BSNL 3GB Plan: 35 ദിവസത്തെ വാലിഡിറ്റിയിൽ കോളിങ്, ഡാറ്റ, ഓഫറുകൾ 3 രൂപയ്ക്ക്!

BSNL 3GB Plan: ഏറ്റവും വില കുറഞ്ഞ പ്ലാനുകൾ തരുന്നത് സർക്കാർ ടെലികോം കമ്പനിയാണ്. ഒരു മാസം മുതൽ ഒരു വർഷത്തിൽ കൂടുതൽ വാലിഡിറ്റിയുള്ള പ്ലാനുകൾ ബിഎസ്എൻഎല്ലിലുണ്ട്. Bharat Sanchar Nigam Limited പ്രീ-പെയ്ഡ് വരിക്കാർക്കായി തരുന്ന ഒരു ബജറ്റ് പ്ലാനിനെ കുറിച്ച് അറിഞ്ഞാലോ!

Survey

BSNL Cheapest Plan: വിശദമായി…

മിക്കവരും ബിഎസ്എൻഎൽ സിം സെക്കൻഡറിയായാണ് ഉപയോഗിക്കുന്നത്. ഇങ്ങനെയുള്ളവർക്ക് സിം കാർഡ് ആക്ടീവ് ആയി നിലനിർത്താനും അത്യാവശ്യങ്ങൾക്കുള്ള കോളുകളും ഡാറ്റയും ഉപയോഗിക്കാനും ഈ പ്ലാൻ മികച്ചതാണ്. ജിയോ, എയർടെൽ മറ്റ് കമ്പനികളിൽ നിന്നുള്ള പ്ലാനുകളുമായി താരതമ്യം ചെയ്യുമ്പോൾ, ഇത് വളരെ മികച്ച ആനുകൂല്യങ്ങൾ തരുന്നു.

ഭാരത് സഞ്ചാർ നിഗം ​​ലിമിറ്റഡിന്റെ 107 രൂപ പ്ലാനിനെ കുറിച്ചാണ് ഇവിടെ വിവരിക്കുന്നത്. ഇതിൽ കൂടുതൽ വാലിഡിറ്റി ഉൾപ്പെടുത്തിയിട്ടുണ്ട്. അതുപോലെ ബിഎസ്എൻഎൽ 4G സേവനവും നൽകുന്നു.

BSNL 3GB Plan: ആനുകൂല്യങ്ങൾ

കേരളത്തിലെ ബിഎസ്എൻഎൽ വരിക്കാർക്ക് വളരെ ആകർഷകമായ പ്രീപെയ്ഡ് റീചാർജ് ഓപ്ഷനാണിത്.

വോയിസ് കോൾ: 200 മിനിറ്റ് വോയിസ് കോളുകൾ ഇതിൽ ലഭിക്കും. ലോക്കൽ, STD, റോമിംഗ് കോളുകൾ ചെയ്യാനുള്ള അവസരം ഇതിലൂടെ ലഭിക്കും. MTNL നെറ്റ് വർക്കിലേക്കുള്ള കോളുകളും ഇതിൽ ഉൾപ്പെടുന്നു. 200 മിനിറ്റ് കഴിഞ്ഞാൽ ലോക്കൽ കോളുകൾക്ക് മിനിറ്റിന് 1 രൂപയും, STD കോളുകൾക്ക് 1.3 രൂപയും ഈടാക്കുന്നു.

ഡാറ്റ: ഇതിൽ മൊത്തമായി 3 GB ഡാറ്റയാണ് അനുവദിച്ചിരിക്കുന്നത്. 3 GB ഡാറ്റ കഴിഞ്ഞാൽ ഇന്റർനെറ്റ് വേഗത 40 kbps ആയി കുറയും. അതിനാൽ അധികമായി ഇന്റർനെറ്റ് ഉപയോഗിക്കാത്തവർക്കും, വൈ-ഫൈ സേവനം ഉപയോഗിക്കുന്നവർക്കും ഇത് അനുയോജ്യമാണ്. (റീചാർജ് ചെയ്യാം ഈസിയായി ഇവിടെ നിന്നും.)

SMS: ഈ പ്ലാനിൽ സൗജന്യ എസ്.എം.എസ് ഉൾപ്പെടുത്തിയിട്ടില്ല.

വാലിഡിറ്റി: 35 ദിവസം വാലിഡിറ്റിയുള്ള പാക്കേദാണിത്. മറ്റ് സ്വകാര്യ ടെലികോം കമ്പനികൾ ഇതേ വിലയിൽ നൽകുന്ന പ്ലാനുകളിൽ ഇത്ര വാലിഡിറ്റി ലഭിക്കില്ല.

മറ്റ് ആനുകൂല്യങ്ങൾ: കോളുകളും ഡാറ്റയും മാത്രമല്ല 107 രൂപ പാക്കേജിലുള്ളത്. 35 ദിവസത്തേക്ക് സൗജന്യ ബിഎസ്എൻഎൽ ട്യൂൺസ് ആക്സസും നേടാം.

ദിവസം 3 രൂപ മാത്രം!

ഈ 107 രൂപ പ്ലാൻ സാധാരണക്കാർക്ക് അനുയോജ്യമായ പാക്കേജാണ്. ഇതിൽ കോളുകളും, ഡാറ്റയും ഭാരത് സഞ്ചാർ നിഗം ലിമിറ്റഡ് തരുന്നു. 35 ദിവസത്തേക്കുള്ള ആനുകൂല്യങ്ങൾക്കാണ് 107 രൂപ. ഇതിന്റെ പ്രതിദിന ചെലവ് കണക്കുകൂട്ടിയാൽ 3 രൂപ മാത്രമാണ്. 3 രൂപ ചെലവിൽ കോളിങ്, ഡാറ്റ സേവനങ്ങൾ ലഭിക്കുന്നത് വിരളമാണ്.

Also Read: BSNL 5G Update: 5ജിയ്ക്ക് പേരിട്ടു, സ്പീഡ് എത്തിയോ? സിം ഉപയോഗിക്കാതെയുള്ള 5G സേവനം…

Anju M U

Anju M U specializes in mobile technology, AI, and consumer gadgets at Digit Malayalam. With over 6 years of experience, she simplifies complex telecom and OTT updates into actionable insights for the Malayalam news community. View Full Profile