iQOO Neo 10R: భారీ ఫీచర్స్ తో ఆకట్టుకునే ధరతో లాంచ్ అయ్యింది.!

HIGHLIGHTS

ఐకూ నియో 10R ఈరోజు ఎట్టకేలకు విడుదల చేయబడింది

ఈ ఫోన్ ను భారీ ఫీచర్స్ తో ఆకట్టుకునే ధరతో లాంచ్ చేసింది

ఈ ఫోన్ వేగవంతమైన చిప్ సెట్ మరియు తగిన ఫీచర్స్ కలిగి ఉంటుంది

iQOO Neo 10R launched with stunning features and attractive price

iQOO Neo 10R: ఐకూ చాలా రోజులుగా టీజింగ్ చేస్తున్న ఫోన్ ఐకూ నియో 10R ఈరోజు ఎట్టకేలకు విడుదల చేయబడింది. ఈ ఫోన్ ను భారీ ఫీచర్స్ తో ఆకట్టుకునే ధరతో లాంచ్ చేసింది. అంతేకాదు, ఈ ఫోన్ డిజైన్ పరంగా గొప్పగా అనిపిస్తుంది మరియు ఈ ఫోన్ లో వేగవంతమైన చిప్ సెట్ మరియు తగిన ఫీచర్స్ కలిగి ఉంటుంది. ఈ ఫోన్ రేటుతో కంపెనీ ఈ ప్రైస్ సెగ్మెంట్ లో ఎక్కువ కాంపిటీషన్ ను అందించింది. ఈ రోజే సరికొత్తగా విడుదలైన ఈ ఫోన్ ధర మరియు ఫీచర్స్ తెలుసుకోండి.

iQOO Neo 10R: ఫీచర్స్

ఐకూ నియో 10R స్మార్ట్ ఫోన్ 6.78 ఇంచ్ AMOLED స్క్రీన్ ఆప్టికల్ ఇన్ డిస్ప్లే ఫింగర్ ప్రింట్ సెన్సార్ తో కలిగి ఉంటుంది. ఈ స్క్రీన్ 1.5K రిజల్యూషన్స్, 4500 నిట్స్ పీక్ బ్రైట్నెస్, 120Hzరిఫ్రెష్ రేట్, HDR10+, Netflix HDR మరియు అమెజాన్ ప్రైమ్ వీడియో HDR10+ వంటి గొప్ప ఫీచర్స్ కలిగి ఉంటుంది. ఈ ఫోన్ Snapdragon 8s Gen 3 చిప్ సెట్ తో వస్తుంది మరియు ఇది 1.7Mn+ AnTuTu స్కోర్ అందిస్తుంది. దీనికి జతగా 12GB LPDDR5X ఫిజికల్ ర్యామ్ + 12GB ఎక్స్టెండెడ్ ర్యామ్ మరియు 256GB స్టోరేజ్ తో వస్తుంది.

ఈ ఐకూ లేటెస్ట్ స్మార్ట్ ఫోన్ 50MP Sony IMX882 మెయిన్ + 8MP అల్ట్రా వైడ్ సెన్సార్ కలిగిన డ్యూయల్ రియర్ కెమెరా మరియు 32MP సెల్ఫీ కెమెరా కలిగి ఉంటుంది. ఈ ఫోన్ 4K వీడియో రికార్డింగ్, AI కెమెరా ఫీచర్స్ మరియు మరిన్ని కెమెరా ఫీచర్స్ కలిగి ఉంటుంది. ఈ ఫోన్ భారీ 6400 mAh బ్యాటరీ మరియు 80W ఫాస్ట్ ఛార్జ్ సపోర్ట్ ను కూడా కలిగి ఉంటుంది. ఈ ఫోన్ ఫన్ టచ్ OS 15 సాఫ్ట్ వేర్ తో ఆండ్రాయిడ్ 15 ఆపరేటింగ్ సిస్టం తో పని చేస్తుంది.

iQOO Neo 10R: ప్రైస్

ఐకూ నియో 10R స్మార్ట్ ఫోన్ ను మూడు వేరియంట్లలో అందించింది. ఈ మూడు వేరియంట్ ధరలు ఈ క్రింద చూడవచ్చు.

ఐకూ నియో 10R (8GB + 128GB) వేరియంట్ ధర : రూ. 26,999

ఐకూ నియో 10R (8GB + 256GB) వేరియంట్ ధర : రూ. 28,999

ఐకూ నియో 10R (12GB + 256GB) వేరియంట్ ధర : రూ. 30,999

Also Read: Xiaomi 15 Ultra: పవర్ ఫుల్ కెమెరా మరియు చిప్ సెట్ తో లాంచ్..!

ఆఫర్స్ :

ఈ ఫోన్ పై గొప్ప బ్యాంక్ ఆఫర్స్ కూడా ఐకూ అందించింది. ఈ ఫోన్ పై రూ. 2,000 రూపాయల ఎక్స్ చేంజ్ బోనస్ లేదా రూ. 2,000 బ్యాంక్ డిస్కౌంట్ ఆఫర్ అందించింది. ఈ ఫోన్ ను SBI, ICICI మరియు HDFC బ్యాంక్ కార్డ్స్ తో కొనుగోలు చేసే వారికి ఈ అదనపు డిస్కౌంట్ లభిస్తుంది. ఈ ఫోన్ ప్రీ బుకింగ్స్ ఈరోజు నుంచే ప్రారంభించింది. ఈ ఫోన్ ను అమెజాన్ మరియు iqoo.com నుంచి ప్రీ బుక్ చేసుకోవచ్చు.

Raja Pullagura

Raja Pullagura is the chief copy editor at Digit, he is known for producing engaging and informative content in regional languages, especially Telugu. With a growing interest in technology journalism, he has been actively creating articles covering smartphones, gadgets, telecom updates, and trending tech news. He has developed a strong inclination toward simplifying complex tech concepts for everyday readers.