#image_title
ఇండియన్ మార్కెట్ లో మరొక బడ్జెట్ స్మార్ట్ ఫోన్ అడుగుపెట్టింది. అదే, టెక్నో ఇండియాలో లేటెస్ట్ గా విడుదల చేసిన పవర్ ఫుల్ 5G స్మార్ట్ ఫోన్ Tecno Pova 5 Pro. ఈ స్మార్ట్ ఫోన్ ను టెక్నో కేవలం రూ. 14,999 ధరలో వెనుక RGB లైట్స్, 5G ప్రోసెసర్, డ్యూయల్ 5G సపోర్ట్ తో పాటుగా మరిన్ని ఆకర్షణీయమైన స్పెక్స్ మరియు ఫీచర్లతో లాంచ్ చేసింది. త్వరలో సేల్ కి అందుబాటులోకి రానున్న ఈ కొత్త స్మార్ట్ ఫోన్ విశేషాలు తెలుసుకోండి.
టెక్నో పోవా 5 ప్రో స్మార్ట్ ఫోన్ ను రూ. 14,999 రూపాయల ప్రారంభ ధరతో టెక్నో లాంచ్ చేసింది. ఈ స్మార్ట్ ఫోన్ ఆగష్టు 22 నుండి అమేజాన్ ద్వారా సేల్ కి అందుబాటులోకి వస్తుంది.
టెక్నో యొక్క ఈ లెట్స్ స్మార్ట్ ఫోన్ పెద్ద 6. 7 ఇంచ్ FHD+ డిస్ప్లేని 120Hz రిఫ్రెష్ రేట్ మరియు డాట్ ఇన్ డిస్ప్లే సెల్ఫీ కెమేరాతో కలిగి వుంది. ఈ టెక్నో స్మార్ట్ ఫోన్ మీడియాటెక్ లేటెస్ట్ 5G చిప్ సెట్ Dimensity 6080 శక్తితో పని చేస్తుంది. అంతేకాదు, ఈ పవర్ ఫుల్ ప్రోసెసర్ కి సపోర్ట్ గా 8GB ర్యామ్ మరియు 256GB వరకు హెవీ స్టోరేజ్ తో వస్తుంది.
ఈ లేటెస్ట్ టెక్నో స్మార్ట్ ఫోన్ వెనుక ప్రీమియం ఫోన్ లలో మాత్రమే కనిపించే RGB లైట్ సెటప్ అందించబడింది మరియు ఇది ఈ ఫోన్ ను ప్రీమియం ఫోన్ల సరసన కూర్చోబెట్టేలా చేసింది. అంతేకాదు, చాలా ఆకర్షణీయమైన బ్యాంక్ ప్యానల్ డిజైన్ కూడా ఈ ఫోన్ సొంతం.
ఈ ఫోన్ కెమేరా వివరాల్లోకి వెళితే, ఈ ఫోన్ లో వెనుక 50MP AI డ్యూయల్ కెమేరా సెటప్ వుంది మరియు ముందు 16MP సెల్ఫీ కెమేరాని ఫ్లాష్ తో పాటుగా కలిగి వుంది.
ఈ ఫోన్ ఛార్జ్ టెక్ మరియు బ్యాటరీ విభాగంలో కూడా ఈ ఫోన్ చక్కగా ఆకట్టుకుంటుంది. ఎందుకంటే, ఈ టెక్నో స్మార్ట్ ఫోన్ 68W అల్ట్రా ఫాస్ట్ ఛార్జ్ సపోర్ట్ కలిగిన 5000 mAh బ్యాటరీని కలిగి వుంది. ఈ బడ్జెట్ కేటగిరిలో ఈ ఫీచర్ కలిగిన ఫస్ట్ ఫోన్ ఇదే అవుతుంది, అని కంపెనీ తెలిపింది.