Lava Blaze X: కర్వుడ్ డిస్ప్లే మరియు డ్యూయల్ కెమెరాతో వస్తుంది.!
Follow Usలావా అప్ కమింగ్ స్మార్ట్ ఫోన్ ను అనౌన్స్ చేసింది
ఈ ఫోన్ టీజర్ వీడియో ద్వారా డిజైన్ మరియు కలర్ వివరాలు అందించింది
Lava Blaze X కర్వుడ్ డిస్ప్లే తో వస్తుంది
Lava Blaze X: ఇండియన్ మొబైల్ తయారీ కంపెనీ లావా అప్ కమింగ్ స్మార్ట్ ఫోన్ ను అనౌన్స్ చేసింది. ఈ ఫోన్ లాంచ్ డేట్ ను ఇంకా ప్రకటించని కంపెనీ ఈ ఫోన్ టీజర్ వీడియో ద్వారా డిజైన్ మరియు కలర్ వివరాలు అందించింది. ఈ అప్ కమింగ్ ఫోన్ ను కర్వుడ్ డిస్ప్లే మరియు డ్యూయల్ కెమెరాతో తీసుకు వస్తున్నట్లు లేటెస్ట్ టీజర్ వీడియో నిర్ధారిస్తుంది.
SurveyLava Blaze X :
లావా బ్లేజ్ ఎక్స్ స్మార్ట్ ఫోన్ ను త్వరలో విడుదల చేస్తుంది లావా. ఈ ఫోన్ ను బ్లేజ్ సిరీస్ నుండి తీసుకు వస్తోంది మరియు ఈ ఫోన్ ను కర్వుడ్ డిస్ప్లేతో అందిస్తుంది. ఈ ఫోన్ టీజింగ్ లో భాగంగా లావా అధికారిక X అకౌంట్ నుండి రిలీజ్ చేసిన కొత్త వీడియోలో కొన్ని వివరాలు వెల్లడించింది. అందులో, ఈ ఫోన్ కలర్ వేరియంట్, కెమెరా సెటప్ మరియు డిస్ప్లే వివరాలు కనిపిస్తాయి.
లావా ఈ స్మార్ట్ ఫోన్ ను రెండు కలర్ వేరియంట్లలో లాంచ్ చేస్తుంది. ఇందులో, వైట్ మరియు బ్లూ కలర్ లు కనిపిస్తున్నాయి. ఈ ఫోన్ లో వెనుక పెద్ద రౌండ్ బంప్ కెమెరా డిజైన్ వుంది. లావా బ్లేజ్ ఎక్స్ స్మార్ట్ ఫోన్ లో ఉన్న ఈ పెద్ద బంప్ లో డ్యూయల్ రియర్ కెమెరా సెటప్ వుంది. ఇదే విషయాన్ని ఈ వీడియో లో లావా కన్ఫర్మ్ చేసింది. అంతేకాదు, ఈ ఫోన్ చాలా సన్నని డిజైన్ మరియు ఆకర్షణీయమైన క్లాసి లుక్ లో కనిపిస్తుంది.
ఇక మరిన్ని ఇతర వివరాల్లోకి వెళితే, ఈ ఫోన్ లో టైప్ C ఛార్జ్ పోర్ట్ వుంది మరియు పక్కనే పెద్ద స్పీకర్ గ్రిల్ కూడా వుంది. లావా బ్లేజ్ అనేది బడ్జెట్ సిరీస్ కాబట్టి ఈ ఫోన్ ను కూడా బడ్జెట్ యూజర్ ను టార్గెట్ చేసుకుని తీసుకుని వస్తుందని భావిస్తున్నారు. ప్రస్తుతం ఇండియాలో బడ్జెట్ ధరలో లభిస్తున్న కర్వుడ్ డిస్ప్లే 5జి స్మార్ట్ ఫోన్ కూడా లావా బ్రాండ్ నుండే వచ్చింది. లావా అగ్ని 2 స్మార్ట్ ఫోన్ ఈ ఘనతను దక్కించుకుంది.
Also Read: Honor 200 Series: సినిమాటిక్ కెమెరాతో కొత్త సిరీస్ వస్తోంది.!
ఈ అన్ని విషయాలను దృష్టిలో ఉంచుకొని చూస్తే, ఈ లావా అప్ కమింగ్ స్మార్ట్ ఫోన్ బడ్జెట్ ధరలో వచ్చే అవకాశం ఉండవచ్చు అని గట్టిగా విశ్వసిస్తున్నారు.
