E-MagazineX (Twitter) Down: పూర్తిగా డౌన్ అయిన ఎలన్ మస్క్ ‘X’ ప్లాట్ ఫామ్.!
సోషల్ మీడియా ప్లాట్ ఫామ్ X (గతంలో ట్విట్టర్) ఈరోజు ఉదయం నుంచి పూర్తిగా డౌన్ అయ్యింది
ఎలన్ మస్క్ యాజమాన్యంలో రన్ అవుతున్న ప్రముఖ సోషల్ మీడియా ప్లాట్ ఫామ్ X
యూజర్లు అందించిన రిపోర్ట్స్ ద్వారా యూజర్ లాగిన్ కూడా ఇబ్బందిగా మారినట్లు తెలుస్తోంది
X (Twitter) Down: ఎలన్ మస్క్ యాజమాన్యంలో రన్ అవుతున్న ప్రముఖ సోషల్ మీడియా ప్లాట్ ఫామ్ X (గతంలో ట్విట్టర్) ఈరోజు ఉదయం నుంచి పూర్తిగా డౌన్ అయ్యింది. ఈ ప్లాట్ ఫామ్ డౌన్ విషయాన్ని యూజర్లు ప్రముఖ Ookla యొక్క డౌన్ డిటెక్టర్ ద్వారా రిపోర్ట్ చేస్తున్నారు. సైట్ రియల్ టైమ్ స్పీడ్ మరియు సైట్ డౌన్ వివరాలు రియల్ టైమ్ లో అందించే ఈ ప్లాట్ ఫామ్ నుంచి ఈరోజు X డౌన్ గురించి ఎక్కువగా రిపోర్ట్స్ అందుకుంది. ఇందులో యూజర్లు అందించిన రిపోర్ట్స్ ద్వారా యూజర్ లాగిన్ కూడా ఇబ్బందిగా మారినట్లు తెలుస్తోంది.
X (Twitter) Down:
డౌన్ డిటెక్టర్ లో యూజర్లు X ప్లాట్ ఫామ్ పూర్తిగా డౌన్ అయినట్లు రిపోర్ట్ చేశారు. ఈ ప్లాట్ ఫామ్ వెబ్సైట్ 76 శాతం, యాప్ 24 శాతం మరియు సర్వర్ కనెక్షన్ లో 4 శాతం సమస్యలు చూసినట్లు యూజర్లు రిపోర్ట్ చేశారు. కొందరు యూజర్లు X అకౌంట్ తో లాగిన్ అవ్వడం కూడా కష్టంగా ఉందని కామెంట్స్ అందించారు.
ఈ సమస్య ఇండియాలో తారాస్థాయిలో ఉన్నట్లు సూచించారు. హైదరాబాద్, చెన్నై, బెంగళూరు, ముంబై మరియు ఢిల్లీ వంటి ప్రధాన నగరాల్లోని యూజర్లు ఈ సమస్య గురించి ఎక్కువ రిపోర్ట్ చేస్తున్నారు. ఈ న్యూస్ ను ప్రచురించే సమయానికి కూడా డౌన్ డిటెక్టర్ ఈ సమస్య గురించి రిపోర్ట్స్ అందుకుంటూనే ఉంది.
ప్రస్తుతం కూడా వెబ్సైట్ ఇంకా పూర్తి స్థాయిలో ఓపెన్ అవ్వడం లేదు అని కొందరు యూజర్లు చెబుతున్నారు. X అకౌంట్ ఓపెన్ చేయడానికి మేము ప్రయత్నించినప్పుడు కూడా ఇదే సమస్యను చవి చూశాము. మా సిస్టం పై X ఓపెన్ చేసినప్పుడు కొన్ని ప్రైవసీ సంబంధిత ఎక్స్ టెన్షన్ కారణంగా సమస్య తలెత్తి ఉండవచ్చని నోటిఫికేషన్ అందించింది. అయితే, సెట్టింగ్స్ మొత్తం చేంజ్ చేసిన తర్వాత కూడా ఈ సైట్ ఓపెన్ అవ్వకపోవడం గమనార్హం.
ఈ విషయంపై X యాజమాన్యం అఫిషియల్ గా ఎటువంటి అప్డేట్ ను ఇంకా అందించలేదు. మరి X ప్లాట్ ఫామ్ లో తలెత్తిన ఈ సమస్య ఎప్పటి వరకు సరి చేయబడుతుందో చూడాలి. మీరు కూడా ఈ సమస్య ను మీ అకౌంట్ పై చూస్తుంటే, సమస్య ముగిసే వరకూ వేచి చూడాల్సి వస్తుంది.
Raja Pullagura is the chief copy editor at Digit, he is known for producing engaging and informative content in regional languages, especially Telugu. With a growing interest in technology journalism, he has been actively creating articles covering smartphones, gadgets, telecom updates, and trending tech news. He has developed a strong inclination toward simplifying complex tech concepts for everyday readers.
View full profile