మోటోరోలా ఇండియాలో లేటెస్ట్ గా విడుదల చేసిన Motorola Edge 50 Pro 5G స్మార్ట్ ఫోన్ సేల్ రేపు జరగనున్నది. ఈ కొత్త ఫోన్ ను మంచి ఆఫర్లతో మోటోరోలా సేల్ కి అందుబాటులోకి తీసుకు వస్తోంది. 30 వేల బడ్జెట్ లో భారీ ఫీచర్స్ తో ఈ ఫోన్ ను మోటోరోలా విడుదల చేసింది. ఈ లేటెస్ట్ స్మార్ట్ ఫోన్ ఫస్ట్ సేల్ నుండి లభించనున్న ఆఫర్లు మరియు ఫోన్ స్పెక్స్ పైన ఒక లుక్కేయండి.
మోటోరోలా ఎడ్జ్ 50 ప్రో 5జి స్మార్ట్ ఫోన్ ను రూ. 31,999 రూపాయల స్టార్టింగ్ ప్రైస్ తో విడుదల చెయ్యబడింది. ఈ ఫోన్ యొక్క హై ఎండ్ వేరియంట్ రూ. 35,999 రూపాయల ధరతో ప్రకటించింది. ఈ ఫోన్ Flipkart నుండి సేల్ కి అందుబాటులోకి వస్తుంది.
మోటోరోలా ఈ స్మార్ట్ ఫోన్ ను మంచి బ్యాంక్ డిస్కౌంట్ ఆఫర్ తో అందించింది. HDFC బ్యాంక్ క్రెడిట్ కార్డ్ మరియు డెబిట్ కార్డ్ EMI తో ఈ మోటోరోలా కొత్త ఫోన్ ను కొనుగోలు చేసే యూజర్లకు రూ. 2,500 రూపాయల ఇన్స్టాంట్ డిస్కౌంట్ లభిస్తుంది. ఈ ఫోన్ మొదటి సేల్ రేపు మధ్యాహ్నం 12 గంటల నుండి మొదలవుతుంది.
Also Read: RBI New UPI Rules: యుపిఐ యూజర్లకు గుడ్ న్యూస్ తెలిపిన రిజర్వ్ బ్యాంక్.!
మోటోరోలా ఎడ్జ్ 50 ప్రో 5జి స్మార్ట్ ఫోన్ ను గొప్ప డిస్ప్లే, కెమేరా మరియు డిజైన్ వంటి మరిన్ని ఫీచర్స్ తో మోటోరోలా విడుదల చేసింది. ఈ ఫోన్ లో 6.7 ఇంచ్ 10-బిట్ ప్యాంటోన్ వాలిడేటెడ్ ట్రూ కలర్ డిస్ప్లేని 1.5 K రిజల్యూషన్ మరియు 144Hz రిఫ్రెష్ రేట్ తో కలిగి వుంది. ఈ ఫోన్ స్నాప్ డ్రాగన్ 7 జెన్ 3 ఆక్టా కోర్ 5G ప్రోసెసర్ తో చేస్తుంది మరియు 8GB /12GB RAM మరియు 256 GB ఇంటర్నల్ స్టోరేజ్ లతో వస్తుంది.
ఈ ఫోన్ లో 50MP + 13MP + 10MP ట్రిపుల్ రియర్ మరియు 50MP సెల్ఫీ కెమేరా వుంది. ఈ ఫోన్ మెయిన్ కెమేరాతో 4K UHD HDR10+ వీడియోలను మరియు 4K UHD మ్యాక్రో వీడియోలను షూట్ చేయవచ్చని కూడా మోటోరోలా తెలిపింది. ఈ ఫోన్ లో 125W ఫాస్ట్ వైర్డ్ ఛార్జ్ మరియు 50W వైర్లెస్ ఛార్జ్ సపోర్ట్ కలిగిన 4500 mAh బ్యాటరీ వుంది.
