SBI Savings അക്കൗണ്ട് തുറക്കാൻ ബാങ്കിൽ പോകേണ്ടതില്ല; ഓൺലൈനിൽ മിനിറ്റുകൾക്കകം തുറക്കാം

വീട്ടിലിരുന്നും SBI (State Bank of India) Savings Account തുറക്കാൻ സാധിക്കുമെന്ന് പറഞ്ഞാൽ വിശ്വസിക്കുമോ? എന്നാൽ ബാങ്ക് ബ്രാഞ്ചിൽ പോയി ക്യൂ നിൽക്കാതെയോ, ഫോം പൂരിപ്പിക്കാതെയും മൊബൈലിൽ ബാങ്ക് അക്കൗണ്ട് തുറക്കാം. സ്മാർട്ട്ഫോണും ഇന്റർനെറ്റ് കണക്ഷനും മാത്രമാണ് ഇതിന് ആവശ്യം വരുന്നത്. YONO SBI ആപ്പിലൂടെ വളരെ എളുപ്പത്തിൽ പുതിയതായി ബാങ്ക് അക്കൗണ്ടിനുള്ള നടപടി ക്രമങ്ങൾ പൂർത്തിയാക്കാം.

ഇതിന് ആവശ്യമായ രേഖകൾ എന്തൊക്കെയാണ്, യോഗ്യതാ മാനദണ്ഡങ്ങൾ എന്തെല്ലാമാണെന്നും അപേക്ഷിക്കുന്നതിനുള്ള ഓരോ ഘട്ടവും വിശദമായി അറിയാം.

SBI savings account: എങ്ങനെ തുറക്കാം?

ഇതിനായി ഒരു സ്മാർട്ട് ഫോണും സ്പീഡ് കണക്റ്റിവിറ്റിയുള്ള ഇന്റർനെറ്റും ലഭ്യമാണെന്നത് ഉറപ്പാക്കുക. യോനോ എസ്ബിഐ ആപ്പ് ഉപയോഗിച്ച് ബാങ്ക് ശാഖയിൽ നേരിട്ട് പോകാതെ തന്നെ ഓൺലൈനായി സേവിംഗ്സ് അക്കൗണ്ട് ആരംഭിക്കാം. പാൻ കാർഡ്, ആധാർ കാർഡ് പോലുള്ള നിർണായകമായ രേഖകളും ഇതിന് ആവശ്യമാണ്. ഇനി എങ്ങനെയാണ് ബാങ്ക് അക്കൌണ്ട് തുറക്കുന്നതെന്ന് ഘട്ടം ഘട്ടമായി വിശദീകരിക്കാം.

Also Read: 7100mAh ബാറ്ററിയുമായി പവർഫുൾ Motorola 5G, 5000 രൂപ കിഴിവോടെ ഇന്ന് മുതൽ വിൽപ്പന

ബാങ്ക് അക്കൗണ്ട് മൊബൈലിൽ എങ്ങനെ തുറക്കാം?

ആൻഡ്രോയിഡ് ഉപയോഗിക്കുന്നവർ ഗൂഗിൾ പ്ലേ സ്റ്റോറിൽ നിന്നോ, ഐഫോൺ ഉപയോഗിക്കുന്നവർ ആപ്പിൾ ആപ്പ് സ്റ്റോറിൽ നിന്നോ യോനോ എസ്ബിഐ ആപ്പ് ഡൗൺലോഡ് ചെയ്യുക.

• ഇതിനായി ന്യൂ ടു എസ്ബിഐ എന്ന ഓപ്ഷൻ ക്ലിക്ക് ചെയ്യുക. ശേഷം Open Savings Account എന്നത് തെരഞ്ഞെടുക്കുക. തുടർന്ന് Without Branch Visit എന്ന ഓപ്ഷൻ നൽകണം.
• ഇവിടെ Savings Account through Video KYC എന്ന ഓപ്ഷനും തെരഞ്ഞെടുക്കുക.
• ശേഷം PAN, Aadhaar വിവരങ്ങൾ കൊടുക്കേണ്ടതുണ്ട്. ആധാറിൽ രജിസ്റ്റർ ചെയ്ത മൊബൈൽ നമ്പർ നിങ്ങളുടെ ഫോണിൽ ആക്ടീവായിരിക്കണം എന്നത് നിർബന്ധമാണ്.
• അങ്ങനെയെങ്കിൽ ആധാർ നമ്പർ ലഭിക്കുന്ന OTP ഉപയോഗിച്ച് വിവരങ്ങൾ സ്ഥിരീകരിക്കുക.
• ശേഷം വ്യക്തിഗത വിവരങ്ങളും മറ്റ് വിശദാംശങ്ങളും കൊടുക്കു.
• ഇവിടെ ഒരു Video KYC കോൾ ഷെഡ്യൂൾ ചെയ്യണം. ഇങ്ങനെ എസ്ബിഐ ഉദ്യോഗസ്ഥനുമായുള്ള വീഡിയോ കോൺഫറൻസിലൂടെ ഇ കെവൈസി പൂർത്തിയാക്കാനാകും.
• ശേഷം ബാങ്ക് ഉദ്യോഗസ്ഥൻ നിങ്ങളുടെ രേഖകളും ഒപ്പും പരിശോധിച്ച് സ്ഥിരീകരണം നൽകും. ഇങ്ങനെ നിങ്ങളുടെ അക്കൗണ്ട് പ്രവർത്തനസജ്ജമാകും.