Ration Card ൽ പുതിയ അംഗത്തെ ചേർക്കണോ? മൊബൈൽ ഫോണിലൂടെ വെറും 6 സ്റ്റെപ്പ് മതി

Ration Card ൽ പുതിയ അംഗത്തിന്റെ പേര് ചേർക്കാൻ അക്ഷയ കേന്ദ്രങ്ങളിലോ താലൂക്ക് സപ്ലൈ ഓഫീസുകളിലോ പോയി ക്യൂ നിൽക്കേണ്ടതില്ല. ഒരു സ്മാർട്ട് ഫോണും ഇന്റർനെറ്റ് ആക്സസുമുണ്ടെങ്കിൽ വീട്ടിലിരുന്ന് തന്നെ അനുനിമിഷം ഇത് പൂർത്തിയാക്കാം. സിവിൽ സപ്ലൈസ് വകുപ്പിന്റെ ഔദ്യോഗിക വെബ്‌സൈറ്റ് വഴി വീട്ടിലിരുന്ന് പേര് ചേർക്കാനുള്ള ഓൺലൈൻ അപേക്ഷ സമർപ്പിക്കാനാകും. ഇതിനായി പുതിയ അംഗത്തിന്റെ ആധാർ കാർഡ്, ജനന സർട്ടിഫിക്കറ്റ് അല്ലെങ്കിൽ വിവാഹ സർട്ടിഫിക്കറ്റ് തുടങ്ങിയ രേഖകൾ ഡിജിറ്റൽ രൂപത്തിൽ കൈയിലുണ്ടാകണമെന്ന് മാത്രം. കല്യാണം കഴിഞ്ഞ് തങ്ങളുടെ പങ്കാളിയെ വീട്ടിലെ റേഷൻ കാർഡിലേക്ക് ചേർക്കാൻ ആഗ്രഹിക്കുന്നവർക്കും, കുട്ടികളുടെ പേര് പുതിയതായി ഉൾപ്പെടുത്തേണ്ടവർക്കും ഈ ഓൺലൈൻ സേവനം പ്രയോജനകരമാകും. പണച്ചെലവില്ലാതെ, വളരെ ലളിതമായ 6 സ്റ്റെപ്പുകളിലൂടെ എങ്ങനെയാണ് റേഷൻ കാർഡിലേക്ക് പുതിയ അംഗത്തിന്റെ പേര് ചേർക്കുന്നതെന്ന് അറിയാം.

Also Read: Flipkart Freedom Day Sale വരുന്നു; ഐഫോൺ 17 പ്രോ മാക്സ് ഉൾപ്പെടെ വൻ ഓഫറുകൾ!

Ration Card Family Member Name Update

കേരള സിവിൽ സപ്ലൈസ് വകുപ്പിന്റെ ഓൺലൈൻ സേവനം ലഭിക്കുന്ന https://ecitizen.civilsupplieskerala.gov.in എന്ന സൈറ്റിലൂടെയാണ് ഇതിനായി ആപ്ലിക്കേഷൻ നൽകേണ്ടത്. ഇതിനകം മറ്റേതെങ്കിലും അവസരത്തിൽ ഓൺലൈൻ സേവനം പ്രയോജനപ്പെടുത്തിയവരാണെങ്കിൽ യൂസർ ഐഡിയും പാസ് വേർഡും നൽകി ലോഗിൻ ചെയ്യാം. അല്ലാത്തവർ ഒരു അക്കൌണ്ട് രജിസ്റ്റർ ചെയ്തുകൊണ്ട് ഓൺലൈനായി അപ്ലൈ ചെയ്യാവുന്നതാണ്.

ആവശ്യമായ രേഖകൾ: പുതിയ അംഗത്തിന്റെ ആധാർ കാർഡ്, പങ്കാളിയെ ചേർക്കുകയാണെങ്കിൽ വിവാഹ സർട്ടിഫിക്കറ്റ്, കുഞ്ഞിനെ ചേർക്കുകയാണെങ്കിൽ ജനനസർട്ടിഫിക്കറ്റ്, പുതിയ അംഗത്തിന്റെ പാസ്പോർട്ട് സൈസ് ഫോട്ടോ, റേഷൻ കാർഡിന്റെ പകർപ്പ്, വേറെ റേഷൻ കാർഡിൽ അംഗമായിരുന്നെങ്കിൽ അതിൽ നിന്നും പേര് നീക്കം ചെയ്തതിന്റെ നീക്കം ചെയ്തതിന്റെ സർട്ടിഫിക്കറ്റ് തുടങ്ങിയവ ആവശ്യമായി വരും.

How to: റേഷൻ കാർഡിൽ പേര് ചേർക്കുന്നത് ഘട്ടം ഘട്ടമായി

• മേൽ പറഞ്ഞ കേരള സിവിൽ സപ്ലൈസ് ഇ-സർവീസസ് പോർട്ടൽ തുറന്ന ശേഷം ലോഗിൻ ചെയ്യുക. യൂസർ നെയിം, പാസ് വേർഡ്, ക്യാപ്ച എന്നിവ ഇവിടെ നൽകണം.
• Add New Member to Ration Card എന്ന ഓപ്ഷൻ സെലക്റ്റ് ചെയ്യുക.
• കുടുംബാംഗത്തിന്റെ വിവരങ്ങൾ നൽകുക (പേര്, ആധാർ നമ്പർ, ജനന തീയതി, കുടുംബനാഥനുമായുള്ള ബന്ധം, ആവശ്യമായ മറ്റ് വ്യക്തിഗത വിവരങ്ങൾ)
• ആവശ്യമായ രേഖകൾ (ആധാർ കാർഡ്, ജനന സർട്ടിഫിക്കറ്റ്/ വിവാഹ സർട്ടിഫിക്കറ്റ്) അപ്ലോഡ് ചെയ്യുക.
• അപേക്ഷ സബ്മിറ്റ് എന്ന ഓപ്ഷൻ നൽകുക.
• അപേക്ഷ പ്രിന്റ് ചെയ്ത് കാർഡ് ഉടമയുടെ ഒപ്പ് നൽകിയ ശേഷം, തുടർന്ന് അത് സ്കാൻ ചെയ്യുക. ആവശ്യപ്പെട്ടാൽ ഒപ്പിട്ട പകർപ്പ് അപ്‌ലോഡ് ചെയ്യുക.
• ഇതോടെ അപേക്ഷയുടെ നടപടികൾ പൂർത്തിയാകുന്നു. സബ്മിറ്റ് കൊടുത്ത ശേഷം ഇതേ പോർട്ടലിലൂടെ അപേക്ഷയുടെ സ്റ്റാറ്റസ് പരിശോധിക്കാവുന്നതാണ്.