OnePlus Nord CE 6
ഗെയിമിംഗ് പ്രേമികൾക്കായി വൺപ്ലസ്സിന്റെ ജനപ്രിയ സീരീസുകളിലേക്ക് പുതിയ മോഡൽ വരുന്നു. സ്മാർട്ട്ഫോൺ വിപണിയിലെ മറ്റ് മിഡ്-റേഞ്ച് ഫോണുകളെ വിറപ്പിക്കാൻ 8000mAh ബാറ്ററിയുള്ള, OnePlus Nord CE 6 ഇന്ത്യയിൽ ലോഞ്ച് ചെയ്യുന്നു. 144Hz റിഫ്രഷ് റേറ്റ് സപ്പോർട്ടും ഇതിന്റെ സ്ക്രീനിനുണ്ടാകും. മിഡ് റേഞ്ച് വിപണിയ്ക്ക് ഇരട്ടി മധുരമായി OnePlus Nord CE 6 Lite ഫോണും ഈ വാരത്തെ ലോഞ്ചിനുണ്ട്. മെയ് 7 നാണ് ഇന്ത്യയിൽ രണ്ട് സ്മാർട്ട് ഫോണുകളും അവതരിപ്പിക്കുന്നത്. ഫോണിന്റെ പ്രതീക്ഷിക്കുന്ന ഫീച്ചറുകളും ഏകദേശ വിലയും പരിശോധിക്കാം.
വൺപ്ലസ് നോർഡ് CE 6 ഫോണിനെ കുറിച്ച് പ്രചരിക്കുന്ന ഏറ്റവും പ്രധാന ഹൈലൈറ്റുകൾ അതിന്റെ പ്രോസസറും ബാറ്ററിയുമാണ്. ക്വാൽകോമിൽ നിന്നുള്ള സ്നാപ്ഡ്രാഗൺ 7s Gen 4 ചിപ്സെറ്റാണ് പ്രവർത്തിക്കുന്നതെന്ന് കമ്പനി സ്ഥിരീകരിച്ചു. എന്നാൽ ബാറ്ററിയെ കുറിച്ച് ചില സൂചനകളുണ്ട്. 5000mAh, 6000mAh ബാറ്ററിയുമാണ് സാധാരണ ഫോണുകളിലുള്ളത്. എന്നാൽ ഈ വൺപ്ലസ് നോർഡ് സിഇ 6 ഫോണിൽ 8,000mAh ബാറ്ററി ഉണ്ടായിരിക്കുമെന്നാണ് പ്രതീക്ഷ.
1,800 nits വരെ പീക്ക് ബ്രൈറ്റ്നസ് സപ്പോർട്ടുള്ള, 1.5K റെസല്യൂഷൻ ഡിസ്പ്ലേയാകും ഇതിൽ കൊടുക്കുന്നത്. 144FPS ഗെയിംപ്ലേ ഇതിനുണ്ടാകും.
Also Read: ഒന്ന് ആഞ്ഞ് പിടിച്ചാൽ Electricity Bill പകുതിയാക്കാം, വീട്ടുപകരണങ്ങൾ ഇങ്ങനെ ഉപയോഗിക്കാം!
വൺപ്ലസ് നോർഡ് സിഇ 6 ഫോണിന് മുൻവശത്ത്, 32MP ഫ്രണ്ട് ക്യാമറയുമായി ജോടിയാക്കിയ ഡ്യുവൽ-ആക്സിസ് OIS സപ്പോർട്ട് ലഭിക്കുമെന്ന് പറയുന്നു. ഇതിന് 4K വീഡിയോ റെക്കോർഡിംഗ് പിന്തുണയ്ക്കുന്ന, 50MP പ്രൈമറി സെൻസറാകും കൊടുക്കുമെന്നാണ് സൂചന.
ലൈറ്റ് വേർഷനിൽ 7,000mAh ബാറ്ററിയാണ് നൽകുന്നതെന്നാണ് റിപ്പോർട്ട്. വൺപ്ലസ് നോർഡ് സിഇ 6 ലൈറ്റിൽ മീഡിയടെക് ഡൈമെൻസിറ്റി 7400 അപെക്സ് പ്രോസസറാകും കൊടുക്കുന്നത്. ഇതിന് 144Hz ഫ്ലാറ്റ് ഡിസ്പ്ലേയുണ്ടാകുമെന്ന് സൂചനയുണ്ട്.
50MP പ്രൈമറി സെൻസറും 32MP സെൽഫി ഷൂട്ടറും ഇതിൽ കൊടുത്തേക്കും.
ഈ വൺപ്ലസ് നോർഡ് സിഇ 6 ഫോണിന് ഏകദേശം 30,000 രൂപ വിലയുണ്ടാകുമെന്ന് പ്രതീക്ഷിക്കുന്നു. വൺപ്ലസ് നോർഡ് സിഇ 6 ലൈറ്റ് മോഡലിന് ഇന്ത്യയിൽ 25,000 രൂപയിൽ താഴെ വിലയാകുമെന്നും പറയുന്നു. കൃത്യമായ വിലയും സവിശേഷതകളും മെയ് 7 ലോഞ്ചിന് ശേഷം അറിയാം.