iQOO Neo 10R: లాంచ్ డేట్ మరియు కీలకమైన ఫీచర్స్ కన్ఫర్మ్ చేసిన కంపెనీ.!

iQOO Neo 10R: ఐకూ అప్ కమింగ్ స్మార్ట్ ఫోన్ లాంచ్ డేట్ మరియు కీలకమైన ఫీచర్స్ ను ఐకూ ఈరోజు వెల్లడించింది. నిన్నటి వరకు కేవలం ఈ ఫోన్ యొక్క డిజైన్ వివరించే ఇమేజ్ తో మాత్రమే టీజింగ్ అందించిన కంపెనీ ఈరోజు లాంచ్ డేట్ మరియు కీలకమైన వివరాలు కూడా కన్ఫర్మ్ చేసింది. ఈ అప్ కమింగ్ ఫోన్ ను ఆకట్టుకునే డిజైన్ మరియు పవర్ ఫుల్ ఫీచర్స్ తో అందిస్తుందని కంపెనీ అందించిన కొత్త టీజర్ చూసిన వారు అంచనా వేస్తున్నారు.

iQOO Neo 10R: ఎప్పుడు లాంచ్ అవుతుంది?

ఐకూ నియో 10R స్మార్ట్ ఫోన్ ను 11 మార్చి 2025 వ తేదీ ఇండియాలో విడుదల చేస్తుందని ఐకూ ప్రకటించింది. ఈ ఫోన్ ఈ సెగ్మెంట్ లో చాలా వేగవంతమైన ఫోన్ అవుతుందని ఐకూ టీజింగ్ చేస్తోంది. ఈ ఫోన్ ను అమెజాన్ స్పెషల్ గా లాంచ్ చేస్తోంది. అమెజాన్ ఇప్పటికే ఈ ఫోన్ కోసం ప్రత్యేకమైన టీజర్ పేజి కూడా అందించింది.

iQOO Neo 10R: కీలకమైన ఫీచర్స్

ఐకూ నియో 10R స్మార్ట్ ఫోన్ ను Snapdragon 8s Gen 3 చిప్ సెట్ తో లాంచ్ చేస్తున్నట్లు ప్రకటించింది. ఈ చిప్ సెట్ తో ఈ ఫోన్ 1.7 Mn+ AnTuTu స్కోర్ అందిస్తుందని కూడా ఈ తెలిపింది. ఇది ఈ ఫోన్ యొక్క పెర్ఫార్మెన్స్ ను తెలిపింది మరియు ఈ సెగ్మెంట్ లో అని హింట్ కూడా ఇచ్చింది. అంటే, ఈ ప్రైస్ సెగ్మెంట్ లో ఈ ఫోన్ ఈ చిప్ సెట్ కలిగిన మొదటి ఫోన్ అవుతుందని అర్ధం.

ఈ ఫోన్ డిస్ప్లే గురించి కూడా చిన్న హింట్ ఇచ్చింది. అదేమిటంటే, ఈ అప్ కమింగ్ స్మార్ట్ ఫోన్ డిస్ప్లే ఏకంగా 2000Hz ఇన్స్టాంట్ టచ్ శాంప్లింగ్ రేట్ ను కలిగి ఉంటుంది. ఈ ఫోన్ సెంటర్ పంచ్ హోల్ డిజైన్ కలిగి స్క్రీన్ ను కలిగి ఉంటుంది. ఈ ఫోన్ లో వెనుక డ్యూయల్ కెమెరా సెటప్ ఉన్నట్లు టీజర్ ఇమేజెస్ ద్వారా అర్థం అవుతోంది. ఈ ఫోన్ కొత్త ర్యాగింగ్ బ్లూ కలర్ లో మరియు వెనుక కొత్త కెమెరా సెటప్ తో కనిపిస్తోంది.

Also Read: Boult Drift Max స్మార్ట్ వాచ్ ని పెద్ద HD స్క్రీన్ మరియు IP68 రేటింగ్ తో చవక ధరలో లాంచ్ చేసింది.!

ఈ ఫోన్ యొక్క మరిన్ని ఫీచర్స్ ను ఒక్కటిగా వెల్లడించే అవకాశం ఉంది కాబట్టి ఈ ఫోన్ యొక్క మరిన్ని ఫీచర్స్ మరియు కొత్త అప్డేట్స్ తో మళ్ళీ కలుద్దాం.

Follow Us

Raja Pullagura

Crazy about tech...Cool in nature... View Full Profile