ఇటీవల, షావోమి దాని రెడ్మి నోట్ 7 తో మరియు రెడ్మి నోట్ 7 ప్రో స్మార్ట్ ఫోన్లను భారతదేశంలో విడుదలచేసింది. వాస్తవానికి ఈ రెండు స్మార్ట్ ఫోన్లతో పాటుగా ఒక Android Go- Powered స్మార్ట్ ఫోన్ అయిన ఈ Redmi Go ని కూడా అనౌన్స్ చేయవచ్చని, చాల పుకార్లు వచ్చాయి. అయితే, ఆ సమయంలో కేవలం ఈ రెండు స్మార్ట్ ఫోన్లను మాత్రమే షావోమి విడుదల చేసింది. అయితే, ఇప్పుడు ఈ Redmi Go ని రేపు మధ్యాహ్నం 12 గంటలకి ఇండియాలో విడుదల చేయడానికి సర్వం సిద్ధం చేసింది. అయితే, ఈ స్మార్ట్ ఫోన్ ముందుగానే అంతర్జాతీయంగా విడుదల చేయబడింది మరియు ఇది గొప్ప ఫీచర్లని కలిగి ఉన్నాకూడా తక్కువ దరకే అందుతుంది.
ఈ ఫోన్ యొక్క స్పెక్స్ విషయానికి వస్తే, ఈ Redmi Go డిజైన్ పరంగా రెడ్మి 5A కు చాలా దగ్గరి పోలికను కలిగివుంటుంది. ఈ ఫోన్ 16: 9 యాస్పెక్ట్ రేషియో డిస్ప్లేలో, ఎగువ మరియు దిగువ భాగంలో మందపాటి అంచులు కలిగి ఉంటుంది మరియు ఈ డివైజ్ యొక్క వెనుకవైపు ఉన్న ఒక ఎడమ మూలలో సింగల్ కెమెరా మరియు ఫ్లాష్ మాడ్యూల్ ఉన్నాయి.
హార్డ్వేర్ పరంగా, రెడ్మి గో 1280x720p రిజల్యూషను అందించగల, ఒక 5-అంగుళాల LCD HD డిస్ప్లేని కలిగి ఉంటుంది, ఇది క్వాల్కమ్ యొక్క స్నాప్ డ్రాగన్ 425 SoC తో నడుస్తుంది. ఒక మైక్రో SD కార్డు ద్వారా 128GB వరకు పెంచుకునేలా, 8GB&16GB ఇంటర్నల్ స్టోరేజితో పాటుగా 1 జీబి ర్యామ్ తో జతగా ఈ హ్యాండ్ సెట్ లభిస్తుంది.
ఆప్టిక్స్ పరంగా, ఈ స్మార్ట్ ఫోన్ ఒక 8MP ఒకే వెనుక కెమెరాతో f / 2.0 ఎపర్చరు మరియు 1.12μm పిక్సెల్ పరిమాణంతో వస్తుంది. ముందు, ఇది ఒక 5MP సెన్సారుని కలిగివుంది. ఇది 1.12μm పిక్సెల్ పరిమాణం మరియు ఒక f / 2/2 ఎపర్చరుతో ఉంటుంది. ఇది ఆండ్రాయిడ్ 8.1 ఓరియో (గో ఎడిషన్) ద్వారా నడిచే ఈ హ్యాండ్సెట్, ఒక 3000 mAh బ్యాటరీ, మైక్రోUSB ఛార్జింగ్ పోర్టులతో వస్తుంది. ఈ ఫోన్ బ్లాక్ మరియు బ్లూ కలర్ రకాలు మరియు డ్యూయల్ సిమ్ మద్దత్తుతో లభిస్తుంది. ఇక రేపు ఇండియాలో విడుదలయ్యే సమయానికి ఎటువంటి స్పీక్స్ అందిస్తుందో చూడాలి.