boltt ACE 5G complete features know before launch
boltt ACE 5G స్మార్ట్ ఫోన్ రేపు ఇండియాలో లాంచ్ అవుతుంది. ప్రముఖ భారతీయ కన్స్యూమర్ టెక్ అండ్ వేరబుల్ బ్రాండ్, ఫైర్ బోల్ట్ స్మార్ట్ ఫోన్ రంగంలో అడుగుపెట్టడానికి ఈ కొత్త boltt ఉప బ్రాండ్ ని నిర్మించింది. ఈ కొత్త కంపెనీ ద్వారా ఇప్పడూ తన మొదటి స్మార్ట్ ఫోన్ లను విడుదల చేయడానికి సిద్దమయ్యింది. ఇందులో బోల్ట్ ఏస్ 5జి మరియు బోల్ట్ ఈవో 4జి రెండు స్మార్ట్ ఫోన్ లు ఉన్నాయి. ఈ ఫోన్ లాంచ్ కంటే ఒక రోజు ముందుగానే ఈ ఫోన్ ఫీచర్స్ పై ఒక లుక్కేద్దామా.
బోల్ట్ ఏస్ మరియు బోల్ట్ ఈవో రెండు స్మార్ట్ ఫోన్ లు కూడా రేపు మధ్యాహ్నం 12 గంటలకు ఇండియాలో లాంచ్ అవుతాయి. ఈ రెండు ఫోన్లు కూడా ఫ్లిప్ కార్ట్ ద్వారా లాంచ్ అవుతున్నాయి మరియు లాంచ్ తర్వాత ఫ్లిప్ కార్ట్ ద్వారా సేల్ కి అందుబాటులోకి కూడా వస్తాయి.
బోల్ట్ ఏస్ స్మార్ట్ ఫోన్ సరికొత్త డిజైన్ తో లాంచ్ అవుతోంది. అయితే, ఈ స్మార్ట్ ఫోన్ 9.49mm తో కొంచెం మందంగా ఉంటుంది. ఈ ఫోన్ కలిగిన బిగ్ బ్యాటరీ కారణంగా ఈ ఫోన్ ఇంత మందంతో ఉంటుంది. ఇందులో 6.79 ఇంచ్ LCD స్క్రీన్ HD+ రిజల్యూషన్, 600 నిట్స్ పీక్ బ్రైట్నెస్, 120Hz రిఫ్రెష్ రేట్ మరియు సన్నని అంచులు కలిగి ఉంటుంది.
ఈ ఫోన్ 5 లక్షల 47 వేల కంటే అధిక AnTuTu స్కోర్ అందించే ప్రాసెసర్ ఉన్నట్లు కంపెనీ తెలిపింది. ఈ ఫోన్ 4GB ర్యామ్ మరియు 64GB ఇంటర్నల్ స్టోరేజ్ తో వస్తుంది. ఇది కాకుండా మెమరీ కార్డు తో 1TB వరకు స్టోరేజ్ ను విస్తరించే అవకాశం కూడా ఈ ఫోన్ లో అందించింది.
ఇక కెమెరా విభాగానికి వస్తే, ఈ ఫోన్ లో ట్రిపుల్ రియర్ కెమెరా ఉంటుంది. ఇందులో 64MP మెయిన్ కెమెరా జతగా మరో రెండు కెమెరాలు ఉంటాయి. ఈ ఫోన్ లో 8MP సెల్ఫీ కెమెరా కూడా ఉంది. ఇది రియల్ టోన్ తో పిక్చర్స్ అందించడమే కాకుండా లేటెస్ట్ ఏఐ కెమెరా ఫీచర్స్ కూడా కలిగి ఉంటుంది. ఈ ఫోన్ లో బిల్ట్ ఇన్ జెమినీ ఏఐ ఫీచర్ ని కూడా బోల్ట్ ప్రొవైడ్ చేసింది.
Also Read: Aadhaar Update: మీకు 15 సంవత్సరాల వయసు లోపు పిల్లలు ఉంటే ఈ కీలక అప్డేట్ మీకోసమే.!
రేపు లాంచ్ కాబోతున్న ఈ బోల్ట్ కొత్త ఫోన్ 6000 mAh బిగ్ బ్యాటరీ కలిగి ఉంటుంది. అంతేకాదు, ఈ ఫోన్ లో 18w ఫాస్ట్ ఛార్జ్ సపోర్ట్ ను కూడా బోల్ట్ అందించింది. ఈ ఫోన్ ను ఆరు అందమైన సరికొత్త కలర్స్ లో లాంచ్ చేస్తున్నట్లు బోల్ట్ ప్రకటించింది.
రేపు మధ్యాహ్నం ఈ లేటెస్ట్ స్మార్ట్ ఫోన్ ప్రైస్ అండ్ కంప్లీట్ ఫీచర్స్ తో మళ్ళి కలుద్దాం.