Vivo T5 Lite launch confirmed with big battery and fast charge support
Vivo T5 Lite: వివో టి సిరీస్ నుండి కొత్త స్మార్ట్ ఫోన్ లాంచ్ అనౌన్స్ చేసింది. వివో బడ్జెట్ 5జి స్మార్ట్ ఫోన్ సిరీస్ గా T సిరీస్ ఫోన్ లకు ఇండియన్ మార్కెట్లో మంచి పేరుంది. ఈ సిరీస్ నుంచి ఇప్పటి వరకు వచ్చిన ఫోన్లు ఇండియాలో మంచి అమ్మకాలను సాధించాయి. మరి ఏ అప్ కమింగ్ స్మార్ట్ ఫోన్ ను కూడా ఇండియన్ మార్కెట్ ను ఆకట్టుకునే ఫీచర్స్ వచ్చే అవకాశం ఉందని నిపుణులు అంచనా వేస్తున్నారు.
వివో టి 5 లైట్ స్మార్ట్ ఫోన్ లాంచ్ డేట్ ఇంకా ఫిక్స్ చేయలేదు. ఈ ఫోన్ ను త్వరలో లాంచ్ చేయబోతున్నట్లు మాత్రమే వివో ప్రకటించింది. ఈ ఫోన్ లాంచ్ కోసం ఫ్లిప్ కార్ట్ ద్వారా అందించిన ప్రత్యేకమైన టీజర్ పేజీ ద్వారా ఈ విషయాన్ని వెల్లడించింది. అంతేకాదు, ఈ అప్ కమింగ్ ఫోన్ వివరాలు కూడా ఈ టీజర్ పేజి నుంచి రివీల్ చేయడం ప్రారంభించింది.
వివో అప్ కమింగ్ స్మార్ట్ ఫోన్ టి 5 లైట్ స్మార్ట్ ఫోన్ డిజైన్ వెల్లడించే టీజర్ ఇమేజ్ ను వివో రిలీజ్ చేసింది. ఈ ఇమేజ్ ద్వారా ఈ అప్ కమింగ్ స్మార్ట్ ఫోన్ స్లీక్ అండ్ సింపుల్ డిజైన్ తో ఉంటుందని తెలుస్తోంది. ఈ ఫోన్ టీజర్ ఇమేజ్ ద్వారా ఈ ఫోన్ డ్యూయల్ రియర్ కెమెరా మరియు డ్యూయల్ స్పీకర్ సెటప్ కలిగి ఉన్నట్లు అర్థం అవుతుంది.
వివో ఈ అప్ కమింగ్ స్మార్ట్ ఫోన్ కీలక ఫీచర్ కూడా వెల్లడించింది. అదేమిటంటే, ఈ అప్ కమింగ్ వివో ఫోన్ 6500 mAh భారీ బ్యాటరీతో లాంచ్ అవుతుంది. అంతేకాదు, ఈ ఫోన్ ను వేగంగా ఛార్జ్ చేసే 44W ఫాస్ట్ ఛార్జ్ సపోర్ట్ కూడా ఈ ఫోన్ లో ఉంటుంది. ప్రస్తుతానికి ఈ ఫీచర్స్ మాత్రమే వివో వెల్లడించింది. అయితే, ఈ అప్ కమింగ్ ఫోన్ లీక్డ్ ఫీచర్స్ మాత్రం ఈ ఫోన్ గురించి ఒక అవగాహన కల్పిస్తున్నాయి.
Also Read: Nothing Phone 4b: అప్ కమింగ్ ఫోన్ కీలక ఫీచర్ విడుదల చేసిన నథింగ్.!
ఈ వివో అప్ కమింగ్ స్మార్ట్ ఫోన్ 6.77 ఇంచ్ LCD స్క్రీన్ ను 120Hz రిఫ్రెష్ రేట్ మరియు 1200 నిట్స్ పీక్ బ్రైట్నెస్ తో కలిగి ఉంటుందని లీక్స్ చెబుతున్నాయి. ఈ ఫోన్ మీడియాటెక్ Dimensity 6300 SoC చిప్ సెట్ మరియు 6GB ర్యామ్ తో లాంచ్ అయ్యే అవకాశం ఉందని కూడా ఐదు లీక్స్ చెబుతున్నాయి. ఈ ఫోన్ లో 50MP మెయిన్ కెమెరా కలిగిన డ్యూయల్ రియర్ కెమెరా కూడా ఉంటుంది.
ఈ ఫోన్ లాంచ్ డేట్ తో పాటు ఈ ఫోన్ కీలక ఫీచర్స్ కూడా వివో త్వరలోనే వెల్లడించే అవకాశం ఉంది కాబట్టి, ఈ లీక్డ్ ఫీచర్స్ లో ఎన్ని నిజం అవుతోందో త్వరలో తెలుస్తుంది.