Oppo A58 4G സ്മാർട്ട്ഫോൺ ഇന്ത്യൻ വിപണിയിൽ അവതരിപ്പിച്ചു. 4G നെറ്റ്വർക്ക് മാത്രം സപ്പോർട്ട് ചെയ്യുന്ന സ്മാർട്ട്ഫോണാണ് ഇത്. 15,000 രൂപയിൽ താഴെ വിലയുള്ള സ്മാർട്ട്ഫോണ് Oppo A58 4G. ആകർഷകമായ ഡിസൈനാണ് ഓപ്പോ എ58 സ്മാർട്ട്ഫോണിന്റെ മറ്റൊരു സവിശേഷത. ഈ സ്മാർട്ട്ഫോണിന്റെ വിലയും സവിശേഷതകളും വിശദമായി നോക്കാം.
6.72 ഇഞ്ച് ഫുൾ എച്ച്‌ഡി+ എൽസിഡി സ്‌ക്രീനാണുള്ളത്. 90Hz റിഫ്രഷ് റേറ്റും ഫോണിലുണ്ട്. ഈ 1080p ഡിസ്‌പ്ലേ 100% sRGB / DCI-P3 കളർ ഗാമറ്റ് സപ്പോർട്ടും 680 നിറ്റ്സ് പീക്ക് ബ്രൈറ്റനസുമായിട്ടാണ് വരുന്നത്. എആർഎം മാലി-G52 2EEMC2 ജിപിയുവുള്ള ഫോണിൽ 128 ജിബി eMMC 5.1 സ്റ്റോറേജ്, 6 ജിബി LPDDR4X റാം എന്നിവയുണ്ട്. ഒക്ടാ-കോർ 12nm മീഡിയടെക് ഹെലിയോ ജി85 എസ്ഒസിയുടെ കരുത്തിലാണ് ഓപ്പോ എ58 4ജി പ്രവർത്തിക്കുന്നത്.
രണ്ട് പിൻക്യാമറകളുമായിട്ടാണ് ഓപ്പോ എ58 4ജി സ്മാർട്ട്ഫോൺ വരുന്നത്. സെൽഫികൾക്കും വീഡിയോ കോളുകൾക്കുമായി എഫ്/2.0 അപ്പേർച്ചറുള്ള 8 എംപി ഫ്രണ്ട് ക്യാമറയും ഓപ്പോ എ58 4ജി സ്മാർട്ട്ഫോണിലുണ്ട്. 1 ടിബി വരെ സ്റ്റോറേജ് എക്സ്പാൻഡ് ചെയ്യാനുള്ള മൈക്രോ എസ്ഡി കാർഡ് സ്ലോട്ടുമായിട്ടാണ് ഈ ഫോൺ വരുന്നത്.
ഓപ്പോ എ58 4ജി സ്മാർട്ട്ഫോണിൽ 5000mAh ബാറ്ററിയാണുള്ളത്. ഈ വലിയ ബാറ്ററി ചാർജ് ചെയ്യാൻ 33W സൂപ്പർവൂക്ക് വയർഡ് ഫാസ്റ്റ് ചാർജിങ് സപ്പോർട്ടുമുണ്ട്. സൈഡ് മൗണ്ടഡ് ഫിംഗർപ്രിന്റ് സ്കാനർ, 3.5 എംഎം ഓഡിയോ ജാക്ക്, സ്റ്റീരിയോ സ്പീക്കറുകൾ എന്നിവയും ഈ ഫോണിലുണ്ട്. ആൻഡ്രോയിഡ് 13 ബേസ്ഡ് കളർ ഒഎസ് 13.1ലാണ് ഈ ഫോൺ പ്രവർത്തിക്കുന്നത്. ഡ്യുവൽ 4ജി വോൾട്ടി, വൈഫൈ 802.11 ac (2.4GHz + 5GHz), ബ്ലൂടൂത്ത് 5.3, ജിപിഎസ്, യുഎസ്ബി ടൈപ്പ്-സി പോർട്ട് എന്നീ കണക്റ്റിവിറ്റി ഓപ്ഷനുകളും ഫോണിലുണ്ട്.
ഓപ്പോ എ58 4ജി സ്മാർട്ട്ഫോൺ ഒരു വേരിയന്റിൽ മാത്രമാണ് ലോഞ്ച് ചെയ്തിരിക്കുന്നത്. 6 ജിബി റാമും 128 ജിബി സ്റ്റോറേജുമുള്ള ഈ വേരിയന്റിന് 14,999 രൂപയാണ് വില. ഫ്ലിപ്പ്കാർട്ടിലൂടെയും ഓപ്പോയുടെ വെബ്സൈറ്റിലൂടെയും ഓപ്പോ എ58 4ജി സ്മാർട്ട്ഫോൺ വിൽപ്പനയ്ക്കെത്തും. ഈ ഡിവൈസ് വാങ്ങുന്നവർക്ക് ബാങ്ക് ഓഫറുകളും ലഭിക്കും. 1,500 രൂപ കിഴിവാണ് ബാങ്ക് ഓഫറിലൂടെ ലഭിക്കുന്നത്. ഇതോടെ ഫോണിന്റെ വില 13,499 രൂപയാണ് വില.
ഗ്ലോവിംഗ് ബ്ലാക്ക്, ഡാസ്‌ലിംഗ് ഗ്രീൻ എന്നീ നിറങ്ങളിലാണ് ഫോൺ ലഭ്യമാകുന്നത്.