Vivo T5 launching with these top 5 turbo features
Vivo T5 స్మార్ట్ ఫోన్ మరో రెండు రోజుల్లో మార్కెట్లో లాంచ్ అవుతుంది. అయితే, ఇప్పుడు ఈ అప్ కమింగ్ స్మార్ట్ ఫోన్ అఫీషియల్ కీలక ఫీచర్స్ రివీల్ కావడంతో, ఈ ఫోన్ పై చర్చ మొదలయ్యింది. ఈ ఫోన్ ను వేగవంతమైన చిప్ సెట్, బిగ్ బ్యాటరీ, పవర్ ఫుల్ డిస్ప్లే మరియు మరిన్ని ఫీచర్స్ తో లాంచ్ చేస్తున్నట్లు కంపెనీ తెలిపింది. అందుకే, ఈ ఫోన్ పైన అంచనాలతో కూడిన చర్చ కూడా మొదలయ్యింది.
ఇక వివో టి5 స్మార్ట్ ఫోన్ యొక్క టాప్ 5 ఫీచర్స్ విషయానికి వస్తే, ఇందులో అందించిన డిస్ప్లే, కెమెరా, బ్యాటరీ, ప్రాసెసర్ మరియు డ్యూరబిలిటీ గురించి చెప్పవచ్చు. ఈ టాప్ టర్బో ఫీచర్స్ గురించి వివరంగా తెలుసుకుందాం.
ముందుగా ఈ స్మార్ట్ ఫోన్ యొక్క డిస్ప్లే గురించి మనం మాట్లాడుకోవచ్చు. ఎందుకంటే, వివో ఈ స్మార్ట్ ఫోన్ ని 3D కర్వుడ్ AMOLED స్క్రీన్ తో లాంచ్ చేస్తోంది. ఈ స్క్రీన్ 1.5K రిజల్యూషన్, SGS 5 స్టార్ రేటింగ్, 144Hz రిఫ్రెష్ రేట్, HDR 10+ సపోర్ట్, ఇన్ స్క్రీన్ ఫింగర్ ప్రింట్ సెన్సార్ మరియు 2000 నిట్స్ పీక్ బ్రైట్నెస్ కలిగి ఉంటుంది. ఇది గేమింగ్ మరియు ఎంటర్టైన్మెంట్ కోసం కూడా తగిన విధంగా ఉంటుంది.
ఈ స్మార్ట్ ఫోన్ ని మిలిటరీ గ్రేడ్ డ్యూరబిలిటీతో అందిస్తోంది. ఫోన్ అనుకోకుండా కిందపడినా కూడా తాకిడిని తట్టుకునేలా ఉంటుంది. అంతేకాదు, ఈ వివో స్మార్ట్ ఫోన్ IP68 మరియు IP69 రేటింగ్ తో గొప్ప డస్ట్ అండ్ వాటర్ రెసిస్టెన్స్ కూడా కలిగి ఉంటుంది.
ఈ స్మార్ట్ ఫోన్ ను టర్బో పెర్ఫార్మెన్స్ అందించే చిప్ సెట్ మరియు ఇతర వివరాలతో లాంచ్ చేస్తున్నట్లు వివో వెల్లడించింది. అన్నట్లుగానే ఈ స్మార్ట్ ఫోన్ ని మీడియాటెక్ Dimensity 7500 ప్రాసెసర్ తో లాంచ్ చేస్తోంది. ఈ ప్రాసెసర్ 12 లక్షల కంటే ఎక్కువ AnTuTu స్కోర్ కలిగి ఉంటుంది. అంతేకాదు, ఈ చిప్ సెట్ సమర్ధవంతమైన ఏఐ కంప్యూటింగ్ శక్తి కలిగి ఉంటుంది. ఇది ఫోన్ ను వేగంగా ఉంచడమే కాకుండా గొప్ప ఏఐ శక్తిని కూడా ఈ ఫోన్ కి ఆపాదిస్తుంది.
Also Read: Poco X8: న్యూ లుక్ అండ్ న్యూ ఫీచర్స్ తో వస్తున్న పోకో న్యూ ఫోన్.!
ఈ ఫోన్ లో టర్బో కెమెరాని వివో అందించింది. ఈ ఫోన్ లో వెనుక OIS సపోర్ట్ కలిగిన 50MP Sony IMX 882 మెయిన్ కెమెరా జతగా 8MP అల్ట్రా వైడ్ కెమెరా కలిగిన డ్యూయల్ రియర్ కెమెరా ఉంది. అలాగే, ఈ ఫోన్ లో ముందు 32MP సెల్ఫీ కెమెరా కూడా ఉంటుంది. ఈ ఫోన్ ఫ్రంట్ అండ్ బ్యాక్ రెండు కెమెరాలు 4K వీడియో సపోర్ట్, మల్టీ ఫోకల్ పోర్ట్రైట్ మరియు లేటెస్ట్ AI కెమెరా ఫీచర్స్ కలిగి ఉంటుంది.
ఈ ఫోన్ ను చాలా స్లిమ్ డిజైన్ లో భారీ బ్యాటరీతో లాంచ్ చేస్తుంది. ఇది 7050 mAh బిగ్ బ్యాటరీతో వస్తుంది మరియు ఫాస్ట్ ఛార్జ్ సపోర్ట్ కూడా కలిగి ఉంటుంది. ఈ ఫోన్ 5 సంవత్సరాల బ్యాటరీ హెల్త్ ఫీచర్ తో కూడా వస్తుంది.