Honor പുതിയ ഫ്ലാഗ്ഷിപ്പ് ഫോൾഡബിൾ സ്മാർട്ട്ഫോണായ ഹോണർ മാജിക് Vs 2 ചൈനയിൽ അവതരിപ്പിച്ചു. ഒക്ടോബർ 17 മുതൽ ഹോണർ മാജിക് Vs 2 ചൈനയിൽ വാങ്ങാൻ ലഭ്യമാകും. ഈ ഫോണിന്റെ ഇന്ത്യൻ വിപണിയിൽ എന്ന് അവതരിപ്പിക്കും എന്ന് ഒരു വ്യക്തത നൽകിയിട്ടില്ല.
12GB + 256GB വേരിയന്റിന് ചൈനയിൽ Honor Magic VS 2 ഏകദേശം 80,000 രൂപയാണ്. 16GB + 512GB സ്റ്റോറേജ് ഓപ്ഷന് ഏകദേശം 88,000 രൂപ എന്നിങ്ങനെയാണ് വില നിശ്ചയിച്ചിരിക്കുന്നത്. ഗ്ലേസിയർ ബ്ലൂ, മിഡ്നൈറ്റ് ബ്ലാക്ക്, വയലറ്റ് കോറൽ കളർ ഓപ്ഷനുകളിലാണ് പുതിയ ഫോൾഡബിൾ ഫോൺ വരുന്നത്.
ഫുൾ HD+ റെസല്യൂഷനും 120Hz റിഫ്രഷ് റേറ്റും നൽകുന്ന 7.92 ഇഞ്ച് LTPO OLED പ്രൈമറി ഡിസ്പ്ലേയാണ് സ്മാർട്ട്ഫോണിൽ സജ്ജീകരിച്ചിരിക്കുന്നത്. ഇതിനുപുറമെ, അതേ റെസല്യൂഷനുംറിഫ്രഷ് റേറ്റും ഉള്ള 6.43 ഇഞ്ച് സെക്കൻഡറി LTPO OLED സ്ക്രീനും ഇതിന് ലഭിക്കുന്നു.
Adreno 730 GPU-മായി ജോടിയാക്കിയ ഒക്ടാ-കോർ ക്വാൽകോം സ്നാപ്ഡ്രാഗൺ 8+ Gen 1 പ്രൊസസറും 16GB വരെ റാമും ആണ് നൽകുന്നത്. 512GB ഇൻബിൽറ്റ് സ്റ്റോറേജും വാഗ്ദാനം ചെയ്യുന്നു. ആൻഡ്രോയിഡ് 13 അടിസ്ഥാനമാക്കിയുള്ള മാജിസ്ക് ഒഎസ് 7.2 ലാണ് ഇത് വരുന്നത്.
50എംപി പ്രധാന ക്യാമറ, 12എംപി അൾട്രാ വൈഡ് ആംഗിൾ ലെൻസ്, 20എംപി ടെലിഫോട്ടോ ലെൻസ് എന്നിവ ഉൾപ്പെടുന്ന ട്രിപ്പിൾ റിയർ ക്യാമറ സജ്ജീകരണത്തോടെയാണ് Magic Vs 2 വരുന്നത്. ഈ ഉപകരണത്തിന്റെ ക്യാമറകൾ OIS, EIS എന്നിവയെ പിന്തുണയ്ക്കുന്നു. രണ്ട് സ്ക്രീനുകളിലും സെൽഫികൾക്കും വീഡിയോ കോളുകൾക്കുമായി 16എംപി ക്യാമറയും ഹോണറിന്റെ ഈ ബുക്ക്-സ്റ്റൈൽ ഫോൾഡബിളിലുണ്ട്.
കൂടുതൽ വായിക്കൂ: Samsung Galaxy A05s Launch: Samsungന്റെ പ്രീമിയം സ്മാർട്ഫോണിലെ അതേ ക്യാമറ ഈ ലോ- ബജറ്റ് Galaxy A05s ഫോണിലും
66W ഫാസ്റ്റ് ചാർജിംഗിനെ പിന്തുണയ്ക്കുന്ന 5000mAh ബാറ്ററിയിലാണ് പ്രവർത്തിക്കുന്നത്.