OnePlus Nord CE 6: లాంచ్ కంటే ముందే లీకైన వన్ ప్లస్ ఫోన్ ప్రైస్.!
Follow UsOnePlus Nord CE 6 స్మార్ట్ ఫోన్ రేపు మార్కెట్లో లాంచ్ అవుతుంది
లాంచ్ కంటే ఒకరోజు ముందే ఈ స్మార్ట్ ఫోన్ ధర వివరాలు ఆన్లైన్ లో లీక్ అయ్యాయి
లీక్డ్ ప్రైస్ తో ఈ ఫోన్ లాంచ్ కంటే ముందే పూర్తి వివరాలు బయటకు వెల్లడైనట్లు అనిపిస్తుంది
OnePlus Nord CE 6 స్మార్ట్ ఫోన్ రేపు మధ్యాహ్నం 12 గంటలకు ఇండియన్ మార్కెట్లో లాంచ్ అవుతుంది. అయితే, లాంచ్ కంటే ఒకరోజు ముందే ఈ స్మార్ట్ ఫోన్ ధర వివరాలు ఆన్లైన్ లో లీక్ అయ్యాయి. ఈ ఫోన్ లాంచ్ లో భాగంగా ఈ ఫోన్ యొక్క చాలా కీలకమైన ఫీచర్స్ కంపెనీ ఇప్పటికే రివీల్ చేసింది. అయితే, ఇప్పుడు ఆన్లైన్ లో దర్శనమిచ్చిన లీక్డ్ ప్రైస్ తో ఈ ఫోన్ లాంచ్ కంటే ముందే పూర్తి వివరాలు బయటకు వెల్లడైనట్లు అనిపిస్తుంది.
SurveyOnePlus Nord CE 6: లీక్డ్ ప్రైస్
వన్ ప్లస్ నార్డ్ CE 6 స్మార్ట్ ఫోన్ ను రూ. 25,000 నుంచి రూ. 30,000 రూపాయల ప్రైస్ సెగ్మెంట్ లో లాంచ్ చేసే అవకాశం ఉంటుందని ప్రముఖ లీక్ స్టర్ అభిషేక్ యాదవ్ తన X అకౌంట్ నుంచి ట్వీట్ చేశారు.
ఈ ట్వీట్ ప్రకారం, వన్ ప్లస్ అప్ కమింగ్ స్మార్ట్ ఫోన్ మిడ్ రేంజ్ ఫోన్ గా ఇండియాలో అడుగుపెడుతుందని మనం అంచనా వేయవచ్చు. అయితే, అఫీషియల్ అనౌన్స్ మెంట్ తర్వాత ఈ ఫోన్ లీక్డ్ ప్రైస్ లో నిజం ఎంత ఉందో తెలుస్తుంది.
OnePlus Nord CE 6: ఫీచర్స్
ఇక వన్ ప్లస్ నార్డ్ CE 6 ఫీచర్స్ విషయానికి వస్తే, ఈ ఫోన్ స్లీక్ డిజైన్ లో పవర్ ఫుల్ 8000mAh బ్యాటరీతో లాంచ్ అవుతుంది. ఈ ఫోన్ ఈ ప్రైస్ సెగ్మెంట్ లో బిగ్ బ్యాటరీ ఫోన్ గా మార్కెట్ లో అడుగుపెడుతుంది. అంతేకాదు, ఈ ఫోన్ అల్ట్రా ఫాస్ట్ ఛార్జ్ మరియు 27W వేగవంతమైన రివర్స్ వైర్డ్ ఛార్జ్ సపోర్ట్ కూడా కలిగి ఉంటుంది.
ఈ ఫోన్ ను గేమింగ్ కోసం అవసరమైన బిగ్ AMOLED స్క్రీన్ తో లాంచ్ చేస్తుంది. ఈ స్క్రీన్ 1.5K రిజల్యూషన్, 144Hz రిఫ్రెష్ రేట్, 1800 నిట్స్ పీక్ బ్రైట్నెస్ మరియు 3840Hz PMW డిమ్మింగ్ వంటి ఫీచర్స్ కలిగి ఉంటుంది. ఇది కాకుండా గేమింగ్ సమయంలో ఈ ఫోన్ స్క్రీన్ ను మరింత వేగంగా హ్యాండిల్ చేసే ప్రత్యేకమైన టచ్ రిఫ్లెక్స్ చిప్ ను కూడా ఈ ఫోన్ లో అందించింది.
వన్ ప్లస్ ఈ ఫోన్ ను క్వాల్కమ్ Snapdragon 7s Gen 4 చిప్ సెట్ తో లాంచ్ చేస్తుంది. ఇది క్వాల్కమ్ యొక్క లేటెస్ట్ 4nm చిప్ సెట్ మరియు మంచి పెర్ఫార్మెన్స్ అందిస్తుంది. ఈ ఫోన్ ఆక్సిజన్ OS జత ఆండ్రాయిడ్ 16OS తో లాంచ్ అవుతుంది. అంతేకాదు, ఈ ఫోన్ 6 సంవత్సరాల స్మూత్ పర్ఫామెన్స్ అందిస్తుందని వన్ ప్లస్ తెలిపింది.
Also Read: True Wireless 5.1.2 Dolby Atmos ప్రీమియం సౌండ్ బార్ లాంచ్ చేసిన జెబ్రోనిక్స్.!
కెమెరా పరంగా, ఈ ఫోన్ లో వెనుక డ్యూయల్ యాక్సిస్ OIS సపోర్ట్ కలిగిన 50MP మెయిన్ కెమెరా కలిగిన డ్యూయల్ రియర్ కెమెరా ఉంటుంది మరియు ముందు 32MP సెల్ఫీ కెమెరా కూడా ఉంటుంది. ఈ ఫోన్ ముందు మరియు మెయిన్ కెమెరా కూడా 4K వీడియో రికార్డింగ్ సపోర్ట్ కలిగి ఉంటాయి. అంతేకాదు, లేటెస్ట్ AI కెమెరా ఫీచర్స్ మరియు వన్ ప్లస్ కెమెరా ఫిల్టర్లు కూడా కలిగి ఉంటాయి. ఈ ఫోన్ IP66, IP68, IP69 మరియు IP69K మంచి డస్ట్ అండ్ వాటర్ రెసిస్టెంట్ సపోర్ట్ కలిగి ఉంటుంది.
