CMF Watch 3 Pro smartwatch complete features know here
CMF Watch 3 Pro: ప్రముఖ యూకే ఎలక్ట్రానిక్స్ దిగ్గజం Nothing ఉప బ్రాండ్ అయిన CMF అప్ కమింగ్ స్మార్ట్ వాచ్ లాంచ్ అనౌన్స్ చేసింది. అదే సిఎంఎఫ్ వాచ్ 3 ప్రో స్మార్ట్ వాచ్ మరియు వాచ్ ను న్యూ ఆకట్టుకునే ఫీచర్స్ తో లాంచ్ చేస్తున్నట్లు కంపెనీ తెలిపింది. నథింగ్ తో పోలిస్తే సిఎంఎఫ్ ద్వారా అందించే ప్రోడక్ట్స్ బడ్జెట్ యూజర్ ను టార్గెట్ చేసే విధంగా ఉంటాయి. కాబట్టి ఈ అప్ కమింగ్ స్మార్ట్ వాచ్ పై అంచనాలు పెరుగుతున్నాయి.
సిఎంఎఫ్ వాచ్ 3 ప్రో స్మార్ట్ వాచ్ ఇండియా లాంచ్ డేట్ ను కంపెనీ ఇంకా అనౌన్స్ చేయలేదు. అయితే, ఈ అప్ కమింగ్ స్మార్ట్ వాచ్ ఈ నెల చివరి నాటికి ఇండియాలో లాంచ్ అయ్యే అవకాశం ఉన్నట్లు చెబుతున్నారు. ఈ వాచ్ కోసం ఫ్లిప్ కార్ట్ అందించిన ప్రత్యేకమైన టీజర్ పేజీ నుంచి ఈ స్మార్ట్ వాచ్ కీలక ఫీచర్లు కూడా వెల్లడించింది.
సిఎంఎఫ్ వాచ్ 3 ప్రో స్మార్ట్ వాచ్ మంచి అందమైన రౌండ్ డయల్ తో ఉంటుంది. ఈ స్మార్ట్ వాచ్ మెటల్ ఫ్రేమ్ తో ఉంటుంది మరియు సిలికాన్ స్ట్రాప్స్ తో వస్తుంది. ఈ వాచ్ 60FPS రిఫ్రెష్ రేట్ కలిగిన 1.43 ఇంచ్ AMOLED స్క్రీన్ కలిగి ఉంటుంది. ఇది ఆటో బ్రైట్నెస్ మరియు 91% స్క్రీన్ టు బాడీ రేషియో కలిగి ఉంటుంది. ఈ వాచ్ 120 కస్టమ్ మరియు ఇంటరాక్టివ్ వాచ్ ఫేసెస్ సపోర్ట్ తో వస్తుంది.
ఈ స్మార్ట్ వాచ్ కొత్త కస్టమ్ వర్క్ అవుట్ సమరీ ఫీచర్ కలిగి ఉంటుంది. ఇది యూజర్ కోరుకునే వివరాలు సమరైజ్ చేసి అందిస్తుంది. ఈ స్మార్ట్ వాచ్ హెల్త్ సపోర్ట్ కోసం అడ్వాన్స్డ్ హార్ట్ రేట్ మోనిటరింగ్, బ్లడ్ ఆక్సిజన్ మరియు స్ట్రెస్ లెవల్ వంటి మరిన్ని హెల్త్ ఫీచర్స్ కలిగి ఉంటుంది. ఈ స్మార్ట్ వాచ్ 131 స్పోర్ట్స్ మోడ్స్ కలిగి ఉంటుంది.
Also Read: SASA LELE Sale బిగ్ స్మార్ట్ ఫోన్ డీల్స్ రివీల్ చేసిన Flipkart
ఇక ఇతర ఫీచర్స్ విషయానికి వస్తే, ఈ వాచ్ AI న్యూస్ రిపోర్టర్ మరియు AI రికార్డింగ్ ట్రాన్స్ స్క్రిప్షన్ వంటి ఏఐ ఫీచర్స్ కలిగి ఉంటుంది. ఇది బ్లూటూత్ కాలింగ్ సపోర్ట్ కలిగి ఉంటుంది మరియు నథింగ్ X యాప్ తో నడుస్తుంది. అంతేకాదు, GPS ట్రాకింగ్ కూడా కలిగి ఉంటుంది.