అతిత్వరలో రియల్మీX2 ప్రో ఇక 6GB ర్యామ్+ 64GB స్టోరేజి వేరియంట్ రూ.27,999 ధరతో రానుంది.

గత నెలలో, రియల్మీ సంస్థ తన ఫ్లాగ్ షిప్ స్మార్ట్ ఫోన్ అయినటువంటి రియల్మీ X2 ప్రో ను ఇండియాలో విడుదల చేసింది. అయితే, ఈ స్మార్ట్ ఫోన్ను 8GB ర్యామ్ + 128GB స్టోరేజి మరియు 12GB ర్యామ్ + 256GB స్టోరేజిలతో రూ.29,999 రుపాయల ప్రారంభదరలో విడుదల చేసింది. ఈ స్మార్ట్ ఫోన్ యొక్క ప్రత్యేకతల పరంగా చూసినట్లయితే, ఈ ధరలు సమంజసంగా అనిపించినా, Low-End వేరియంట్ లేకపోవడం కొంత వెలితిగా అనిపించింది. అందుకోసమే కావాచ్చు ఇప్పుడు, రియల్మీ సంస్థ కొత్త 6GB ర్యామ్ + 64GB స్టోరేజి వేరియంట్ ని కేవలం రూ.27,999 ధరలో అందుబాటులోకి తీసుకు వస్తోంది మరియు అతిత్వరలోనే ఈ వేరియంట్ అమ్మకానికి అందుబాటులోకిరానున్నది.

Survey

Realme X2 PRO ప్రత్యేకతలు

Realme X2 PRO స్మార్ట్ ఫోన్ను ఒక మిడ్-రేంజ్ హ్యాండ్‌ సెట్ గా, రియల్మీ సంస్థ ఇండియన్ మార్కెట్లో తీసుకొచ్చింది . ఈ ఫోన్ ఒక 6.5-అంగుళాల Full HD + సూపర్ AMOLED డిస్ప్లేని 91.9 శాతం స్క్రీన్ టూ బాడీ నిష్పత్తితో కలిగి ఉంది. ఈ డిస్ప్లేలో వాటర్‌డ్రాప్ నోచ్ డిజైన్ ఉంది, ఇందులో  సెల్ఫీ కెమెరా ఉంచబడుతుంది. ముఖ్యంగా, ఈ డిస్ప్లేని 90Hz రిఫ్రెష్ రేటుతో తీసుకొచ్చింది. అంటే, ఈ ఫోన్ యొక్క డిస్ప్లే మరింత సున్నితమైన వీడియో క్వాలిటీ మరియు పనితనాన్ని అందిస్తుంది మరియు ఇది ఇన్ డిస్ప్లే ఫింగర్ ప్రింట్ తో పాటుగా వస్తుంది. ఈ స్మార్ట్ ఫోన్, వెనుక ఒక ప్రత్యేకమైన 3D గ్లాస్ డిజైన్ కలిగి ఉంది మరియు  ఇది పెరల్ బ్లూ మరియు పెరల్ వైట్ కలర్ ఎంపికలతో వస్తుంది.

Add As A Trusted Source For Google.

Add as a preferred source on Google

ఆప్టిక్స్ పరంగా, రియల్మి X2 ప్రో వెనుక భాగంలో క్వాడ్ కెమెరా సెటప్ తో ఉంటుంది. ఇది f / 2.25 ఎపర్చరు లెన్స్తో ఒక 13 MP  టెలిఫోటో లెన్స్ కి జతగా ఒక  ప్రధాన 64MP ప్రాధమిక సెన్సార్‌తో పాటు, F / 2.4 లెన్స్‌తో 8MP అల్ట్రా వైడ్ లెన్స్ మరియు 2MP డెప్త్ కెమెరా కూడా వుంది. ఈ స్మార్ట్ ఫోన్, మెరుగైన Low -Light చిత్రాలను కూడా అందిస్తుంది. ముందు భాగంలో 16MP సోనీ  IMX471 సెన్సార్, f / 2.0 ఎపర్చర్‌తో ఉంటుంది. ఇంకా ఇందులో ఆడియో కోసం ప్రత్యేకంగా Dolby Atmos ని కూడా అందించింది. 

రియల్మీ X2 ప్రో  గరిష్టంగా 8 జీబీ ర్యామ్ మరియు 128 జీబీ వరకు ఇంటర్నల్ స్టోరేజ్‌తో వస్తుంది. ఇక దీనితో పాటుగా 12GB ర్యామ్ మరియు 256 స్టోరేజి మాస్టర్ ఎడిషన్ను కూడా లాంచ్ చేసింది. దీన్ని ప్రత్యేకంగా డిజైన్ చేసినట్లు కంపెనీ పేర్కొంది. ఈ హ్యాండ్‌సెట్‌లో హైపర్‌బూస్ట్ 2.0 అమర్చారు, ఇది గేమింగ్ ఆడేటప్పుడు మరింత మధురానుభూతిని అందిస్తుంది. అలాగే, ఒక 50W సూపర్ VOOC ఛార్జింగ్ టెక్నాలజీ కలిగిన 4000mAh బ్యాటరీతో మద్దతు ఉన్నఈ హ్యాండ్‌ సెట్ టైప్-సి పోర్ట్‌ను కలిగి ఉంది. ఈ సూపర్ VOOC ఛార్జింగ్ కేవలం 35 నిమిషాల్లో ఈ హ్యాండ్‌ సెట్ యొక్క బ్యాటరీని 100 శాతం నింపుతుంది.                                 

Follow Us

Raja Pullagura

Crazy about tech...Cool in nature... View Full Profile