Vivo X80 Series: రేపు విడుదల కానున్నవివో కొత్త ఫోన్లు..!!

చాలా కాలంగా టీజింగ్ చేస్తున్న వివో ప్రీమియం స్మార్ట్ ఫోన్ సిరీస్ Vivo X80 Series ను ఎట్టకేలకు రేపు మధ్యాహ్నం 12 గంటలకి ఇండియాలో విడుదల చేయడానికి అన్ని ఏర్పాట్లు చేసింది. Vivo X80 సిరీస్ లో రెగ్యులర్ X80 మరియు X80 Pro మోడల్స్ ఉంటాయి. అంతేకాదు, ఈ స్మార్ట్ ఫోన్లు భారీ ప్రీమియం ఫీచర్లతో కనిపిస్తున్నాయి. ఈ ఫోన్ లో కెమెరా గురించి మరింత శ్రద్ద తీసుకున్న వివో ZEISS ఆప్టిక్స్ తో పాటుగా వివో V1+ చిప్ ను కూడా జత చేసింది. ప్రస్తుతానికి టీజర్ ద్వారా వెల్లడించిన వివరాల ప్రకారమే, ఈ ఫోన్ కెమెరా అద్భుతాలను చిత్రీకరించగలదని అర్ధమవుతోంది. రేపు విడుదల కానున్న ఈ  X80 సిరీస్ లో మనం ఎక్స్పెక్ట్ చేయగల స్పెక్స్ ఇక్కడ చూడవచ్చు.   

Survey

Vivo X80 Series: స్పెక్స్ మరియు ఫీచర్లు

Vivo X80 సిరీస్ లో రెగ్యులర్ X80 మరియు X80 Pro మోడల్స్ ఉంటాయి. ముందుగా, వివో X80 తో మొదలుపెడితే ఈ ఫోన్ లో MEMC టెక్నాలజీతో 6.78-అంగుళాల E5 AMOLED డిస్ప్లే FHD+ రిజల్యూషన్ మరియు 120Hz రిఫ్రెష్ రేట్ తో ఉంటుంది. ఈ స్మార్ట్ ఫోన్ల డిస్ప్లేలో సెంట్రల్ పంచ్ హోల్ డిజైన్ తో మరియు అందులో 32MP కెమెరాతో ఉంటుంది. ఇక వెనుక కెమెరాలలో OIS తో 50MP సోనీ IMX866 ప్రైమరీ సెన్సార్, 12MP అల్ట్రావైడ్ మరియు 12MP (2x, 20x సూపర్ జూమ్) టెలిఫోటో సెన్సార్ ఉన్నాయి.

Add As A Trusted Source For Google.

Add as a preferred source on Google

మీరు ఇందులో Zeiss ఆప్టిక్స్, Zeiss T* కోటింగ్ మరియు V1+ ISPని కూడా పొందుతారు. ఈ ఫోన్లలో LPDDR5 RAM మరియు UFS 3.1 స్టోరేజ్‌తో MediaTek డైమెన్సిటీ 9000 పైన అందించబడుతుంది. ఫోన్ 80W వైర్డు ఛార్జింగ్‌తో 4500mAh బ్యాటరీతో పనిచేస్తుంది.

ఇక X80 Pro మోడల్ విషయానికి వస్తే, ఇందులో 120Hz వరకు వేరియబుల్ రిఫ్రెష్ రేట్ సపోర్ట్ కలిగిన LTPO స్క్రీన్‌ తో వుంది. మీరు స్మార్ట్ ఫోన్ లో Qualcomm Snapdragon 8 Gen 1 లేదా MediaTek డైమెన్సిటీ 9000 వేరియంట్‌ లను ఎంచుకోవచ్చు. IP68 డస్ట్ మరియు వాటర్ రెసిస్టెన్స్ మరియు స్క్రీన్ కింద అల్ట్రాసోనిక్ ఫింగర్ ప్రింట్ స్కానర్‌ను కూడా ఇందులో పొందుతారు. ప్రో వేరియంట్ 80W వైర్డు ఛార్జింగ్ అలాగే 50W వైర్‌లెస్ ఛార్జింగ్ మరియు 10W రివర్స్ వైర్‌లెస్ ఛార్జింగ్ సపోర్ట్‌తో మద్దతునిస్తుంది.  

Follow Us

Raja Pullagura

Crazy about tech...Cool in nature... View Full Profile