SD855 ప్రొసెసరుతో మిడ్ రేంజ్ ధరలో లాంచ్ కానున్న MEIZU 16T
చైనా స్మార్ట్ ఫోన్ కంపెనీ అయిన, మైజు నుంచి మైజు 16 T స్మార్ట్ ఫోన్ అక్టోబర్ 23 న లాంచ్ కానుంది. ఈ ఫోన్ యొక్క మోడల్ సంఖ్య M928Q, ఇది ఇప్పటికే TENAA ద్వారా గుర్తించబడింది. అయితే, ఇప్పుడు ఈ మొబైల్ ఫోన్ ప్రారంభించనున్న తేదీని కూడా కంపెనీ వీబో ద్వారా వెల్లడించింది. ఇది మిడ్-రేంజ్ మొబైల్ ఫోనుగా ఉండబోతోందని, ఇది స్నాప్డ్రాగన్ 855 చిప్సెట్తో పరిచయం చేయబడుతుందని తెలుస్తోంది.
ఈ మొబైల్ ఫోన్ లాంచ్ కంటే ముందుగా, దాని యొక్క అన్ని లక్షణాలు టీనా ద్వారా వెల్లడయ్యాయి. రెడ్మి కె 20 ప్రో, రియల్మీఎక్స్ 2 ప్రో మొబైల్ ఫోన్లతో పోటీ పడటానికి ఈ మొబైల్ ఫోన్ను చైనా మార్కెట్లో లాంచ్ చేయబోతున్నట్లు చెబుతున్నారు.
ఈ మొబైల్ ఫోన్ ఒక 6.5-అంగుళాల FHD + డిస్ప్లే తో రానుంది. ఇది ఒక అమోలెడ్ స్క్రీన్తో రాబోతోంది. ఇది కాకుండా, ఫోన్లో ఇన్-డిస్ప్లే వేలిముద్ర సెన్సార్ను పొందబోతున్నారు. ఈ ఫోన్నుఒక క్వాల్కమ్ స్నాప్డ్రాగన్ 855 తో విడుదల చేయబోతున్నారు. ఇది 2.8GHz ప్రాసెసర్ అవుతుంది. ఈ ఫోన్ రెండు వేర్వేరు స్టోరేజ్ ఆప్షన్లలో లాంచ్ కానుంది. ఈ మొబైల్ ఫోన్ యొక్క బేస్ వేరియంట్ను 6 జిబి ర్యామ్ మరియు 128 జిబి స్టోరేజ్, ఇది కాకుండా 8 జిబి ర్యామ్ మరియు 256 జిబి స్టోరేజ్ వేరియంట్ కూడా లాంచ్ కానుంది.
ట్రిపుల్ రియర్ కెమెరా సెటప్ పొందడం గురించి సమాచారం కూడా వస్తోంది. ఈ మొబైల్ ఫోన్ ఒక 12MP ప్రధాన కెమెరాను పొందబోతోంది, దీనికి తోడు మీకు 8MP అల్ట్రా-వైడ్ కెమెరా, అలాగే 5MP డెప్త్ సెన్సార్ లభిస్తుంది. అయితే, మీకు ఫోన్లో 16 MP సెల్ఫీ కెమెరా కూడా లభిస్తుంది. 24W ఫాస్ట్ ఛార్జింగ్ టెక్నాలజీతో 4500mAh సామర్థ్యం గల బ్యాటరీ ఈ ఫోన్లో ఉంది. ఈ ఫోన్ను చైనాలో ఆర్ఎమ్బి 2,499 కు లాంచ్ చేయవచ్చు, అంటే సుమారు రూ .25 వేలు, ఈ ధర ఈ మొబైల్ ఫోన్ యొక్క బేస్ వేరియంట్ కానుంది.