OnePlus N6 launching with 60fps video recording camera
OnePlus N6: వన్ ప్లస్ అప్ కమింగ్ స్మార్ట్ ఫోన్ లాంచ్ కోసం డైలీ అప్డేట్స్ అందిస్తున్న కంపెనీ, ఈరోజు ఈ అప్ కమింగ్ స్మార్ట్ ఫోన్ కెమెరా మరియు ఇతర వివరాలు వెల్లడించింది. ఈ అప్ కమింగ్ స్మార్ట్ ఫోన్ 60FPS వీడియో కెమెరా మరియు బిగ్ కూలింగ్ సిస్టం తో వస్తుందని కంపెనీ కన్ఫర్మ్ చేసింది. ముందుగా ఈ ఫోన్ బ్యాటరీ మరియు డిజైన్ వివరాలు వెల్లడించిన వన్ ప్లస్ ఇప్పుడు ఈ అప్ కమింగ్ ఫోన్ పూర్తి వివరాలు ఒక్కొక్కటిగా బయటపెడుతోంది.
వన్ ప్లస్ ఎన్ 6 స్మార్ట్ ఫోన్ కొత్త అప్డేట్ ను ఈరోజు అందించింది. ఈరోజు అందించిన కొత్త అప్డేట్ లో ఈ అప్ కమింగ్ స్మార్ట్ ఫోన్ కెమెరా మరియు కూలింగ్ సిస్టం వివరాలు వెల్లడించింది. ఈ ఫోన్ ను 50MP డ్యూయల్ రియర్ మరియు 8MP సెల్ఫీ కెమెరాతో లాంచ్ చేస్తున్నట్లు వన్ ప్లస్ వెల్లడించింది. ఇందులో ఉన్న మెయిన్ 50MP కెమెరా AI ఎన్ హెన్స్ కెమెరా అని కూడా వన్ ప్లస్ నొక్కి చెప్పింది. ఈ ఫోన్ కలిగిన కెమెరా ఫీచర్స్ కూడా ఇందులో రివీల్ చేసింది.
కెమెరా ఫీచర్స్ విషయానికి వస్తే, ఈ ఫోన్ కెమెరా 60FPS వీడియో రికార్డింగ్ సపోర్ట్ కలిగి ఉంటుంది. అంతేకాదు, డ్యూయల్ వీడియో మోడ్ ఫీచర్ కూడా కలిగి ఉంటుంది. ఈ ఫోన్ లేటెస్ట్ AI కెమెరా ఫీచర్స్ మరియు వన్ ప్లస్ యొక్క ప్రత్యేకమైన కెమెరా ఫీచర్స్ కూడా కలిగి ఉంటుంది.
వన్ ప్లస్ ఎన్ 6 స్మార్ట్ ఫోన్ లాంచ్ అయ్యే ప్రైస్ సెగ్మెంట్ లో 5300 mm² లార్జ్ వేపర్ ఛాంబర్ కూలింగ్ సిస్టం కలిగి ఉంటుంది. ఇది గేమింగ్ మరియు మల్టీ టాస్క్ సమయంలో కూడా ఫోన్ ను చల్లగా ఉంచుతుంది. తద్వారా, ఫోన్ కూల్ గా ఉంచి పెర్ఫార్మెన్స్ పెంచుతుంది.
Also Read: Apple Macbook Neo: 80 వేల ల్యాప్ టాప్ ని 60 వేలకే ఆఫర్ చేస్తున్న ఫ్లిప్ కార్ట్.!
ఈ అప్ కమింగ్ వన్ ప్లస్ స్మార్ట్ ఫోన్ ఆకట్టుకునే సింపుల్ అండ్ స్లీక్ డిజైన్ తో ఉంటుంది. ఈ ఫోన్ స్లీక్ గా ఉన్నా కూడా 8000 భారీ బ్యాటరీని తనలో ఇముడ్చుకుని ఉంటుంది. అంతేకాదు, ఈ ఫోన్ 45W ఫాస్ట్ ఛార్జ్ సపోర్ట్ కలిగి ఉంటుంది. ఈ ఫోన్ లేటెస్ట్ ఆండ్రాయిడ్ 16 OS పై ఆక్సిజన్ 16 సాఫ్ట్ వేర్ తో లాంచ్ అవుతుంది. అంతేగాదు, 60 నెలల అప్డేట్స్ మరియు సెక్యూరిటీ అప్డేట్ తో స్మూత్ పెర్ఫార్మెన్స్ అందిస్తుందని కూడా వన్ ప్లస్ తెలిపింది.