Google Maps யில் இன்டர்நெட் இல்லாமல் வழி தெரியும் அதை செய்ய என்ன செய்ய வேண்டும்
நாம் எதாவது தெரியாத இடங்களுக்கு செல்லும்போது Google Maps பயன்படுத்துகிறோம், அப்படி இருக்கும்போது ஒரு சில இடங்களில் நெட்வொர்க் பிரச்சனை மற்றும் மொபைல் இன்டர்நெட் தீர்ந்தால் இன்டர்நெட் பயன்படுத்த முடியாமல் போகிறது. சில நேரங்களில், உங்கள் மொபைல் டேட்டா தீர்ந்துவிடலாம் அல்லது நெட்வொர்க் கனெக்ஷன் துண்டிக்கப்படலாம்; இத்தகைய சூழலில் வழி கண்டறிவது கடினமாகிவிடும். இதைத் தவிர்க்க, கூகுள் மேப்ஸ் (Google Maps) 'ஆஃப்லைன் மேப்ஸ்' (Offline Maps) எனும் பயனுள்ள வசதியை வழங்குகிறது. இதன் மூலம், இன்டர்நெட் கனெக்ஷன் இல்லாமலேயே, முன்னதாகப் பதிவிறக்கம் செய்த வரைபடங்களைப் பயன்படுத்திக்கொள்ள முடியும்.
Offline Map எப்படி டவுன்லோட் செய்வது?
முதலில், உங்கள் கைப்பேசியில் கூகுள் மேப்ஸ் (Google Maps) செயலியைத் திறந்து, நீங்கள் செல்ல விரும்பும் நகரம் அல்லது பகுதியைத் தேடுங்கள். அதன் பிறகு, உங்கள் ப்ரோபைல் படத்தைத் தட்டி, 'ஆஃப்லைன் மேப்ஸ்' (Offline maps) என்ற விருப்பத்தைத் தேர்ந்தெடுக்கவும்.
இப்பொழுது Select your own map யில் தட்டவும் திரையில் ஒரு வரைபடம் தோன்றும். உங்களுக்குத் தேவையான பகுதியைத் தேர்ந்தெடுக்க, வரைபடத்தை பெரிதாக்கவோ (zoom in) அல்லது சிறிதாக்கவோ (zoom out) செய்யுங்கள். அதன் பிறகு, 'பதிவிறக்கு' (Download) என்பதைத் தட்டவும். அவ்வளவுதான்—வரைபடம் உங்கள் கைப்பேசியில் சேமிக்கப்படும்.
மேப்பை டவுன்லோட் செய்து இன்டர்நெட கனெக்ஷன் தேவை என்பதை நினைவில் கொள்ளுங்கள்; எனவே, வீட்டிலிருந்து கிளம்புவதற்கு முன்பே அதைத் தரவிறக்கம் செய்துகொள்ளுங்கள். வரைபடம் பெரிய பரப்பளவைக் கொண்டிருந்தால், அதைப் பதிவிறக்க அதிக அளவிலான டேட்டா (data) தேவைப்படலாம்.
இன்டர்நெட் இல்லாமல் Google Maps எப்படி பயன்படுத்துவது?
கூகுள் மேப்பில் டவுன்லோட் செய்யப்பட்ட பகுதிக்குள் பயண வழிகளைக் காணலாம், ஆனால் நிகழ்நேரப் போக்குவரத்து நிலவரம், சாலை நெரிசல் குறித்த தகவல்கள் மற்றும் புதிய வழி மாற்றங்கள் போன்றவை கிடைக்காது.
- நீங்கள் செல்ல விரும்பும் நகரத்தின் வரைபடத்தை முன்கூட்டியே பதிவிறக்கம் செய்துகொள்ளுங்கள்.
- மேப்பில் உங்கள் லொகேஷன் காண, உங்கள் கைப்பேசியின் இருப்பிட அமைப்பை இயக்கி வைக்கவும்.
- ஹோட்டல், ரயில் நிலையம் அல்லது நீங்கள் செல்ல விரும்பும் இடத்தின் முகவரியைத் தனியாக எழுதி வைத்துக் கொள்ளுங்கள்.
- வழித்தடத் தகவல்கள் காலாவதியாகாமல் இருக்க, பழைய வரைபடத்திற்குப் பதிலாக புதிய மேப்பை டவுன்லோட் செய்யுங்கள் அல்லது அப்டேட் செய்யவும்.
நீங்கள் அறிமுகமில்லாத நகரத்திற்குப் பயணம் செய்தால், வீட்டிலிருந்து புறப்படுவதற்கு முன் கூகுள் மேப்ஸிலிருந்து ஒரு மேப்பை டவுன்லோட் செய்துகொள்ளுங்கள்