வோடபோன் Redx போஸ்ட்பெயிட் சலுகை விலையை உயர்த்தியுள்ளது.
Follow Usவோடபோன் போஸ்ட்பெயிட் சலுகைகளில் விலை உயர்ந்த ஒன்றாக வோடபோனின் ரெட் எக்ஸ் சலுகை இருக்கிறது
வோடபோன் நிறுவனம் தனது ரெட் எக்ஸ் போஸ்ட்பெயிட் சலுகை விலையை உயர்த்தியுள்ளது. அதன்படி ரெட் எக்ஸ் சலுகை விலை மாதத்திற்கு ரூ. 1099 என மாற்றப்பட்டுள்ளது. முன்னதாக இதே சலுகை ரூ. 999 விலையில் வழங்கப்பட்டு இருந்தது. அந்த வகையில் ரெட் எக்ஸ் விலை 10 சதவீதம் உயர்த்தப்பட்டுள்ளது.
Surveyவோடபோன் ரெட் சலுகைகள் மாதத்திற்கு ரூ. 399 எனும் துவக்க விலையில் இருந்து வழங்கப்படுகிறது.தற்சமயம் வோடபோன் நிறுவனம் தனது ரெட் எக்ஸ் சலுகை விலையை மட்டும் உயர்த்தி இருக்கிறது. மற்ற சலுகைகளில் எவ்வித மாற்றமும் மேற்கொள்ளப்படவில்லை.
இத்துடன் ஒரு வருடத்திற்கான நெட்ஃப்ளிக்ஸ் சந்தா, தேர்வு செய்யப்பட்ட விமான நிலைய லாஞ்ச்கள், தேர்வு செய்யப்பட்ட நாடுகளுக்கு விசேஷ விலையில் ஐஎஸ்டி அழைப்புகள் வழங்கப்படுகின்றன. மேலும் ரூ. 2999 மதிப்புள்ள ஐரோம் எனும் 7 நாட்கள் சலுகையை வருடத்திற்கு ஒருமுறை பயன்படுத்திக் கொள்ள முடியும்.
வோடபோன் போஸ்ட்பெயிட் சலுகைகளில் விலை உயர்ந்த ஒன்றாக வோடபோனின் ரெட் எக்ஸ் சலுகை இருக்கிறது. இதில் அன்லிமிட்டெட் டேட்டா, அன்லிமிட்டெட் வாய்ஸ் கால், தேசிய ரோமிங், மாதத்திற்கு 100 எஸ்எம்எஸ் உள்ளிட்டவை வழங்கப்படுகிறது.
