస్మిక్ లావెండర్, నార్డిక్ బ్లూ మరియు పీచ్ పింక్ మూడు రంగుల్లో లభిస్తుంది. మే 26వ తేదీ మధ్యాహ్నం 12 గంటల నుంచి ఈ లేటెస్ట్ స్మార్ట్ ఫోన్ ఫస్ట్ సేల్ స్టార్ట్ అవుతుంది. ఈ ఫోన్ ఫ్లిప్ కార్ట్ నుంచి సేల్ కి అందుబాటులోకి వస్తుంది.
ఈ ఫోన్ పై గొప్ప లాంచ్ ఆఫర్స్ కూడా హెచ్ఎండి ప్రకటించింది. ఈ ఫోన్ పై రూ. 1,500 రూపాయల అదనపు బ్యాంకు డిస్కౌంట్ ఆఫర్ మరియు రూ. 1,500 రూపాయల అదనపు ఎక్స్చేంజ్ బోనస్ ఆఫర్ ని కూడా అందించింది. అయితే, ఈ రెండు ఆఫర్స్ లో ఏదైనా ఒకటి మాత్రమే ఒకసారి లభిస్తుంది. ఈ ఫోన్ ను Axis, SBI, HDFC మరియు ICICI క్రెడిట్ కార్డ్ తో తీసుకునే వారికి ఈ బ్యాంక్ డిస్కౌంట్ లభిస్తుంది.
Also Read: OPPO Find X9s: ఒప్పో లేటెస్ట్ ఫోన్ ప్రైస్ అండ్ ఫీచర్స్ తెలుసుకోండి.!
హెచ్ఎండి వైబ్ 2 స్మార్ట్ ఫోన్ 6.7 ఇంచ్ HD+ IPS LCD డిస్ప్లే కలిగి ఉంటుంది. ఈ డిస్ప్లే 120Hz రిఫ్రెష్ రేట్ తో కలిగి ఉంటుంది మరియు 2.5D కర్వుడ్ గ్లాస్ డిజైన్ తో ఉంటుంది. ఈ ఫోన్ ను Unisoc లేటెస్ట్ 5జి చిప్ సెట్ తో లాంచ్ చేసింది. ఈ ఫోన్ లో 4 జీబీ ర్యామ్ మరియు 128 జీబీ ఇంటర్నల్ స్టోరేజ్ కూడా అందించింది. ఈ ఫోన్ లేటెస్ట్ ఆండ్రాయిడ్ 16 OS తో లాంచ్ అయ్యింది. ఈ ఫోన్ మంచి స్లీక్ అండ్ స్టైలిష్ డిజైన్ తో కూడా ఆకట్టుకుంటుంది.
కెమెరా పరంగా, హెచ్ఎండి వైబ్ 2 ఫోన్ లో 50MP డ్యూయల్ రియర్ కెమెరా మరియు ముందు 8MP సెల్ఫీ కెమెరా ఉంటుంది. ఈ ఫోన్ HDR, AI సీన్ రికగ్నైజేషన్, UHD వంటి కెమెరా ఫీచర్స్ తో పాటు FHD వీడియో రికార్డింగ్ సపోర్ట్ కూడా కలిగి ఉంటుంది. ఈ ఫోన్ బిల్ట్ ఇన్ ఇండస్ AI తో కూడా వస్తుంది. ఈ ఫోన్ 18W ఫాస్ట్ ఛార్జ్ సపోర్ట్ కలిగిన 6000 mAh బిగ్ బ్యాటరీ కలిగి ఉంటుంది. ఈ ఫోన్ IP64 రేటింగ్ వాటర్ స్ప్లాష్ రెసిస్టెంట్ తో వస్తుంది.