OnePlus Nord CE 4: ഇന്നാണ് Sale! 100W ഫാസ്റ്റ് ചാർജിങ്ങുള്ള ഏറ്റവും പുതിയ OnePlus 5G വിൽപ്പനയും ഓഫറുകളും

By Anju M U | Updated on 04-Apr-2024

Anju M U

04 Apr 2024 11:44

HIGHLIGHTS

OnePlus Nord CE 4 ആദ്യ സെയിൽ തുടങ്ങുന്നു...

24,000- 26,000 രൂപ റേഞ്ചിലാണ് വൺപ്ലസ് ഈ ഫോൺ വിപണിയിൽ എത്തിച്ചത്

നിരവധി പ്ലാറ്റ്ഫോമുകളിലൂടെ ഓൺലൈൻ, ഓഫ് ലൈൻ പർച്ചേസ് സാധ്യമാണ്

മിഡ് റേഞ്ച് ബജറ്റുകാർക്കായാണ് OnePlus Nord CE 4 വന്നത്. ഏപ്രിൽ ആദ്യ ദിവസം തന്നെയാണ് ഫോൺ പുറത്തിറക്കിയത്. Snapdragon 7 ജെൻ 3 ഉൾപ്പെടുത്തി വന്നിട്ടുള്ള ഫോണിന്റെ വിലയും ആകർഷകമാണ്. 24,000- 26,000 രൂപ റേഞ്ചിലാണ് വൺപ്ലസ് ഈ ഫോൺ വിപണിയിൽ എത്തിച്ചത്. ഇപ്പോഴിതാ ഫോണിന്റെ First Sale ഇന്ത്യയിൽ ആരംഭിക്കുന്നു.

OnePlus Nord CE 4 സെയിൽ

ഏപ്രിൽ 4 മുതലാണ് ഫോണിന്റെ വിൽപ്പനയെന്ന് കമ്പനി മുൻകൂട്ടി അറിയിച്ചതാണ്. ഉച്ചയ്ക്ക് 12 മണി മുതൽ വിൽപ്പന ആരംഭിക്കുന്നു. നിരവധി പ്ലാറ്റ്ഫോമുകളിലൂടെ ഓൺലൈൻ, ഓഫ് ലൈൻ പർച്ചേസ് സാധ്യമാണ്. ആകർഷകമായ ഓഫറുകളും ആദ്യ സെയിലിൽ നിന്ന് ലഭിക്കുന്നതാണ്.

OnePlus Nord CE 4 വില

8GB+128GB, 8GB+256GB എന്നിങ്ങനെ 2 സ്റ്റോറേജുകളിലുള്ള ഫോണുകളാണുള്ളത്. ഇവയിൽ 128ജിബി വൺപ്ലസ് ഫോണിന്റെ വില 24,999 രൂപയാണ്. 256ജിബി സ്റ്റോറേജിന് 26,999 രൂപയുമാണ് വില. ഫോണിന്റെ ആദ്യ സെയിൽ ഓഫറിന് മുമ്പ് ഫീച്ചറുകൾ നോക്കാം.

നോർഡ് CE 4 Specs

6.7 ഇഞ്ച് AMOLED ഡിസ്‌പ്ലേയുള്ള ഫോണാണിത്. ഇതിന്റെ 120Hz റിഫ്രഷ് റേറ്റ് സ്മൂത്ത് സ്ക്രോളിങ്ങിന് അനുയോജ്യം. നോർഡ് സിഇ 4ൽ ഫ്ലൂയിഡ് AMOLED ഡിസ്പ്ലേയാണ് നൽകിയിട്ടുള്ളത്.

Sony LYT-600 സെൻസറുള്ള 50MP മെയിൻ ക്യാമറയാണ് ഫോണിലുള്ളത്. ഇതിൽ 8MP അൾട്രാ-വൈഡ് ലെൻസുമുണ്ട്. 16 എംപി സെൽഫി ഷൂട്ടർ നൽകിയിരിക്കുന്നു.

ഒക്ടാ കോർ പ്രോസസറിലാണ് ഫോൺ പ്രവർത്തിക്കുന്നത്. സ്‌നാപ്ഡ്രാഗൺ 7 ജെൻ 3 ചിപ്‌സെറ്റ് പെർഫോമൻസ് വളരെ മികച്ചതാണ്. ക്വാൽകോം എഐ എഞ്ചിനും ഈ വൺപ്ലസ് ഫോണിലുണ്ട്. 100W ചാർജിങ്ങിനെ പിന്തുണയ്ക്കുന്ന 5500mAh ബാറ്ററി ഉൾപ്പെടുത്തിയിരിക്കുന്നു. 29 മിനിറ്റിൽ 100 ശതമാനം ചാർജിങ്ങാണ് കമ്പനി അവകാശപ്പെടുന്നത്. ഇതിൽ OnePlus OxygenOS 14 ഒഎസ്സാണുള്ളത്. 2 ആൻഡ്രോയിഡ് അപ്‌ഡേറ്റുകളും 3 വർഷത്തെ സെക്യൂരിറ്റി അപ്ഡേറ്റുകളും കമ്പനി ഉറപ്പുനൽകുന്നു.

വിൽപ്പനയും ഓഫറും

ആമസോൺ, OnePlus സ്റ്റോർ ആപ്പ് എന്നിവിടങ്ങളിൽ നിന്ന് വാങ്ങാം. ക്രോമ, റിലയൻസ് ഡിജിറ്റൽ, oneplus.in എന്നിവയാണ് മറ്റ് ഓൺലൈൻ ഓപ്ഷനുകൾ. വൺപ്ലസ് എക്സ്പീരിയൻ സ്റ്റോറുകളിലും നോർഡ് സിഇ 4 ലഭ്യമായിരിക്കും. കമ്പനിയുടെ ഓഫ്‌ലൈൻ പാർട്നർമാരിൽ നിന്നും ഫോൺ വാങ്ങാം.

ഏപ്രിൽ 4 മുതൽ 30 വരെ പർച്ചേസ് ചെയ്യുന്നവർക്ക് ആകർഷകമായ ഓഫറുകളുണ്ട്. Nord CE4 വാങ്ങുമ്പോൾ 2,250 രൂപയുടെ ജിയോ ആനുകൂല്യം നേടാവുന്നതാണ്. പഴയ വൺപ്ലസ് ഫോൺ മാറ്റി വാങ്ങുകയാണെങ്കിൽ 2,500 രൂപയുടെ എക്സ്ചേഞ്ച് ഓഫർ ലഭിക്കും. 6 മാസം വരെയുള്ള Cost EMI ആനുകൂല്യങ്ങളും സെയിലിൽ ഉൾപ്പെടുത്തിയിട്ടുണ്ട്.