Ai+ ತನ್ನ ಮುಂಬರಲಿರುವ ಹೊಸ NovaWatch ಸರಣಿಯ ಬಿಡುಗಡೆಯನ್ನು ಅಧಿಕೃತವಾಗಿ ಘೋಷಿಸಿದೆ!

ಜನಪ್ರಿಯ Ai+ ಕಂಪನಿಯು ಭಾರತೀಯ ಮಾರುಕಟ್ಟೆಗೆ ತನ್ನ ಹೊಸ ನೋವಾವಾಚ್ (NovaWatch) ಸರಣಿಯನ್ನು ಪರಿಚಯಿಸುವುದಾಗಿ ಅಧಿಕೃತವಾಗಿ ಘೋಷಿಸಿದೆ. ಈ ಸ್ಮಾರ್ಟ್‌ವಾಚ್‌ಗಳು 2026 ಮೊದಲ ಮೂರು ತಿಂಗಳ ಅವಧಿಯಲ್ಲಿ (Q1) ಮಾರುಕಟ್ಟೆಗೆ ಬರಲಿವೆ. ಧರಿಸುವ ತಂತ್ರಜ್ಞಾನವು (Wearable Tech) ಕೇವಲ ಕೆಲಸಕ್ಕೆ ಬಂದರೆ ಸಾಲದು ಅದು ನೋಡಲು ಕೂಡ ಸ್ಟೈಲಿಶ್ ಆಗಿರಬೇಕು ಎಂಬ ಉದ್ದೇಶದಿಂದ ಇದನ್ನು ತಯಾರಿಸಲಾಗಿದೆ. 2026 ಆರಂಭದಲ್ಲಿ ಕಂಪನಿಯು ಬಿಡುಗಡೆ ಮಾಡಲು ಪ್ಲಾನ್ ಮಾಡಿರುವ ಸಾಲು ಸಾಲು ಉತ್ಪನ್ನಗಳಲ್ಲಿ ನೋವಾವಾಚ್ ಕೂಡ ಪ್ರಮುಖವಾದುದು. ಈ ಸರಣಿಯಲ್ಲಿ ಬೇರೆ ಬೇರೆ ರೀತಿಯ ಅಗತ್ಯಗಳಿಗೆ ತಕ್ಕಂತೆ ವಿವಿಧ ಮಾಡೆಲ್‌ಗಳನ್ನು ತರಲಾಗುತ್ತಿದೆ.

Survey

ಹೊಸ ನೋವಾವಾಚ್ (NovaWatch) ಸರಣಿಗೆ ಸಜ್ಜು:

ಇದರಲ್ಲಿ ಮೊದಲನೆಯದಾಗಿ ನೋವಾವಾಚ್ ಆಕ್ಟಿವ್ (Active) ಎಂಬ ಮಾಡೆಲ್ ಇದೆ. ಇದು ಯಾವಾಗಲೂ ಚಟುವಟಿಕೆಯಿಂದ ಇರುವವರಿಗೆ ಮತ್ತು ತಮ್ಮ ಆರೋಗ್ಯದ ಬಗ್ಗೆ ಹೆಚ್ಚು ಕಾಳಜಿ ವಹಿಸುವವರಿಗಾಗಿ ಸಿದ್ಧಪಡಿಸಲಾಗಿದೆ. ದಿನವಿಡೀ ನಿಮ್ಮ ಹೆಜ್ಜೆಗಳು, ಹೃದಯ ಬಡಿತ ಮತ್ತು ಇತರ ಆರೋಗ್ಯದ ವಿಷಯಗಳನ್ನು ಇದು ನಿಖರವಾಗಿ ಟ್ರ್ಯಾಕ್ ಮಾಡುತ್ತದೆ. ಆರೋಗ್ಯದ ಕಡೆ ಗಮನ ಕೊಡುವವರಿಗೆ ಇದು ತುಂಬಾ ಉಪಯುಕ್ತವಾದ ಸಾಧನವಾಗಿದೆ.

Add As A Trusted Source For Google.

Add as a preferred source on Google

ನಂತರದ ಮಾಡೆಲ್ ನೋವಾವಾಚ್ ವೇರ್‌ಬಡ್ಸ್ (Wearbuds). ಇದು ಮಾರುಕಟ್ಟೆಯಲ್ಲಿಯೇ ಬಹಳ ಅಪರೂಪದ ವಿನ್ಯಾಸವಾಗಿದೆ ಏಕೆಂದರೆ ಈ ಸ್ಮಾರ್ಟ್‌ವಾಚ್‌ನ ಒಳಗಡೆಯೇ ಬ್ಲೂಟೂತ್ ಇಯರ್‌ಫೋನ್‌ಗಳನ್ನು ಇಡಲಾಗಿರುತ್ತದೆ. ಇದು ನೋಡಲು ಕೂಡ ತುಂಬಾ ಸ್ಟೈಲಿಶ್ ಆಗಿದ್ದು ಆಫೀಸ್ ಇರಲಿ ಅಥವಾ ಪಾರ್ಟಿ ಇರಲಿ ಎಲ್ಲಾ ಕಡೆ ಸುಲಭವಾಗಿ ಒಪ್ಪುತ್ತದೆ. ಪದೇ ಪದೇ ಇಯರ್‌ಫೋನ್ ಹುಡುಕುವ ತೊಂದರೆ ಇಲ್ಲಿ ಇರುವುದಿಲ್ಲ.

Also Read: ಅಮೆಜಾನ್‌ನಲ್ಲಿ JBL Dolby Soundbar ಇಂದು ಭಾರಿ ಡಿಸ್ಕೌಂಟ್ಗಳೊಂದಿಗೆ ಕೈಗೆಟಕುವ ಬೆಲೆಗೆ ಲಭ್ಯ!

ಮಕ್ಕಳಿಗಾಗಿ ಬ್ರಾಂಡೇಡ್ Nova ಸ್ಮಾರ್ಟ್ ವಾಚ್:

ಪೋಷಕರಿಗಾಗಿ ವಿಶೇಷವಾಗಿ ಕಿಡ್ಸ್ ಜಿಯೋ ಫೆನ್ಸಿಂಗ್ 4G (Kids Geo-fencing 4G) ವಾಚ್ ಅನ್ನು ವಿನ್ಯಾಸಗೊಳಿಸಲಾಗಿದೆ. ತಮ್ಮ ಮಕ್ಕಳು ಎಲ್ಲಿದ್ದಾರೆ ಎಂಬ ಚಿಂತೆಯಲ್ಲಿರುವ ತಂದೆ-ತಾಯಂದಿರಿಗೆ ಇದು ನೆಮ್ಮದಿ ನೀಡುತ್ತದೆ. ಮಕ್ಕಳಿಗೆ ಸ್ಮಾರ್ಟ್‌ಫೋನ್ ನೀಡಿದರೆ ಉಂಟಾಗುವ ತೊಂದರೆಗಳಿಲ್ಲದೆ ಅವರ ಭದ್ರತೆ ಮತ್ತು ಸುರಕ್ಷತೆಯನ್ನು ಈ ವಾಚ್ ಕಾಪಾಡುತ್ತದೆ. ಕೊನೆಯದಾಗಿ ತಮ್ಮದೇ ಆದ ವೈಯಕ್ತಿಕ ಸ್ಟೈಲ್ ಬಯಸುವವರಿಗಾಗಿ ರೊಟೇಟ್‌ಕ್ಯಾಮ್ 4G (RotateCam 4G) ಎಂಬ ವಾಚ್ ಕೂಡ ಲಭ್ಯವಿದೆ.

ಈ ಬಗ್ಗೆ ಮಾತನಾಡಿದ Ai+ ಸ್ಮಾರ್ಟ್‌ಫೋನ್‌ನ ಸಿಇಒ ಮತ್ತು NxtQuantum Shift Technologies ನ ಸಂಸ್ಥಾಪಕರಾದ ಮಾಧವ್ ಶೇಠ್ ಅವರು “ಇಂದಿನ ದಿನಗಳಲ್ಲಿ ಗ್ಯಾಜೆಟ್‌ಗಳು ನಮ್ಮ ಜೀವನದ ಒಂದು ಭಾಗವಾಗಿವೆ. ಆದರೆ ಹೆಚ್ಚಿನ ಕಂಪನಿಗಳು ಕೇವಲ ತಂತ್ರಜ್ಞಾನಕ್ಕೆ ಒತ್ತು ನೀಡುತ್ತವೆ. ಆದರೆ ನಾವು ನೋವಾವಾಚ್ ಮೂಲಕ ಜನರು ತಮ್ಮ ದೈನಂದಿನ ಜೀವನದಲ್ಲಿ ಆರೋಗ್ಯ ಮತ್ತು ಸುರಕ್ಷತೆಯ ದೃಷ್ಟಿಯಿಂದ ಈ ಸಾಧನಗಳನ್ನು ಹೇಗೆ ಸುಲಭವಾಗಿ ಬಳಸಬಹುದು ಎಂಬುದರ ಮೇಲೆ ಹೆಚ್ಚಿನ ಗಮನ ಹರಿಸಿದ್ದೇವೆ” ಎಂದು ತಿಳಿಸಿದ್ದಾರೆ.

Follow Us

Ravi Rao

Kannada Tech Editor: Ravi Rao is an Indian technology Journalist who has been covering day to day consumer Technology News, Features, How To and much more in Kannada since 2016. View Full Profile