మోటరోలా చివరకు తన మోటరోలా వన్ విజన్ స్మార్ట్‌ఫోన్ను భారతదేశంలో విడుదల చేసింది. ఈ స్మార్ట్ ఫోన్, శామ్సంగ్ గెలాక్సీ M 40 స్మార్ట్‌ఫోనులో మనం చూసినటువంటి పంచ్-హోల్ డిస్ప్లే డిజైన్‌తో కనబడుతుంది. ఈ రెండు ఫోన్లు దాదాపు ఒకే ధరతో ప్రారంభించబడ్డాయి, కాబట్టి మోటరోలా వన్ విజన్ ఫోన్ను శామ్సంగ్ గెలాక్సీ M 40 యొక్క స్పెక్స్ తో పోల్చి చూద్దాం. తద్వారా, ఏ ఫోన్ మంచి స్పెక్స్‌ను అందిస్తుందో తెలుసుకోవచ్చు.
మోటరోలా వన్ విజన్ ఇప్పటికే బ్రెజిల్, సౌదీ అరేబియా మరియు థాయ్‌లాండ్‌లో అమ్మకాలను కొనసాగిస్తోంది. అయితే దీన్ని భారతదేశంలో రూ .19,999 ధరతో విడుదల చేసింది మరియు ఈ ఫోన్ ఫ్లిప్‌కార్ట్‌లో సేల్ కానుంది. ఇక గెలాక్సీ M 40 గురించి మాట్లాడితే, ఈ ఫోన్ అమెజాన్ ఇండియా నుండి అమ్మకాలను కొనసాగిస్తోంది మరియు ఈ ఫోన్ను రూ .19,990 ధర అందించింది.
ఇక ఈ డిస్ప్లేల గురించి చూస్తే, మోటరోలా వన్ విజన్ లో మీకు 21: 9 సినిమావిజన్ ఆస్పెక్ట్ రేషియాతో ఒక 6.3-అంగుళాల పూర్తి-హెచ్డి + (1080×2520 పిక్సెల్స్) డిస్ప్లే లభిస్తుంది. శామ్సంగ్ గెలాక్సీ M 40 లో, మీకు 2340 × 1080 పిక్సెల్‌లతో 6.3-అంగుళాల పూర్తి-హెచ్డి + టిఎఫ్‌టి ఎల్‌సిడి ఇన్ఫినిటీ-ఓ డిస్ప్లే రిజల్యూషన్ లభిస్తుంది.
మోటరోలా వన్ విజన్ యొక్క ప్రధాన వెనుక కెమెరా 48 మెగాపిక్సెల్స్ f / 1.7 ఎపర్చరుతో మరియు జతగా 5 మెగాపిక్సెల్ సెకండరీ కెమెరా f / 2.2 ఎపర్చరు తో వస్తుంది. ముందు ఈ ఫోన్ 25 మెగాపిక్సెల్ సెల్ఫీ కెమెరాతో ఉంటుంది. శామ్సంగ్ గెలాక్సీ M 40 లో, మీకు 32 మెగాపిక్సెల్ + 5 మెగాపిక్సెల్ +8 మెగాపిక్సెల్ ట్రిపుల్ రియర్ కెమెరా సెటప్ లభిస్తోంది మరియు ఈ ఫోన్ సెల్ఫీ కోసం 16 మెగాపిక్సెల్ ఫ్రంట్ కెమెరాను కలిగి ఉంది.
మోటరోలా వన్ విజన్ శామ్సంగ్ ఎక్సినోస్ 9609 SoC తో 2.2GHz ఆక్టా-కోర్ 4GB RAM తో వస్తుంది, మరియు 128GB స్టోరేజిని కలిగి ఉంటుంది. మీరు శామ్సంగ్ గెలాక్సీ M 40 ను పరిశీలిస్తే, ఈ ఫోన్ 6 జిబి ర్యామ్ మరియు 128 జిబి స్టోరేజ్‌ను ఆక్టా-కోర్ క్వాల్కమ్ స్నాప్‌డ్రాగన్ 675 SoC తో అందిస్తుంది.
మోటరోలా వన్ విజన్ మరియు శామ్సంగ్ గెలాక్సీ M40 రెండు ఫోన్లలో కూడా 3,500 ఎంఏహెచ్ బ్యాటరీ ఉంది మరియు రెండూ ఫోన్లు టైప్-సి పోర్ట్‌తో వస్తాయి. అయితే మోటరోలా యొక్క వన్ విజన్‌లో 3.5 ఎంఎం హెడ్‌ఫోన్ జాక్‌ను కూడా అందుకుంటాము. ఈ రెండు ఫోన్ల వెనుక భాగంలో వేలిముద్ర సెన్సార్ ఇవ్వబడింది.
రెండు ఫోన్లు కూడా ఆండ్రాయిడ్ 9 పై ఆధారపడి ఉంటాయి కాని మోటరోలా వన్ విజన్ స్టాక్ (ఆండ్రాయిడ్ వన్) తో అందిస్తుంది. అయితే, గెలాక్సీ M 40 స్మార్ట్‌ఫోన్ వన్ UI లో పనిచేస్తుంది.