திங்களன்று உலகளவில் பிரபலமான இந்தியன் பிரீமியர் லீக் (IPL) கிரிக்கெட் போட்டியின் இறுதிப் போட்டியின் போது, இந்தப் போட்டியின் ஸ்ட்ரீமிங் பார்ட்னரான JioCinema, பார்வையாளர்களின் எண்ணிக்கையில் சாதனை படைத்துள்ளது. இந்த போட்டியில் மழை குறுக்கிட்டதால் ஓவர்களின் எண்ணிக்கை குறைக்கப்பட்டது. IPL இறுதிப் போட்டி சென்னை சூப்பர் கிங்ஸ் (CSK) மற்றும் குஜராத் டைட்டன்ஸ் (GT) அணிகளுக்கு இடையே அகமதாபாத்தில் சுமார் 1,30,000 பார்வையாளர்கள் கொண்ட மைதானத்தில் நடைபெற்றது.
இந்தப் போட்டியில் மகேந்திர சிங் தோனி தலைமையிலான சென்னை சூப்பர் கிங்ஸ் வெற்றி பெற்றதன் மூலம் ஐந்தாவது முறையாக சாம்பியன் பட்டம் வென்றது. JioCinema ஆசியாவின் மிகப்பெரிய பணக்காரரான முகேஷ் அம்பானி மற்றும் Paramount Global கூட்டு கம்பெனியான Viacom18 ஆகியோருக்கு சொந்தமானது. JioCinema மூலம் IPL இறுதிப் போட்டியை சுமார் 3.2 கோடி பார்வையாளர்கள் பார்த்ததாக Viacom18 செய்தித் தொடர்பாளர் கூறியதாக Bloomberg தெரிவித்துள்ளது. இந்தப் போட்டியில் அதிக அளவில் பார்வையாளர்கள் குவிந்ததற்கு இது தோனியின் கடைசி தொழில்முறை போட்டியாக இருக்கும் என்ற யூகமும் ஒரு காரணம். இருப்பினும், தோனி அடுத்த ஆண்டு போட்டிக்குத் திரும்புவதாகக் குறிப்பிட்டுள்ளார். JioCinema இந்த போட்டியின் ஸ்ட்ரீமிங்கை பார்வையாளர்களுக்கு இலவசமாக வழங்கியது. அதன் கட்டணச் சப்கிரிப்ஷன் தொடங்கப்பட்டு வருகிறது, அதன் பிறகு JioCinema எப்படி செயல்படும் என்பதைப் பார்க்க வேண்டும்.
JioCinema வில் விளம்பரதாரர்களின் எண்ணிக்கையும் வேகமாக அதிகரித்துள்ளது. இதன் காரணமாக கடந்த ஆண்டை விட டிஜிட்டல் வருவாயும் அதிகரித்துள்ளது. இந்திய கிரிக்கெட் கட்டுப்பாட்டு வாரியம் (BCCI) IPL போட்டியின் டிவி மற்றும் டிஜிட்டல் ஒளிபரப்பு உரிமையை பல்வேறு கம்பெனிகளுக்கு வழங்கியுள்ளது. இந்த போட்டிகளின் இலவச ஸ்ட்ரீமிங் JioCinema க்கும் பயனளித்துள்ளது. IPL அல்ட்ரா HD ரெசொலூஷனில் ஸ்ட்ரீம் செய்யப்பட்டது. இது தவிர, பயனர் தேர்ந்தெடுக்கக்கூடிய கேமரா கோணங்களும் கிடைத்தன. JioCinema திரைப்படங்கள் மற்றும் வெப் சீரிஸின் மிகப்பெரிய கன்டென்ட் அறிவித்துள்ளது. கடந்த ஆண்டு ஃபிஃபா உலகக் கோப்பையும் இந்த மேடையில் ஸ்ட்ரீம் செய்யப்பட்டது.
JioCinema ஸ்மார்ட்போன்கள், டேப்லெட்டுகள், ஸ்மார்ட் டிவிகள் மற்றும் ஸ்ட்ரீமிங் டிவைஸ்கள் போன்ற பல ப்ளட்போர்ம்களில் கிடைக்கிறது. குறைந்த விலை ஜியோ பீச்சர் போன்களிலும் இதைக் காணலாம். புள்ளிவிவரங்கள் மற்றும் விர்ச்சுவல் ரியாலிட்டி போன்ற பியூச்சர்களும் ஜியோசினிமாவின் ஆப்யில் கிடைக்கின்றன. கடந்த சில வருடங்களாக IPL போட்டியின் புகழ் அபரிமிதமாக வளர்ந்துள்ளது. இந்த போட்டிக்கு இந்தியா மட்டுமின்றி வெளிநாடுகளில் இருந்தும் ஏராளமான பார்வையாளர்கள் வந்து செல்கின்றனர்.