சியோமி நிறுவனம் ரெட்மி நோட் 9 5ஜி சீரிஸ் ஸ்மார்ட்போன்களை சமீபத்தில் சீனாவில் அறிமுகம் செய்தது. தற்சமயம் ரெட்மி நோட் 9 சீரிஸ் 5ஜி மாடல் விரைவில் இந்திய சந்தையில் அறிமுகமாகும் என தகவல் வெளியாகி உள்ளது.
இதுபற்றிய விவரங்கள் கூகுள் பிளே கன்சோலில் இடம்பெற்று இருப்பதாக கூறப்படுகிறது. அதன்படி ரெட்மி நோட் 9 ப்ரோ 5ஜி ஸ்மார்ட்போன் இந்தியாவில் எம்ஐ 10ஐ எனும் பெயரில் அறிமுகமாகும் என தெரிகிறது. சியோமி எம்ஐ 10ஐ மாடல் இந்திய வெளியீட்டு தேதி இதுவரை அறிவிக்கப்படவில்லை.
தற்சமயம் வெளியாகி இருக்கும் தகவல் உண்மையாகும் பட்சத்தில் சியோமி எம்ஐ 10ஐ மாடல் இந்தியாவின் குறைந்த விலை 5ஜி ஸ்மார்ட்போனாக இருக்கும் என கூறப்படுகிறது. சீன சந்தையில் ரெட்மி நோட் 9 ப்ரோ 5ஜி மாடல் இந்திய மதிப்பில் ரூ. 18 ஆயிரம் விலையில் அறிமுகம் செய்யப்பட்டு உள்ளது.
இத்துடன் 6.67 இன்ச் ஐபிஎஸ் எல்சிடி பேனல், 120 ஹெர்ட்ஸ் ரிப்ரெஷ் ரேட் கொண்ட டிஸ்ப்ளே, குவால்காம் ஸ்னாப்டிராகன் 750ஜி பிராசஸர், 6 ஜிபி ரேம், 128 ஜிபி மெமரி, 4800 எம்ஏஹெச் பேட்டரி, 33 வாட் சார்ஜிங், பக்கவாட்டில் கைரேகை சென்சார், என்எப்சி வழங்கப்படுகிறது.
ஸ்மார்ட்போன் சந்தையின் மிட் ரேன்ஜ் பிரிவில் 108 எம்பி பிரைமரி கேமரா கொண்ட முதல் ஸ்மார்ட்போன் இது ஆகும். பிரைமரி சென்சாருடன் 13 எம்பி அல்ட்ரா வைடு ஆங்கில் லென்ஸ், 2 எம்பி மேக்ரோ லென்ஸ் மற்றும் 2 எம்பி டெப்த் சென்சார் வழங்கப்பட்டு உள்ளது.