ஆப்பிள் நிறுவனத்தின் பிரீமியம் டிசைன் ஐபோன் X கோல்ட் கலர் கொண்டிருப்பது அமெரிக்க வலைத்தளத்தில் கசிந்துள்ளது.
ஆப்பிள் நிறுவனத்தின் பிரீமியம் ஐபோன் X மாடல் கோல்ட் கலர் கொண்டிருப்பது தெரியவந்துள்ளது. அமெரிக்காவின் ஃபெடரல் கம்யூனிகேஷன்ஸ் கமிஷன் வெளியிட்டிருக்கும் சமீபத்திய புகைப்படங்களில் ஆப்பிள் நிறுவனம் தங்க நிற ஐபோன் X உருவாக்கி வருவது தெரியவந்துள்ளது.
கடந்த ஆண்டு செப்டம்பர் மாத தேதி கொண்டிருக்கும் புகைப்படங்கள் சில தினங்களுக்கு முன் தவறுதலாக வெளியாகி இருப்பதாக கூறப்படுகிறது. தங்க நிற ஐபோன் X ப்ரோடோடைப் ஸ்டெயின்லெஸ் ஃபிரேம் மற்றும் மெல்லிய தங்க நிற கிளாஸ் பேக் கொண்டிருக்கிறது.
புதிய புகைப்படங்களின் படி ஸ்மார்ட்போனில் எல்சிடி டிஸ்ப்ளே வழங்கப்பட்டிருப்பது போன்று காட்சியளிக்கிறது. தற்சமயம் விற்பனை செய்யப்படும் ஐபோன் X ஸ்மார்ட்போனில் OLED பேனல் வழங்கப்பட்டு இருக்கிறது. இதுதவிர புகைப்படங்களில் எவ்வித மாற்றங்களும் கண்டறியப்படவில்லை.
அமெரிக்காவின் FCC-இல் பதிவு செய்யப்பட்டிருக்கும் புகைப்படங்கள் ஐபோன் X வெளியீட்டிற்கு சில மாதங்கள் முன்னதாகவே பதிவு செய்யப்பட்டிருக்கின்றன. அந்த வகையில் ஆப்பிள் நிறுவனம் தங்க நிற ஐபோன் X மாடலை வெளியிட திட்டமிட்டிருந்தது தெரியவந்துள்ளது.
எனினும் கடந்த ஆண்டு ஆப்பிள் நிகழ்வில் ஆப்பிள் நிறுவனம் ஐபோன் X ஸ்மார்ட்போனினை சில்வர் மற்றும் ஸ்பேஸ் கிரே என இரண்டு நிறங்களில் மட்டுமே வெளியிட்டது. இதுவரை புதிய நிற ஐபோன் X வெளியிடுவது குறித்து ஆப்பிள் சார்பில் எவ்வித அறிவிப்பும் வெளியாகாமல் உள்ளது.
அந்த வகையில் தங்க ஐபோன் X வெளியிடப்படுமா என்பது கேள்விக்குறியாகவே உள்ளது. எனினும் புதிய நிற ஐபோன் X ஸ்மார்ட்போன் இந்த ஆண்டு ஜூன் அல்லது செப்டம்பர் மாத வாக்கில் அறிமுகம் செய்யப்படலாம் என எதிர்பார்க்கப்படுகிறது.
Follow Us
Sakunthala
சகுந்தலா கடந்த 7 ஆண்டுகளாக வேலை பணிபுரிகிறார் இவள் டிஜிட் தமிழின் தொழில்நுட்ப செய்தி, பீச்சர், டிப்ஸ் & ட்ரிக்ஸ், ஸ்லைட் ஷோ வீடியோ போன்ற வற்றை கவர் செய்து வருகிறார், இவள் தொழில் நுட்ப செய்தி என்று சொன்னால் இவள் கேட்ஜெட் அதாவது ஸ்மார்ட்போன், லேப்டாப் ,PC மற்றும் ஆட்டோமொபைல்ஸ் போன்றவற்றை எழுதி வருகிறார் இதை தவிர இவள் சோசியல் மீடியா போஸ்ட் பேஸ்புக் போஸ்ட் , பேஸ்புக் லைவ் இன்ஸ்டாகிராம்,, ட்விட்டர் யூடுப் போன்றவற்றையும் மேனேஜ் செய்து வருகிறாள். View Full Profile
