ഷവോമിയുടെ പുതിയ സ്മാർട്ട് ഫോണുകൾ ഇതാ വിപണിയിൽ എത്തുന്നു .റിപ്പോർട്ടുകൾ പ്രകാരം ഡ്യൂവൽ സ്ക്രീനിലാണ് ഈ സ്മാർട്ട് ഫോണുകൾ വിപണിയിൽ എത്തുന്നത് .ഷവോമിയുടെ MI 11 ULTRA എന്ന ഫോണുകളാണ് ഇത്തരത്തിൽ ഡ്യൂവൽ സ്ക്രീനിൽ എത്തുന്നത് എന്നാണ് സൂചനകൾ .Mi 11 Pro കൂടാതെ Mi 11 Lite എന്നി ഫോണുകളും ഉടൻ പ്രതീക്ഷിക്കാം .
മികച്ച ഫീച്ചറുകൾ ഉൾക്കൊള്ളിച്ചുകൊണ്ടുതന്നെയാണ് ഈ സ്മാർട്ട് ഫോണുകളും പുറത്തിറക്കുന്നത് .അതിൽ ക്യാമറകൾക്ക് വലിയ മുൻഗണന തന്നെയാണ് നൽകിയിരിക്കുന്നത് .റിപ്പോർട്ടുകൾ പ്രകാരം ഈ സ്മാർട്ട് ഫോണുകൾക്ക് 50 മെഗാപിക്സൽ പ്രൈമറി ക്യാമറകൾ ,48 മെഗാപിക്സൽ അൾട്രാ വൈഡ് ക്യാമറകൾ കൂടാതെ 48 മെഗാപിക്സൽ ടെലിഫോട്ടോ ക്യാമറകൾ എന്നിവയാണുള്ളത് .
അതുപോലെ തന്നെ ഈ ക്യാമറകൾക്ക് 120x സൂമിംഗ് എടുത്തുപറയേണ്ടതാണ് .പ്രതീക്ഷിക്കുന്ന സവിശേഷതകൾ നോക്കുകയാണെങ്കിൽ ഈ ഫോണുകൾക്ക് 6.8 ഇഞ്ചിന്റെ AMOLED സ്ക്രീനിനൊപ്പം QHD+ റെസലൂഷനും ഇത് കാഴ്ചവെക്കും എന്ന് പ്രതീക്ഷിക്കാം .അതുപോലെ തന്നെ 120Hz റിഫ്രഷ് റേറ്റും ഇത് കാഴ്ചവെക്കുന്നുണ്ട് .
ഈ ഫോണുകളുടെ പ്രതീക്ഷിക്കുന്ന ഫീച്ചറുകളിൽ എടുത്തു പറയേണ്ടത് ഇതിന്റെ പ്രോസ്സസറുകൾ തന്നെയാണ് .റിപ്പോർട്ടുകൾ പ്രകാരം ഈ സ്മാർട്ട് ഫോണുകൾ Qualcomm Snapdragon 888 പ്രോസ്സസറുകളാണ് പുറത്തിറങ്ങുന്നത് എന്നാണ് .5,000mAh ന്റെ ബാറ്ററി ലൈഫും കൂടാതെ റിവേഴ്സ് ചാർജിങ് ടെക്ക്നോളജിയും പ്രതീക്ഷിക്കാം .