మీ స్మార్ట్ ఫోన్ పోగొట్టుకున్నా లేదా దొంగిలించబడినా ఎలా ట్రాక్ చేయాలి

లాకా డౌన్ కొనసాగుతున్న కాలంలో, ఎంటర్టైన్మెంట్ సాధనంగా ప్రజలు కనెక్ట్ అవ్వడానికి స్మార్ట్‌ ఫోన్‌ లను ఉపయోగిస్తున్నారు. అంతేకాదు, ఇది వారి రోజువారీ కార్యకలాపాల గురించి తెలుసుకోవడానికి కూడా సహాయపడుతుంది. అయితే, అటువంటి స్మార్ట్ ఫోన్ దొంగతనం లేదా పోగొట్టుకోవడం వంటి విషయం వారికీ నిద్రలేని రాత్రులు మిగిలిస్తుంది.

Survey

కాబట్టి, ఎవరైనా వారి ఫోన్‌ ను పోగొట్టుకుంటే కంగారు పడకుండా కొన్ని ఉత్తమమైన మార్గాల ద్వారా వెంటనే కనిపెట్టే ప్రయత్నాలు చెయ్యొచ్చు. మీ ఫోన్‌ను గుర్తించగలిగే మార్గాలు పూర్తిగా మూసుకుపోయాయని అనుకోవద్దు. మీరు కోల్పోయిన ఫోన్‌ను ట్రాక్ చేసి కనిపెట్ట గల కొన్ని మంచి మార్గాలు ఇక్కడ చూడవచ్చు.

Add As A Trusted Source For Google.

Add as a preferred source on Google

Android స్మార్ట్‌ఫోన్‌ల కోసం

Find My Device అనేది Android- ఆధారిత పరికరాల కోసం Google అందించే ఒక ఫీచర్. ఇది అనుకోకుండా మర్చిపోయిన లేదా పోగొట్టుకున్న వారి ఫోన్‌లు, టాబ్లెట్ లేదా వేరబుల్స్ వస్తువులను ట్రాక్ చేయడానికి మరియు కనుగొనడానికి వినియోగదారులకు సహాయపడుతుంది. ప్రతి Android స్మార్ట్‌ఫోన్‌తో ఈ సేవ అందించబడుతుంది మరియు మీరు Google ఖాతాతో సైన్ ఇన్ చేసి ఉంటే, Find My Device అప్రమేయంగా ప్రారంభించబడుతుంది.

Find My Device సర్వీస్ ఫోన్‌ను సురక్షితంగా ఉంచడానికి, సైలెంట్ మోడ్‌లో కూడా సమీపంలో ఉన్నవారిని అప్రమత్తం చేయడానికి సౌండ్  ప్లే చేస్తుంది మరియు మీ ప్రైవేట్ డేటాను సురక్షితంగా ఉంచడానికి చివరి సహాయంగా స్మార్ట్ ఫోన్ లేదా డివైజ్ ని ఫ్యాక్టరీ రీసెట్ చేయడానికి ఒక ఎంపికను అందిస్తుంది. ఒకవేళ మీరు మీ Android ఫోన్‌ను కోల్పోయినట్లయితే, ఫోన్‌ను ట్రాక్ చేయడానికి మరియు దాని ఆచూకీ తెలుసుకోవడానికి ఈ క్రింది దశలు మీకు సహాయపడతాయి.

• మీ Google ఖాతాతో ల్యాప్‌టాప్ లేదా PC లో Find My Device సర్వీస్ లోకి లాగిన్ అవ్వండి.
• మీరు ఒకే ఇమెయిల్‌తో చాలా ఫోన్లను నమోదు చేసుకుంటే ఆ ఫోన్ల నుండి మీకు కావలసిన ఫోన్ను ఎంచుకోవడానికి డాష్‌బోర్డ్ మిమ్మల్ని అనుమతిస్తుంది.
• జాబితా నుండి మీరు కనుక్కోవాల్సిన ఫోన్‌ను ఎంచుకోండి.
• Find My Device మీ ఫోన్ యొక్క లొకేషన్ కనుగొని, మ్యాప్‌లో దాని లొకేషన్ చూపించడానికి ప్రయత్నిస్తుంది.
• ఇది మీ ఫోన్‌ను ట్రాక్ చేయడాన్ని నిర్వహిస్తుంది, ఇది మీకు ఎంచుకోవడానికి మూడు ఎంపికలను అందిస్తుంది – సౌండ్ ప్లే, సెక్యూర్ డివైజ్ మరియు ఎరేజ్ డేటా.
• మీ ఫోన్ సైలెంట్ మోడ్‌లో ఉన్నప్పటికీ, మీరు సమీపంలో ఉంటే దాన్ని గుర్తించడానికి లేదా ఇతరులను అప్రమత్తం చేయడానికి 5 నిమిషాలు రింగింగ్ ప్రారంభమవుతుంది.
• అదనంగా, మీరు ఫోన్‌ను లాక్ చేయడం ద్వారా దాన్ని సెక్యూర్ చెయ్యవచ్చు మరియు ఫోన్‌ మరెవరికైనా దొరికితే మెసేజ్ ద్వారా వారికీ తెలియచేయవచ్చు. Google ఖాతా నుండి సైన్-అవుట్ చేసిన తర్వాత కూడా ఫోన్ యొక్క లొకేషన్ మ్యాప్‌లో చూపబడుతుంది.
• ఇక చివరి అవకాశంగా, పోగొట్టుకున్న ఫోన్‌ను రక్షించడం చాలా కష్టంగా ఉన్న సందర్భాల్లో, మీ ఫోన్ లో వున్న విలువైన డేటా డిలీట్  చేసే ఎంపిక ద్వారా ఉన్న మొత్తం డేటాను తొలిగించవచ్చు. 

Follow Us

Raja Pullagura

Crazy about tech...Cool in nature... View Full Profile