మీ ఇంటిని షేక్ చేయగల 100 W సౌండ్ తో షియోమి మి టీవీ 6 ఎక్స్ ట్రీమ్ లాంచ్

షియోమి లేటెస్ట్ స్మార్ట్ టీవీ Mi TV 6 Extreme చైనా మార్కెట్లోకి వచ్చింది. ఈ మి టీవీ 6 ఎక్స్ ట్రీమ్ స్మార్ట్ టీవీని ఇంటిని షేక్ చేయగల 100 W సౌండ్ తో విడుదల చేసింది. దీనితో పాటుగా లేటెస్ట్ టెక్నాలజీతో మరియు డిస్ప్లే తో మార్కెట్లోవిడుదల చేసింది. ఈ Mi TV 6 స్మార్ట్ టీవీ లేటెస్ట్ స్మార్ట్ ఫోన్ల మాదిరిగా డ్యూయల్ కెమెరా సిస్టమ్ ను కలిగివుంది. ఈ టీవీ 48MP డ్యూయల్ కెమెరా సెటప్ ను కలిగివుంది. ఇది మాత్రమే కాదు ఈ షియోమి స్మార్ట్ టీవీ చాలా లేటెస్ట్ ఫీచర్లతో ఆకుట్టుకుంటోంది.  అందుకే, ఈ Mi TV 6 స్మార్ట్ టీవీ ప్రత్యేకతల గురించి పూర్తిగా తెలుసుకుందామా..!      

మి టీవీ 6 ఎక్స్ ట్రీమ్: ఫీచర్లు

లేటెస్ట్ గా చైనాలో విడుదలైన ఈ షియోమి స్మార్ట్ టీవీ మి టీవీ 6 ఎక్స్ ట్రీమ్ అమోఘమైన ఫీచర్లతో వచ్చింది. మి టీవీ 6 ఎక్స్ ట్రీమ్ స్మార్ట్ టీవీ QHD రిజల్యూషన్ తో వుంటుంది. అంతేకాదు, ఇది 120 Hz రిఫ్రెష్ రేట్ కలిగిన 4K డిస్ప్లే ని కలిగి ఉంటుంది.  ఈ షియోమి లేటెస్ట్ స్మార్ట్ టీవీ 4.5 GB ర్యామ్ మరియు 64 GB ఇంటర్నల్ స్టోరేజ్ కలిగి మీడియా టెక్ 8KTV పవర్ ఫుల్ ప్రొసెసర్ తో వస్తుంది.             

ఇక సౌండ్ పరంగా, ఈ టీవీ DTS-X మరియు Dolby Atmos రెండింటికి సపోర్ట్ చేస్తుంది. అంతేకాదు, ఈ టీవీ లలో రెండు 100 W హెవీ సౌండ్ కూడా అందుతుంది. అదీకూడా 4.1.2 సిస్టం తో అందించింది. అంటే, ఎటువంటి హోమ్ థియేటర్ సిస్టం అవసరం లేకుండా Deep Bass మరియు సరౌండ్ సౌండ్ ని కూడా ఆస్వాదించవచ్చు. ఈ టీవిలో రెండు వైపులా 2 + 2 స్పీకర్లు, ఒక ఉఫర్ మరియు టీవీకి పైన వైపున రెండు స్పీకర్లు ఉంటాయి.       

మి టీవీ 6 ఎక్స్ ట్రీమ్ టీవీ లో మరొక ప్రత్యేకత ఉంది. అదే ఈ టీవీ లో అందించిన డ్యూయల్ 48ఎంపీ పాప్ అప్ కెమెరా. ఈ కెమెరా సహాయంతో వీడియో కాలింగ్ తో పాటుగా ఆన్లైన్ క్లాసుల వంటి అన్ని స్మార్ట్ అవసరాలకు ఉపయోగపడుతుంది.              

ఈ షియోమి టీవీలో మీకు మల్టి కనెక్టివిటీ లభిస్తుంది. ఇందులో, WiFi 6 సపోర్ట్ , HDMI 2.0 మరియు eARC తో పాటుగా 2USB పోర్ట్స్  కూడా ఉన్నాయి. ఇది Android మరియు PatchWall OS తో  పనిచేస్తుంది.

Follow Us

Raja Pullagura

Crazy about tech...Cool in nature... View Full Profile