Amazon ഫ്രീഡം സെയിലിൽ സാംസങ് ആരാധകർക്കായി ഇതാ അതിശയകരമായ ഓഫറുകൾ വരുന്നു! Samsung Galaxy Z Fold 8 Ultra, സാംസങ് ഗാലക്സി എസ്25 അൾട്രാ, മിഡ്-റേഞ്ച് രാജാവായ Galaxy M47 5G എന്നിവയെല്ലാം ഓഫർ സെയിലിൽ വിലക്കുറവിൽ ലഭിക്കും. എല്ലാ വർഷവും ഓഗസ്റ്റ് 15 സ്വാതന്ത്ര്യദിനത്തോട് അനുബന്ധിച്ച് ആമസോൺ ഗ്രേറ്റ് ഫ്രീഡം സെയിൽ നടത്താറുണ്ട്. ഇക്കൊല്ലത്തെ ഫ്രീഡം സെയിൽ ഓഗസ്റ്റ് 7 ന് ആരംഭിക്കും. പ്രീമിയം ഫോണുകൾ വാങ്ങാൻ കാത്തിരിക്കുന്നവർ ഏറ്റവും കൂടുതൽ പർച്ചേസിങ് നടത്തുന്ന സെയിൽ മാമാങ്കം കൂടിയാണിത്. ആമസോണിലെ ഓഫറുകളെ കുറിച്ച് വിശദമായി അറിയാം.
പുതുതായി പുറത്തിറങ്ങിയ സ്മാർട്ട് ഫോണാണ് സാംസങ് ഗാലക്സി Z ഫോൾഡ് 8 അൾട്രാ. ഇന്ത്യയിൽ ഇതിന് വില 1,99,999 രൂപയാണ്. സ്മാർട്ട് ഫോൺ ആമസോൺ ഗ്രേറ്റ് ഫ്രീഡം സെയിലിൽ 1,90,999 രൂപ മാത്രമായിരിക്കും. 9,000 വരെ ഇങ്ങനെ ആമസോണിലൂടെ ഫോൾഡബിൾ ഫോണിന് പണം ലാഭിക്കാനാകും. ഇത് ബാങ്ക് ഡിസ്കൗണ്ടുകൾ ചേർത്തുള്ള വിലയാണ്.
ഫോൾഡ് ഫോൺ ഫീച്ചറുകൾ: 8 ഇഞ്ച് AMOLED ഇൻറർ ഡിസ്പ്ലേ, 6.5 ഇഞ്ച് കവർ സ്ക്രീനുള്ള ഫോണാണിത്. ഡിസ്പ്ലേയ്ക്ക് 120 ഹെർട്സ് റിഫ്രഷ് റേറ്റുണ്ട്. ഗാലക്സിയ്ക്കായുള്ള സ്നാപ്ഡ്രാഗൺ 8 Elite Gen 5 പ്രോസസറാണ് ഫോണിലുള്ളത്. 200MP പ്രധാന ക്യാമറ, 50MP അൾട്രാ വൈഡ് ക്യാമറ, 10MP ടെലിഫോട്ടോ ലെൻസ് ചേർന്നതാണ് ക്യാമറ സിസ്റ്റം. ഇതിൽ 5,000mAh ബാറ്ററി, 45W ഫാസ്റ്റ് ചാർജിംഗ് സപ്പോർട്ടും 8K വീഡിയോ റെക്കോഡിങ്ങുമുണ്ട്.
ഓഗസ്റ്റ് 7 ന് ആരംഭിക്കുന്ന മഹാ സെയിലിൽ സാംസങ് ഗാലക്സി എസ്25 അൾട്രായ്ക്കും വിലക്കിഴിവും ലഭിക്കുന്നു. എന്നാൽ എത്ര രൂപ വരെ കിഴിവ് അനുവദിക്കുമെന്ന് ഇതുവരെ ഇ കൊമേഴ്സ് പ്ലാറ്റ്ഫോം സ്ഥിരീകരിച്ചിട്ടില്ല.
Also Read: Flipkart Freedom Day Sale വരുന്നു; ഐഫോൺ 17 പ്രോ മാക്സ് ഉൾപ്പെടെ വൻ ഓഫറുകൾ!
ഫീച്ചറുകൾ: 200MP ക്യാമറയും സ്നാപ്ഡ്രാഗൺ 8 Elite ചിപ്പുമുള്ള ഫോണാണിത്. ഇതിന് 6.9 ഇഞ്ച് QHD+ AMOLED ഡിസ്പ്ലേയാണുള്ളത്. സ്മാർട്ട്ഫോണിൽ കരുത്തുറ്റ 5000mAh ബാറ്ററിയുണ്ട്. ഇതിൽ S Pen പിന്തുണയും ലഭിക്കും.
30,999 രൂപയുടെ സാംസങ് ഗാലക്സി M47 5ജിയ്ക്ക് ഇപ്പോൾ ആമസോണിൽ വിലക്കുറവുണ്ട്. ഇതിന് 25,999 രൂപയാണ് ആമസോൺ ഫ്രീഡം സെയിലിൽ വിലയാകുക.
ഫീച്ചറുകൾ: 6.7 ഇഞ്ച് FHD+ Super AMOLED 120Hz ഡിസ്പ്ലേ, Snapdragon 6 Gen 3 പ്രോസസറുള്ള ഫോണാണിത്. സാംസങ് എം47 5ജിയിൽ 50MP OIS ട്രിപ്പിൾ ക്യാമറയും 6000mAh ബാറ്ററിയുമാണ് നൽകിയിട്ടുള്ളത്.